1 Petero 3:7 - Eriragano Erihya

⁷ Na bheenyu abhasaaja, mwikare na abhakari bheenyu kwa obhungʼeeni, mumanyiri ega, bhataana eginguru kya bheenyu. Mubhatuge kwa okubhasuuka kwa okubha abheene bhonse bharigabha eriruguto rya obhuhoru. Kwa ego, bheenyu abhasaaja mukorenga ego, naho amasabho geenyu gataribhirwa.

1 Petero 3:7 ပူးပေါင်းရင်းမြစ်များ

Mataayo 18:19

Ndabhakeerya kweki ega, nyoore bhabhiri gati yeenyu bhakeekiriranʼya mukyaro kinu, okusabha kuringʼana ryoryonse, Taata wa murwire aribhakorera eringʼana riyo.

1 Abhakorinto 7:3

Omusaaja abhenga aramukorera omukari waaye kya ego ereenderwa, omukari wonse abhenga aramukorera omusaaja waaye kya ego ereenderwa.

Abhaefeso 3:6

Ekinyerera kya Waryubha kinu, niiga, abhantu bha ebhyaro ebhindi, hamwi na Abhayahudi bhonsego bhanú bhareekirirya Amangʼana Amajomu, bhonsego bharagabha kiringʼaanʼya, amajomu ganú Waryubha yaaseemerya abhantu bhaaye. Bhonsego bhabheeri kya omubhiri gumwi, na bharaabhenga bharasanga hamwi, eriruguto rinú Waryubha yaaraga okuhitira ku Kiristu Yeesu.

Abhaefeso 4:30

Mutakora Omutima Omurabhu wa Waryubha asurumbare, kwa okubha weeki n-dubhaaso rwa Waryubha kubheenyu, runú ruroorokya ega, bheenyu m-bantu bhaaye, okuhikira orusiku runú Waryubha aritutungurya.

Abhaefeso 5:33

Mbe, ndabhakeerya kweki ega, kira omuntu amuhanje omukari waaye kya omutima gwaye omwene, na omukari wonse, atarosa okumusuuka omusaaja waaye.

Abhaefeso 6:18

Mubhenga murasabha eribhaga ryonsego, okuringʼaana kya ego Omutima Omurabhu arabhoorokererya. Na hanú muraasabhenga, mutumirenga amanga gonsego ga amasabho na egisaara. Mutengeejenga kurusumo rwa eringʼana riyo, na munage okubhasabhira abhantu bha Waryubha bhonsego.

Abhakorosai 3:19

Na bheenyu abhasaaja, mubhahanje abhakari bheenyu, mutabha abharuru kubheene.

1 Abhatesaronike 4:4

Kira oumwi weenyu ahige omubhiri gwaye, mubhurabhu na obhusuuku.

Tiito 3:7

naho kwa eriruguto ryaye, tuture okubharwa okubha abhaheene na okunyoora obhuhoru bhwa koko bhunú tureesigira.

Abhaebhurania 1:14

Bhoono, bhamaraika n-kintu-ki? M-bakori bha emirimu bha Waryubha. Ni-nkoro, ginú Waryubha arabhatuma bhagye okukorera emirimu abhantu bhanú bharituuribhwa.

1 Petero 3:1

Egoego, bheenyu abhakari, musuukenga abhasaaja bheenyu, naho nyoore bhariho abhasaaja bhobhonse bhanú bhatakwikirirya amangʼana ga Waryubha, bhature okwikirirya okuhitira kuginteemo gyenyu eginjomu. Ego, bharitura okumwikirirya Waryubha bira okukeeribhwa eringʼana.