1 Petero 3:8 - Eriragano Erihya

⁸ Kubhuteero ndabhakeerya bhonsego ega, mugwatane, mubhe na ameetegeerero gamwi, muhanjane kihiiri, mwabhirane, na mubhe abheesuuhya.

1 Petero 3:8 ပူးပေါင်းရင်းမြစ်များ

Mataayo 18:33

Bhoono, na uuwe otakwenderwa okumumaahira ekyabhira omukori wa emirimu omurikyaho, kya ego oni naakumaahira ekyabhira?’

Ruuka 10:33

“Eribhaga erindi, akaaja Omusamaria oumwi, unú yaaringa kurugendo. Hanú yaamurora omuntu uyo, akamwabhira.

Amakorwa ga Abhatumwa 2:1

Orusiku rwa enyangi ya Epentekosite hanú rwahika, abheekirirya bhonsego bha Yeesu, bhaaringa bheekumeenʼye munyumba eimwi.

Amakorwa ga Abhatumwa 27:3

Ejo wendeko, tukagobha kumurambo gwa mumugi gwa Sidoni. Yurio akamukorera Pauro amajomu, kwa okumwikiririrya agye okumaahana na abhasaani bhaaye, naho bhamuhaane-ko ebhintu bhinú yeendanga.

Amakorwa ga Abhatumwa 28:7

Mbe, hayo twambukira, haaringa haangʼi na emigunda gya omukuru wa eriginga riyo. Omukuru uyo, yaabhirikirwanga ega, Pubhurio. Pubhurio uyo, akatugenihya bhujomu iika owaaye, tukamara-ho eginsiku esatu.

Amakorwa ga Abhatumwa 4:32

Abheekirirya bhonsego, bhaaringa na obhumwi, kumeetegeerero na omutima. Ataaringa-ho kora omuntu oumwi unú yaagambanga ega, ebhintu bhinú yaanabhyo m-byaye omwenego. Bhaatumiranga ebhintu bhyonsego, kwa obhumwi.

Abharuumi 12:10

Muhanjane bheenyu abheene kwa abheene kwa obhuhanje bhwa abhahiiri kuimani, na okwiganirirya mbere abhandi kwa obhusuuku.

Abharuumi 15:5

Waryubha ngʼo aratubheera okwigumirirya na aratuhorisya. Bhoono, ndasabha ega, abhakore mwikare hamwi kwa ensonga eimwi, kwa okubha muragwata ekirengyo kya Kiristu Yeesu.

1 Abhakorinto 1:10

Mbe bhoono, abhahiiri bhaani kuimani, ndabhakomererya kuriina rya Omukuru weetu Yeesu Kiristu ega, mutabha murahabhana kungamba. Nawe mubhenga mureegwirana, na mubhenga na obhumwi kuganú oranyoora murahairira na kuganú oranyoora mureeganirirya.

1 Abhakorinto 12:26

Na ekiroobhero ekimwi kikaanyahaarika, bhyonsego bhiranyahaarika hamwi nakyo. Kweki ekiroobhero ekimwi kikaagungibhwa, bhyonsego bhirajomerwa hamwi nakyo.

Abhaefeso 4:2

Mubhenga mureesuuhya, mubhe abhanyoohu, mwigumiriryenga, na mugegeranenga kwa obhuhanje.

Abhaefeso 4:31

Mbe, mutigane na obhururu, ekisorooro, enkoro, ekituri, amatuki na obhubhiibhi bhwa amanga gonsego.

Abhaefeso 4:32

Mubhenga abhaserenʼya, abha ekyabhira, na mwabhiranenga kya ego Waryubha yaabhaabhira bheenyu kwa enjira ya Kiristu.

Abhafiripi 2:3

Mutakora eringʼana ryoryonse kwa omutima gwa orwango kora kwa ameeheemo. Nawe, mwisuuhye na mubhare abhandi okubha abha obhwera bhukongʼu okukira bheenyu abheene.

Abhafiripi 3:16

Ekintu kinú kireenderwa niiga, tugendererye okugwata ganú Waryubha yaamara okutoorokya.

Abhakorosai 3:12

Bhoono, kwa okubha bheenyu m-basorwa bha Waryubha, abharabhu bha omitima bhanú abhahanjiri, mubhe na omutima gwa ekyabhira, kweki mubhe abhaheene, abheesuuhya, abhanyoohu na abheegumirirya.

Abhaebhurania 13:1

Mugendererye okuhanjana bheenyu abheene kwa abheene, kya ego ereenderwa kubheekirirya.

Yakobho 2:13

Waryubha ataribha na ekyabhira okumubhuturira ekiina, omuntu unú ataana ekyabhira. Nawe, nyoore omuntu yaabhira abhandi, Waryubha wonse arimwabhira kurusiku rwa okubhutura ekiina!

Yakobho 3:17

Nawe, egintungwa ginú girarwa eguru ku Waryubha ni-ginjomu, na kweki n-gya omurembe, na n-gya obhunyoohu, gireetegeerera bhujomu amangʼana ga abhantu. Giijwiri ekyabhira na giraama emisumo emijomu, na gitaana ekisorooro kora orwambe.

Yakobho 5:11

Na turabhabhirikira abha enonkwe bhanú bheegumirirya. Mweegwiri kya ego Ayubhu yeegumirirya, na mumanyiri kya ego Omukuru Waryubha yaamukorera amajomu kubhuteero. Yaamukorera amajomu gayo, kwa okubha yaana ekyabhira na obhuhanje.

1 Petero 1:22

Kwa okubha mureekara okuringʼaana na ameehigiryo ga obhuheene eguru ya Yeesu, emitima gyenyu girabhiibhwe. Bhoono mukore ekituunyo okuhanja abharikyenyu mutabha na orwambe. Mbe, muhanjane kwa emitima gyenyu gyonsego.

1 Petero 2:17

Musuuke abhantu bhonsego, na muhanje abheekirirya abharikyenyu. Mumwigwe Waryubha, na musuuke omukama weenyu.

1 Petero 5:5

Egoego, na bheenyu abhamura, mwitegeererenga abhakangati. Bheenyu bhonsego mureenderwa okubha abheesuuhya na abha okubheera abharikyenyu, kwa okubha, Amangʼoore Amarabhu garagamba ega, “Waryubha arahakaanʼya bhanú bhareerora, nawe, arahaana abheesuuhya eriruguto.”

2 Petero 1:7

Hamwi na okumwigwa Waryubha, muhanjanenga bheenyu abheene kwa abheene, na hanú murahanjana abheene kwa abheene, muhanjenga na abhantu abhandi bhonsego.

1 Yoana 3:14

Bheetu tumanyiri ega, twamara okurwa muruku, tukasoha mubhuhoru bhwa koko. Tumanyiri ego, kwa okubha turahanja abharikyetu. Omuntu wowonse unú ataana obhuhanje, akyatamiri muruku.