1 Petero 4:13 - Eriragano Erihya

¹³ Nawe, mujomerwe ega, muranyanka, kya ego Kiristu yaanyanka, naho muriija okubha na obhujomerwa deke, eribhaga rinú obhukuru bhwaye bhuryorokibhwa harabhu.

1 Petero 4:13 ပူးပေါင်းရင်းမြစ်များ

Mataayo 16:27

Ndagamba ego, kwa okubha Omwana wa Adamu ariija hamwi na bhamaraika bhaaye mubhukuru bhwa Taata. Hayo nho, arimuriha kira omuntu okurekana na ebhikorwa bhyaye.

Mataayo 25:21

“Omukuru waaye, akamukeerya ega, ‘Okoreri bhwaheene, omukori wa emirimu wa enkoro enjomu na omuheene. Waabha omuheene kumangʼana amake, kwa ego, ndakutuura okubha omwimiririri wa ebhintu ebhyaru. Njo ojomerwe hamwi na omukuru waaho.’

Mataayo 25:23

“Omukuru waaye, akamukeerya ega, ‘Okoreri bhwaheene, omukori wa emirimu wa enkoro enjomu na omuheene. Waabha omuheene kumangʼana amake, kwa ego, ndakutuura okubha omwimiririri wa ebhintu ebhyaru. Njo ojomerwe hamwi na omukuru waaho.’

Mataayo 25:31

Yeesu akagendererya okuhaira na abheehigira bhaaye ega, “Omwana wa Adamu hanú arihunjuka mubhukuru bhwaye, hamwi na bhamaraika bhonsego, nho, ariikara kukitumbi kyaye kya ekikama.

Mataayo 25:34

“Nho, Omukama aribhakeerya abhantu bhanú bharingi orubhaara rwaye rwa obhuryo ega, ‘Muuje, bheenyu bhanú mwanonkwa na Taata. Mugabhe obhukama bhunú Waryubha yaabhaseemerya okwambira hanú yaabhumba ekyaro,

Mataayo 5:12

Mujomerwe na okukiririrya kwa okubha omutuho gwenyu murwire m-munene, ego niigo bhaabhanyankya abharooti bhanú bhaaringa-ho akare.

Mariko 8:38

Hanú oni, Omwana wa Adamu ndihunjuka okurwa murwire na bhamaraika bhaani abharabhu, mubhukuru bhwa Taata, ndimumaahira eginsoni omuntu unú arammaahira eginsoni oni na ameehigiryo gaani, kwibhaga rinu, erya orwibhuro rwa obhusimbe na obhusarya.”

Ruuka 17:30

“Ego niigo eribha, orusiku runú Omwana wa Adamu arihunjuka mukyaro hanu, Waryubha arimukundukura.

Amakorwa ga Abhatumwa 16:25

Mbe, mubhutiku gati, Pauro na Siira bhakabha bharamusabha Waryubha na okumwimbira ameembo ga okumugungya. Abhabhohwa abharikyabho bheeki, bhaaringa bharabheetegeerera.

Amakorwa ga Abhatumwa 5:41

Abhatumwa bhayo, bhakarwa mwibharaja muyo, bhajomeerwe kwa okubha Waryubha yaaringa abhakoreri bhasuukwe okuhitira okujeerwa, kwa eriina rya Yeesu.

Abharuumi 5:3

Tutakujomerwa kwa gayo ageenego, nawe, turajomerwa kora kuginyanko gyonsego, kwa okubha tumanyiri ega, eginyanko girareeta obhwigumirirya.

Abharuumi 8:17

Mbe, kwa okubha bheetu m-baana bha Waryubha, tubheeri abhagabhi bhaaye. Turinyoora engabho yeetu hamwi na Kiristu. Na kwa okubha turasanga munyanko hamwi na Kiristu, kweki turigungibhwa hamwi nawe.

Abharuumi 8:18

Oni niina obhuheene ega, enyanko yeetu ya eribhaga rinu, etaringi ekintu, nkaairingʼaanʼya na obhukuru bhunú Waryubha arituhaana kwibhaga rinú riraaja.

2 Abhakorinto 1:5

Kya ego turagendererya okunyoora eginyanko kurusumo rwa Kiristu, egoego Waryubha aragendererya okutuhorisya bhukongʼu, okuhitira ku Kiristu.

2 Abhakorinto 1:7

Obhwisige bhwetu kubheenyu m-bunene, kwa okubha tumanyiri kya ego muranyanka kya bheetu, niigo murahorisibhwa kya bheetu.

2 Abhakorinto 4:10

Eginsiku gyonsego emibhiri gyetu giringi mungʼanga ya okukwa, kya Yeesu, naho obhuhoru bhwa Yeesu, bhumaahikane kumibhiri gyetu.

2 Abhakorinto 4:17

Ndagamba ego, kwa okubha eginyanko gyetu ni-nhuhu na n-gya eribhaga ekego. Kweki, giratuseemerya obhukuru bhwa koko. Obhukuru bhuyo, m-bunene bhukongʼu, bhuratukora okurora ega, eginyanko giyo, ni-nkego.

Abhafiripi 3:10

Ndeenda mmumanye bhukongʼu Kiristu, na eginguru ginú Kiristu yaaringa nagyo eribhaga rya okuhyuka kwaye. Ndeenda nnyanke kya ego weeki yaanyanka, kora okuhikira okukwa,

Abhakorosai 1:24

Bhoono, ndajomererwa enyanko inú ndanyoora kurusumo rwenyu. Kwa enjira ya okunyanka kumubhiri gwani, ndasanga enyanko ya Kiristu inú eragendererya kurusumo rwa omubhiri gwaye. Omubhiri guyo, ngo erikanisa.

2 Timoteo 2:12

Nyoore tureekongʼererya, turitunga hamwi nawe. Nyoore turamwanga weeki, wonse aritwanga.

1 Petero 1:13

Kwa ego, mwiseemye na mwiyangararire. Mutuure obhwisige bhonsego kwiruguto rinú murihaanwa, hanú Yeesu Kiristu ariija na okwiyorokya kubhurabhu.

1 Petero 2:21

Mureenderwa mwigumiriryenga ego, kwa okubha Kiristu wonse, yaanyankibhwa kurusumo rwenyu. Kweki akabhatigira ekirengekanʼyo, naho mubhenga muramwihigira.

1 Petero 5:1

Bhoono, ndagamba na bheenyu abhakangati bha erikanisa. Oni m-mukangati omurikyenyu, naarora kwa ameeso gaani kya ego Kiristu yaanyankibhwa. Kweki oni m-mugwatani omurikyenyu wa obhukuru bhunú bhuringi haangʼi okumaahikana. Kwa ego, ndabhakomererya bheenyu,

1 Petero 5:10

Waryubha arabhahaana eriruguto ryonsego! Yaabhabhirikira bheenyu, naho mugwatane nawe mubhukuru bhwaye bhwa koko, hamwi na Kiristu. Muranyanka kwa eribhaga ekego, nawe weeki omwene aribhakora munage, aribhahaana eginguru, na okubhakora mwime.

Yuda 1:24

Waryubha ngʼo yaana obhuturo bhwa okubhaangararira mutabhura, na okubhareeta bheenyu bira amasoro embere ya obhukuru bhwaye, enu murajomerwa bhukongʼu.

Obhukundukuri 1:7

Maaha! Yeesu ariijira gatigati ya amasaaru! Abhantu bhonsego bharimurora, kora bhanú bhaamubhita na eritimu. Amakabhira gonsego mukyaro, garifumba oruku, kurusumo rwaye. Maheene, niigo eribha. Amina.

Obhukundukuri 1:9

Oni Yoana omuhiiri weenyu kuimani, ndagwatana na bheenyu kukunyanka na okwigumirirya kurusumo rwa Yeesu na obhukama bhwaye. Naajibhibhwa kwa okutuurwa kwiginga rinú rirabhirikirwa ega, Patimo, kwa okubha naaringa ndaraarika eringʼana rya Waryubha na okuruusya obhwimiririri eguru ya Yeesu.