1 Petero 3:4 - Eriragano Erihya

⁴ Nawe, obhujomu bhwenyu bhwambire mumutima, obhujomu bhunú bhutakutura okunyamuka kora okugota. Obhujomu bhuyo, n-kubha na omutima omujomu na omunyoohu, na mbo obhujomu bhunú bhuuna obhwera obhunene ku Waryubha.

1 Petero 3:4 ပူးပေါင်းရင်းမြစ်များ

Mataayo 11:29

Mwibhohere ejeeki yaani, na mwihigire okurwa kuoni, kwa okubha oni m-munyoohu na omwisuuhya wa omutima, na bheenyu murinyoora obhujomerwa mumitima gyenyu,

Mataayo 21:5

“Obhakeerye abhantu bha Sayuni ega, ‘Maaha, omukama weenyu araaja kubheenyu, m-munyoohu, araaja yeekeeri kuntikiri, na entikiri iyo kikyari ekimoori.’”

Mataayo 23:26

Bheenyu Abhafarisaayo, muringi kya abhahoku! Mutige mbere obhusarya bhunú bhuringi munsi weenyu, kya okoogya obhukonu bhunú bhuringi mukikombe. Hayo nho, amakorwa geenyu gonse garibha amajomu, kya ego ekikombe kirarabha hanú kirabha kyogiibhwe kwa kibhara.

Mataayo 5:5

Nyakara abhanyoohu, kwa okubha Waryubha aribhagabhya ekyaro.

Ruuka 11:40

Bheenyu abhatengʼo! Unú yaabhumba omubhiri ngʼo yaabhumba omutima.

Ruuka 16:15

Kwa ego, Yeesu akabhakeerya ega, “Bheenyu, mureekorya m-baheene embere ya abhantu. Nawe, Waryubha amanyiri amangʼana ganú garingi mumitima gyenyu. Kwa okubha, amangʼana ganú abhantu bhararora m-majomu bhukongʼu, gayo garamujimya Waryubha bhukongʼu!

Abharuumi 1:23

Bhatigiri okumusyengera Waryubha Omurabhu wa koko na koko, bharasyengera ebhisusano, bhinú bhirahunkana na abhantu bhanú bharakwa kya abhantu abhandi, egintyenyi, ebhinyonyi na bhinú bhireengʼuurira enda.

Abharuumi 2:29

Tiigo-ha kora ahake! Omuyahudi eritinya ngʼ-unú aramwigwa Waryubha kwa omutima gwaye gonsego. Okusaarwa kwa heene, kurakorwa na Omutima Omurabhu, mumutima gwa omuntu, kutaringi kwa okugwata amaragiriryo ga Musa. Omuntu kya uyo, atakunyoora eginkuma okurwa kubhantu, nawe, aragungibhwa na Waryubha omwene.

Abharuumi 6:6

Tumanyiri ega, eginteemo gyetu egya kare, gyabhambwa hamwi na Kiristu kumusarabha, naho eginguru gya obhusarya munsi weetu gitatutunga kweki, na okutukora tubhe abhagaya bha obhusarya.

Abharuumi 7:22

Amaragiriryo ga Waryubha, ngahanjiri kwa omutima gwani gonsego.

2 Abhakorinto 10:1

Mbe, abhandi bharagamba ega, oni m-munyoohu hanú ndingi hamwi na bheenyu, na ega, m-mururu hanú ndingi ahare na bheenyu. Nawe, oni omwene Pauro, ndabhakomererya kwa obhwisuuhya na obhunyoohu bhwa Kiristu.

2 Abhakorinto 4:16

Ego, tutakukwa omutima, onyoora emibhiri gyetu kwa kibhara giragunda, nawe, munsi weetu, Waryubha aratukora abhahya eginsiku gyonsego.

Abhagaratia 5:23

obhunyoohu na obhwiribhiri. Ritariho eriragiriryo rinú rirakaanʼya omuntu okukora amangʼana gayo.

Abhaefeso 4:2

Mubhenga mureesuuhya, mubhe abhanyoohu, mwigumiriryenga, na mugegeranenga kwa obhuhanje.

Abhakorosai 3:12

Bhoono, kwa okubha bheenyu m-basorwa bha Waryubha, abharabhu bha omitima bhanú abhahanjiri, mubhe na omutima gwa ekyabhira, kweki mubhe abhaheene, abheesuuhya, abhanyoohu na abheegumirirya.

Abhakorosai 3:3

kwa okubha eginteemo gyenyu gya obhusarya gyakwa. Obhuhoru bhwenyu, bhoono bhuringi hamwi na Kiristu embere ya Waryubha. Nawe, bhutakumaahikana kubhantu abhandi.

1 Abhatesaronike 4:11

Mwikongʼererye okubha na omutima gwa omurembe. Munyankire amangʼana geenyu abheene, na mukore emirimu kwa amabhoko geenyu abheene, kya ego twabharagirirya.

2 Abhatesaronike 3:12

Mbe bhoono, abhantu bhayo turabhakomererya na okubhakemera kwa obhutungi bhwa Omukuru Yeesu Kiristu ega, bhabhe bharakora emirimu kwa egintungwa, naho bhanyoore ebhyakurya bhyabho abheene.

1 Timoteo 2:2

Mubhenga murasabhira abhakama na abhatungi abhandi bhonsego, naho twikare kwa omurembe, enu turamwigwa Waryubha na okukora ganú gareenderwa embere yaaye.

2 Timoteo 2:25

Areenderwa abhe aratongera abhantu kwa obhunyoohu bhanú bharahakaananʼya nawe, naho hamwi Waryubha abhahunjure bhamanye obhuheene.

Tiito 3:2

Kweki obhakeerye ega, bhatatuka omuntu wowonse, bhatabha abhatindi, bhabhe abha eginkoro eginjomu, na bhabhenga abhanyoohu kubhantu bhonsego.

Yakobho 1:21

Kwa ego, mutigane na amangʼana gonsego ga okubhakonʼya na obhubhiibhi bhonsego. Mugwate kwa okwisuuhya eringʼana rinú Waryubha yaatuura mumitima gyenyu, kwa okubha riyo ndyo riratura okubhatuurya.

1 Petero 1:23

Mukore ego, kwa okubha mweebhurwa orwa kabhiri. Okwibhurwa kuyo, kutakurekana na bheseweenyu, bheeki bharakwa, nawe bheenyu mutakukwa kwa okubha mweebhurwa kwa eringʼana rya Waryubha erihoru. Na eringʼana ryaye, riraguma koko.

1 Petero 3:15

Mubhenga mwiseemerye eribhaga ryonsego okukyukya wowonse unú aribhabhuurya kinú mureesiga, nawe mukorenga ego, kwa obhunyoohu na kwa obhusuuku.