1 Petero 4:14 - Eriragano Erihya

¹⁴ Nyoore muritukwanga kwa ekisigo kya eriina rya Kiristu, mumanye ega, murinonkwa. Eringʼana riyo, riroorokya ega, Omutima wa Waryubha wa obhukuru aringi hamwi na bheenyu.

1 Petero 4:14 ပူးပေါင်းရင်းမြစ်များ

Mataayo 5:11

“Nyakara bheenyu nyoore abhantu bharabhatuka, bharabharaarira na okubhahaamirirya kwa amanga amaaru kurusumo rwani.

Mataayo 5:16

Egoego na bheenyu, endingaasi yeenyu ereenderwa emirike kubhantu, naho bharore ebhikorwa bhyenyu ebhijomu, bhamugungye Eseweenyu owa murwire.

Ruuka 6:22

Nyakara bheenyu, nyoore abhantu bharibhajimira, na okubhaahura, nyoore bharibhatuka na okubhakeerya ega, bheenyu m-basarya, kurusumo rwa Omwana wa Adamu.

Yoana 15:21

Nawe, bharibhakorera gonsego gayo, kurusumo rwa okunsoorana oni, kwa okubha bhatamanyiri unú yaantuma.

Yoana 8:48

Abhayahudi bhakamubhuurya Yeesu ega, “Mbe, tutakugamba obhuheene, hanú turagamba ega, uuwe m-Musamaria, na ega, uuna ekihwi ekibhiibhi?”

Yoana 9:28

Mbe, bheeki bhakamutuka ega, “Uuwe nuuwe omwihigira waaye! Nawe, bheetu turingi abheehigira bha Musa.

Yoana 9:34

Bheeki bhakamukyukya ega, “Uuwe weebhurwa na okurerwa kya omukori wa obhusarya. Bhoono, uuwe uuna obhutungi-ki bhwa okutwihigirya bheetu?” Mbe, bhakamukenyia muyo.

Amakorwa ga Abhatumwa 13:45

Nawe, Abhayahudi hanú bhaarora omuganda omunene gwa abhantu, bhabheeri na orwango na okugamba amangʼana ga enjabhuro eguru ya ganú Pauro yaaringa aragamba.

Amakorwa ga Abhatumwa 18:6

Nawe, Abhayahudi bhayo, bhakaamba okumuhakaanʼya na okumutuka. Weeki akabhakungʼuntira emyenda gyaye, okoorokya ega, areeyahura nabho, enu arabhakeerya ega, “Amanyinga geenyu, garibha eguru yeenyu abheene! Oni ekiina kyani n-kirabhu, mmariri okukora agaani ganú ndeenderwa okukora. Okwambira bhoonwego, ndagya kubhantu bhanú bhataringi Abhayahudi.”

Amakorwa ga Abhatumwa 28:22

Nawe bheetu, tureenda okwigwa kya ego uuwe oreeganirirya, kwa okubha edini inú oragwata, tumanyiri ega, eragambwa obhubhiibhi kira ahasi.”

Amakorwa ga Abhatumwa 5:41

Abhatumwa bhayo, bhakarwa mwibharaja muyo, bhajomeerwe kwa okubha Waryubha yaaringa abhakoreri bhasuukwe okuhitira okujeerwa, kwa eriina rya Yeesu.

2 Abhakorinto 12:10

Kwa ego, niina obhujomerwa eguru ya obhunyooheeru bhwani, kweki eguru ya okutukwa, etaabhu, enyanko, na amakongʼu eguru ya Kiristu. Niina obhujomerwa, kwa okubha hanú ndabha omunyooheeru, nho ndabha na eginguru.

2 Abhakorinto 4:10

Eginsiku gyonsego emibhiri gyetu giringi mungʼanga ya okukwa, kya Yeesu, naho obhuhoru bhwa Yeesu, bhumaahikane kumibhiri gyetu.

2 Abhakorinto 4:16

Ego, tutakukwa omutima, onyoora emibhiri gyetu kwa kibhara giragunda, nawe, munsi weetu, Waryubha aratukora abhahya eginsiku gyonsego.

Abhagaratia 1:24

Kimwi bhakamugungya Waryubha kurusumo rwa ganú yaankorera.

Abhaebhurania 11:26

Musa yaarora ega, okunyanka kurusumo rwa Kiristu Omutuurya m-buniibhi bhwaru, okukira okunyoora obhuniibhi bhonsego bhwa mukyaro kya Misiri. Yaarora ego, kwa okubha yaaringa araganyirira omutuho gunú Waryubha arimuhaana kuginsiku gya embere eyo.

Yakobho 1:12

Yaanonkwa omuntu unú areegumirirya hanú arasakibhwa, kwa okubha hanú aribha ahigiri amasakyo, Waryubha arimuhaana omutuho gwa obhuhoru bhwa koko, gunú yaaraga abhantu bhanú bhamuhanjiri.

Yakobho 5:11

Na turabhabhirikira abha enonkwe bhanú bheegumirirya. Mweegwiri kya ego Ayubhu yeegumirirya, na mumanyiri kya ego Omukuru Waryubha yaamukorera amajomu kubhuteero. Yaamukorera amajomu gayo, kwa okubha yaana ekyabhira na obhuhanje.

1 Petero 2:12

Mukore amajomu kubhanú bhatamumanyiri Waryubha, naho nyoore bharibhahaamirirya ega, muringi abhabhiibhi, bharore amakorwa geenyu amajomu. Nho, bharimugungya Waryubha kurusumo rwenyu, orusiku rwa okuuja kwaye.

1 Petero 3:14

Nawe, nyoore muranyanka kwa ekisigo kya okukora amajomu, Waryubha aribhanonka. Kwa ego, mutoobhoha kya ego bharabhakanga, nawe mumugungye Kiristu, weeki ngʼo Omukuru wa obhuhoru bhwenyu.

1 Petero 3:16

Mubhenga na ameetegeerero amajomu, naho nyoore abhantu bharibhahaamirirya eguru ya amangʼana ganú murakora kurusumo rwa Kiristu, bhamaahe eginsoni.

1 Petero 4:16

Hanú omuntu araanyankibhwe kwa okubha m-Mukirisitu, atarora eginsoni, nawe, amugungye Waryubha ega, arabhirikirwa kwa eriina riyo.

2 Petero 2:2

Abhantu abhaaru bharigwata eginjira gyabho egimbiibhi. Na kwa ekisigo kya abheehigirya bha obhubheehi bhayo, abhantu abhandi bharibhanga bharatuka enjira ya obhuheene.