1 Petero 3:9 - Eriragano Erihya

⁹ Mutarihya abhantu amabhiibhi kwa amabhiibhi, kasi amatuki kwa amatuki, nawe mubhanonke. Mubhirikiirwe okukora gayo, naho bheenyu bhonse munonkwe,

1 Petero 3:9 ပူးပေါင်းရင်းမြစ်များ

Mataayo 19:29

Omuntu wowonse unú yaatiga enyumba yaaye, kasi abhamura bhaabho kasi abhahara bhaabho kasi esewaabho kasi ngʼina waabho kasi abhaana bhaaye kasi emigunda gyaye kurusumo rwani, arinyoora ebhyaru bhukongʼu. Hamwi na gayo, arinyoora obhuhoru bhwa koko.

Mataayo 25:34

“Nho, Omukama aribhakeerya abhantu bhanú bharingi orubhaara rwaye rwa obhuryo ega, ‘Muuje, bheenyu bhanú mwanonkwa na Taata. Mugabhe obhukama bhunú Waryubha yaabhaseemerya okwambira hanú yaabhumba ekyaro,

Mataayo 5:39

Nawe, oni ndabhakeerya ega, otamurihya amabhiibhi omuntu unú akukoreeri amabhiibhi. Nawe, nyoore omuntu akutemeri kumboto ya obhuryo, mukyukirye na eya obhumosi yonse.

Mataayo 5:44

Nawe, oni ndabhakeerya ega, muhanje abhasigu bheenyu, na mubhasabhire bhonsego bhanú bharabhanyankya.

Mariko 10:17

Hanú Yeesu na abheehigira bhaaye bhaamba orugendo, omuntu oumwi akamukenyerera kunjira, akatema ebhiru hansi embere yaaye, akamubhuurya ega, “Omwihigirya owa heene, nkore egaki naho nnyoore obhuhoru bhwa koko?”

Ruuka 10:25

Orusiku rumwi, omwihigirya umwi wa amaragiriryo akeemirira, akamubhuurya Yeesu eringʼana kwa okumutega ega, “Omwihigirya, nkore egaki, naho nnyoore obhuhoru bhwa koko?”

Ruuka 18:18

Yaaringa-ho omutungi umwi. Omutungi uyo, akamubhuurya Yeesu ega, “Omwihigirya owa heene, nkore egaki, naho nnyoore obhuhoru bhwa koko?”

Abharuumi 12:14

Mumusabhe Waryubha abhanonke bhanú bharabhanyankya, kora mutabha murabhasabhira ega, bheehiimwe.

Abharuumi 12:17

Hanú abhantu bharabhakorera obhubhiibhi, mutabhariha ekisiiyomba. Nawe, mukore ganú garamaahikana ega, m-majomu kubhantu bhonsego.

Abharuumi 8:28

Tumanyiri ega, Waryubha arakora amangʼana gonsego okureeta amajomu, kubhantu bhonsego bhanú bhamuhanjiri, bhanú bhaabhirikirwa okurekana na obhwendi bhwaye.

Abharuumi 8:30

Mbe, bhayo yaaringa abhasoreri okurwa ekyaro kitarabhumbwa, mbo yaabhirikira akabhabhara okubha abhaheene embere yaaye, na mbo yaamura ega, aribhahaana obhukuru.

Abhagaratia 3:14

Yaatutungurya, naho enonkwe inú Abhurahamu yaahaanwa, ebhahikiire abhantu bha ebhyaro bhyonsego, okuhitira ku Kiristu Yeesu. Na kwa enjira ya okumwikirirya Kiristu, bheetu bhonsego tunyoore Omutima Omurabhu unú Waryubha yaaturaga.

Abhaefeso 4:32

Mubhenga abhaserenʼya, abha ekyabhira, na mwabhiranenga kya ego Waryubha yaabhaabhira bheenyu kwa enjira ya Kiristu.

1 Abhatesaronike 5:15

Mwangararire, omuntu wowonse atamuriha ekisiiyomba omurikyaye kwa obhusarya. Nawe, eribhaga ryonsego mubhenga murakorerana amajomu na kubhantu bhonsego.

Abhaebhurania 12:17

Mumanyiri ega, hanú Esau yeenda okugabha enonkwe, esewaabho akaanga. Esau ataanyoora kweki omweya gwa okwihunjura, onyoora yaagutuna omweya guyo kwa okukuura bhukongʼu.

Abhaebhurania 6:14

Waryubha yaateenera Abhurahamu ega, “M-maheene ndikunonka, na orwibhuro rwaho ndirwaruhya bhukongʼu.”

1 Petero 5:10

Waryubha arabhahaana eriruguto ryonsego! Yaabhabhirikira bheenyu, naho mugwatane nawe mubhukuru bhwaye bhwa koko, hamwi na Kiristu. Muranyanka kwa eribhaga ekego, nawe weeki omwene aribhakora munage, aribhahaana eginguru, na okubhakora mwime.