1 Petero 3:22 - Eriragano Erihya

²² Weeki yaagya murwire, na bhoono, yeekeeri orubhaara rwa obhuryo rwa Waryubha. Aratunga bhamaraika, na ebhibhumbwa bhyonsego ebhya obhutungi, na ebhya obhuturo.

1 Petero 3:22 ပူးပေါင်းရင်းမြစ်များ

Mataayo 22:44

‘Omukuru Waryubha yaamukeerya Omukuru waani ega, “Ikara orubhaara rwani rwa obhuryo, okuhikira hanú ndituura abhasigu bhaaho hansi ya amaguru gaaho.”’

Mataayo 28:18

Mbe, Yeesu akabhaaja-ko akabhakeerya ega, “Waryubha yangʼeeri obhutungi bhonsego, murwire na mukyaro.

Mariko 12:36

Daudi omwene enu aroorokereribhwa na Omutima Omurabhu, yaagamba ega, ‘Omukuru Waryubha yaamukeerya Omukuru waani ega, “Ikara orubhaara rwani rwa obhuryo, okuhikira hanú ndituura abhasigu bhaaho hansi ya amaguru gaaho.”’

Mariko 16:19

Hanú Omukuru Yeesu yaamara okuhaira nabho, akeenurwa okugya murwire. Akeekara orubhaara rwa obhuryo rwa Waryubha.

Ruuka 20:42

Nawe, Daudi omwene, yaangʼoora mukitabho kya Egijabhuri ega, ‘Omukuru Waryubha yaamukeerya Omukuru waani ega, “Ikara orubhaara rwani rwa obhuryo,

Yoana 13:32

Kya ego obhukuru bhwa Waryubha bhuramaahikana okuhitira kumakorwa ga Omwana wa Adamu, mbe Waryubha wonse aribhoorokya abhantu obhukuru bhwa Omwana wa Adamu, na arikora ego bhwangu.

Amakorwa ga Abhatumwa 1:11

Mbe, bhakabhabhuurya ega, “Bheenyu, abhantu bha Gariraaya, ndeegwa mwimiriiri hanu, enu mumaahiriri murwire? Yeesu uyo yeenwirwe okurwa kubheenyu, okugya murwire, ariija kweki egoego, kya ego mumuruuji aragya.”

Amakorwa ga Abhatumwa 3:21

Nawe Yeesu, weeki areenderwa asaage murwire, okuhikira eribhaga rinú Waryubha arikora ebhintu bhyonsego bhuhya, kya ego yaagamba akare hayo, kwa enjira ya abharooti bhaaye abharabhu bha omutima.

Abharuumi 8:34

Kweki niwi unú aribhabhuturira ekiina? Atariho, kwa okubha Kiristu Yeesu, unú yaakwa na akahyuka okurwa mubhaku, unú areekara orubhaara rwa obhuryo rwa Waryubha, weeki ngʼo aratusabhira.

Abharuumi 8:38

Mmanyiri kwa obhuheene ega, kitariho ekintu kinú kiratura okutwahukanʼya na obhuhanje bhwa Waryubha. Kora bhakaabha bhamaraika, kasi abhatungi bhanú bharingi mumasaaru, kasi ebhibhumbwa bhya eginguru, kasi amangʼana ganú gareebhuka kwibhaga rinu kasi kwibhaga rinú riraaja, kasi kyokyonse kinú kiringi murwire, kasi mukyaro kya abhaku, kasi ekintu kyokyonse mukyaro munu. Waryubha arigendererya okutuhanja, nyoore turingi abhahoru, kasi tukwiri. Obhuhanje bhuyo, abhutubhwiri kubheetu okuhitira ku Kiristu Yeesu, Omukuru weetu.

1 Abhakorinto 15:24

Hayo nho, bhuriija obhuteero bhwa bhyonsego, hanú Kiristu arimugwatya Waryubha Taata obhukama, hanú arisikya obhutungi bhonsego, obhuturo bhonsego na eginguru gyonsego, egya abhasigu bhonsego.

Abhakorosai 3:1

Bhoono, kwa okubha eginteemo gyenyu eginhya gihyukiri hamwi na Kiristu, mutune amangʼana ga murwire, enú Kiristu aringi, yeekeeri orubhaara rwa obhuryo rwa Waryubha.

Abhaebhurania 1:13

Waryubha ataakakeererye maraika wowonse ega, “Ikara orubhaara rwani rwa obhuryo, okuhikira hanú ndituura abhasigu bhaaho hansi ya amaguru gaaho, bhabhe kya ekitumbi kyaho kya okutaja-ko amaguru.”

Abhaebhurania 1:3

Omwana uyo, arangʼesangʼesa kwa obhukuru bhwa Waryubha, na aroorokya kubhurabhu kya ego Waryubha aringi. Arakora ebhintu bhyonsego bhigendererye okubha kya ego bhiringi kwa eringʼana ryaye rya obhuturo. Weeki yeeruusya okubha ekimwenso kya okuruusirya abhantu obhusarya, akagya murwire akeekara orubhaara rwa obhuryo rwa Waryubha owa obhuturo.

Abhaebhurania 1:6

Kweki Waryubha hanú yaatuma Omwana waaye omumwemwe mukyaro, yaagamba ega, “Bhamaraika bhaani bhonsego, bhamusyengere Omwana uyo.”

Abhaebhurania 10:12

Nawe, Kiristu yeeruusya rumwigo okubha ekimwenso, naho aturaame obhusarya bhwetu. Weeki ngʼo ekimwenso kya koko. Kwa ego, yeekeeri orubhaara rwa obhuryo rwa Waryubha.

Abhaebhurania 12:2

Tubhenga turamwisigira Yeesu, kwa okubha ngʼo aratoorokererya tumwikirirye Waryubha, na ngʼo aratukora tugendererye okumwikirirya okuhikira kubhuteero. Weeki yeegumirirya oruku kumusarabha, kora ataarora eginsoni kwa ekisigo kya obhujomerwa bhunú bhwaringa embere yaaye. Bhoono, yeekeeri orubhaara rwa obhuryo rwa ekitumbi kya ekikama kya Waryubha.

Abhaebhurania 4:14

Mbe, tuuna Omusyengeri Omukuru, Yeesu Omwana wa Waryubha, unú yaagya akasoha murwire. Kwa ego tugwate bhukongʼu eimani yeetu inú tureekirirya.

Abhaebhurania 6:20

Weeki yaakangata okusoha ahasi hayo kurusumo rwetu. Wonse abheeri Omusyengeri Omukuru wa koko, kya ego Merikijedeki yaaringa.

Abhaebhurania 8:1

Mbe, eringʼana rya obhwera bhukongʼu kugonsego gayo turagamba, n-dinu. Bheetu tuunawe Omusyengeri Omukuru wa ekabhira iyo, unú yeekeeri orubhaara rwa obhuryo rwa ekitumbi kya ekikama ekya Waryubha owa obhuturo murwire eyo.

Abhaebhurania 9:24

Kiristu ataasoha Ahasi Aharabhu ha Aharabhu hanú hahagaajirwe na abhantu, ahasi hayo n-kirengyo kya ahasi hanú haringi murwire. Nawe, yaasoha Ahasi Aharabhu ha Aharabhu murwire eyo, na kwibhaga rinu aratusabhira embere ya Waryubha.