1 Petero 3:5 - Eriragano Erihya

⁵ Ego niigo, abhakari bhanú bhaamwigwanga Waryubha na okumwisiga, bheejomyanga akare hayo, enu bhareegwa abhasaaja bhaabho.

1 Petero 3:5 ပူးပေါင်းရင်းမြစ်များ

Ruuka 2:37

Akatigara omusino, akabha arasabha mwisyengerero erikuru rya Waryubha, omubhasu na obhutiku. Kwibhaga rya okusabha yeeyimanga ebhyakurya. Hanú Yeesu yaareetwa mwisyengerero erikuru rya Waryubha, Ana uyo yaaringa ahikirye emyaka mirongo munaane na ena (84).

Amakorwa ga Abhatumwa 1:14

Bhayo bhonsego, bheekumanʼyanga hayo, bhaamusabhanga Waryubha kwa omutima ogumwi, hamwi na Mariamu ngʼina waabho Yeesu, na abhakari abhandi, na abhamura bhaabho Yeesu.

Amakorwa ga Abhatumwa 9:36

Mumugi gunú gurabhirikirwa Yoopa, yaaringa-mo omukari umwi, omwihigira wa Yeesu. Omukari uyo, yaabhirikirwanga Tabhitha. Eriina ryaye mu Kiyunani ngʼo Dorikasi, ensonga yaaye, n-kibharahe. Weeki yaaringa arabheera abhatobhu, kweki yaaringa arakora ebhikorwa ebhijomu.

Abhaefeso 5:33

Mbe, ndabhakeerya kweki ega, kira omuntu amuhanje omukari waaye kya omutima gwaye omwene, na omukari wonse, atarosa okumusuuka omusaaja waaye.

1 Timoteo 2:10

Nawe, okwijomya kwabho, kubhe kwa ebhikorwa ebhijomu, kya ego ereenderwa kubhakari bhanú bheekirirya okumwigwa Waryubha.

1 Timoteo 2:15

Nawe, omukari arituuribhwa kwa okuhitira orwibhuro rwaye, nyoore araagendererye okuguma kuimani, na obhuhanje, obhurabhu na okubha abheegwa.

1 Timoteo 5:10

Abhe yaana eginkuma eginjomu, abhe yaarera abhaana bhaaye bhwaheene, abhe yaaserenʼya abhageni, abhe yoogya abheekirirya amaguru, abhe yaabheera bhanú bharanyankibhwa, abhe yaakora amajomu kwa ekituunyo.

1 Timoteo 5:5

Omusino unú ataana omuntu wa okumubheera, uyo areesigira Waryubha, aramusabha na okumwisasaama obhutiku na omubhasu.

Abhaebhurania 11:11

Eimani yaakora Saara akanyoora obhuturo bhwa okugega enda, na okwibhura omwana, onyoora yaaringa agoteri, kwa okubha yaaringa areekirirya ega, Waryubha arakunaanʼya egindago gyaye.

1 Petero 1:3

Tumugungye Waryubha, Taata wa Omukuru weetu Yeesu Kiristu. Okuringʼaana na ekyabhira kyaye ekyaru, yaatwibhura orwa kabhiri kwa okumuhyukya Yeesu Kiristu, okurwa mubhaku. Kwa ego, tunyooreri obhwisige bhwa obhuheene ega, turabha abhahoru koko.