1 Petero 3:21 - Eriragano Erihya

²¹ Amanji gayo, n-kirengekanʼyo kya obhubhatiijo bhwenyu, kwa okubha hanú murabhatiijwa eroorokya ega, Waryubha arabhatuurya okuhitira obhuhyuki bhwa Yeesu Kiristu. Obhubhatiijo bhuyo, bhutaringi bhwa okuruusya eriiko kumubhiri, nawe n-kubha na ameetegeerero amajomu ku Waryubha.

1 Petero 3:21 ပူးပေါင်းရင်းမြစ်များ

Mataayo 28:19

Mbe bhoono, mugende kubhantu bha ebhyaro bhyonsego, mubhakore okubha abheehigira bhaani, kwa okubhabhatiija kwa eriina rya Taata, na erya Omwana na erya Omutima Omurabhu,

Mariko 16:16

Omuntu wowonse unú areekirirya na okubhatiijwa, arituuribhwa. Nawe, unú atakwikirirya, arijibhibhwa.

Yoana 13:9

Simoni Petero akamukyukya ega, “Omukuru, nyoore niigo, otanyogya amaguru ageenego, nawe, kora na amabhoko gaani hamwi na omutwe gwani.”

Amakorwa ga Abhatumwa 16:33

Eribhaga riryarirya obhutiku, omukuru wa erigereja uyo, akabhagega akabhoogya ebhironda bhyabho. Kimwi akabhatiijwa weeki na abhantu bhaaye bhonsego.

Amakorwa ga Abhatumwa 2:38

Petero akabhakeerya ega, “Kira oumwi weenyu atige obhusarya bhwaye, amwihunjurire Waryubha, na abhatiijwe kwa eriina rya Yeesu Kiristu, naho yaabhirwe obhusarya, na arihaanwa Omutima Omurabhu.

Amakorwa ga Abhatumwa 22:16

Bhoono okyaganya-ki? Imirira! Obhatiijwe, osabhe Waryubha, naho woogibhwe obhusarya bhwaho.’

Amakorwa ga Abhatumwa 8:36

Eribhaga bhaaringa bharagendererya na orugendo kunjira iyo, bhakahika ahasi hanú haana amanji. Omujigaru uyo, akakeerya Firipo ega, “Maaha, amanji n-ganu! N-kintu-ki kinú kirandibhira okubhatiijwa?” [

Amakorwa ga Abhatumwa 8:37

Firipo akamukeerya ega, “Oraamwikirirye Yeesu Kiristu kwa omutima gwaho gonsego, oratura okubhatiijwa.” Wonse akamukyukya ega, “Ndeekirirya ega, Yeesu Kiristu ngʼo Omwana wa Waryubha.”]

Abharuumi 5:14

Mbe, okurwa kwibhaga rinú Adamu yaakora obhusarya, okuhikira kwibhaga rinú Musa yaahaanwa amaragiriryo, oruku rwaringa ruratunga abhantu, kora nyoore bhataakora obhusarya kya obhwa Adamu. Mbe, Adamu yaaringa ekirengekanʼyo kya Yeesu Kiristu, unú akaajiri eribhaga erindi.

1 Abhakorinto 12:13

Ndagamba ego, kwa okubha bheetu bhonsego, tubhe Abhayahudi kasi abhantu bha ebhyaro ebhindi, tubhe abhagaya kasi tubhe tureeyagaara, twabhatiijwa kwa Omutima oumwi na okuhaanwa Omutima oumwi uyouyo, naho tubhe omubhiri gumwi.

1 Abhakorinto 4:6

Abhahiiri bhaani kuimani, ngambiri amangʼana gayo gonsego, eguru yaani na Apooro, naho tubhe ekirengekanʼyo kurusumo rwenyu. Okurekana na ekirengekanʼyo kiyo, mugwate ganú garagambwa mungamba inu, “Mutatuuma ganú gaangʼoorwa mu Mangʼoore Amarabhu.” Kwa okukora ego, ataabhe-ho omuntu wowonse unú areeheemere omuntu oumwi na okumujeera oundi.

2 Abhakorinto 1:12

Mbe, ekisigo kinú kirakora tureegungya niiga, ameetegeerero geetu garatwimiririra ega, eginteemo gyetu ni-njomu mukyaro hanu, ekinene n-kubhugwatani bhwetu na bheenyu. Twikeeri kwa omutima omujomu na obhuheene bhunú bhurarwa ku Waryubha. Tutaakora ego, kwa egintungwa gyetu abheenego, nawe, eriruguto rya Waryubha, ndyo ryakora tukakora gayo.

2 Abhakorinto 7:1

Bhoono, abhahanje bhaani, kwa okubha Waryubha yaaraga gayo gonsego, kwa ego mbe twiraame, tutigane na obhukonu bhonsego, bhwa emibhiri na emitima gyetu. Tubhe abha emitima emirabhu kumangʼana gonsego, kwa enjira ya okumusuuka Waryubha.

Abhagaratia 3:27

Bheenyu bhonsego bhanú mwabhatiijwa, mugwateeni na Kiristu, mubheeri muna mumwibhoheri Kiristu.

Abhaefeso 5:26

Yaakora ego, naho araame erikanisa kwa eringʼana rya Waryubha, na okurirabhya kwa amanji ga obhubhatiijo.

Abhakorosai 2:12

Hanú mwabhatiijwa, obhusimuka bhwenyu bhwa obhusarya, bhwabhiikwa hamwi na Kiristu. Kimwi mukahyuka hamwi nawe, kwa okubha mweekirirya eginguru gya Waryubha unú yaamuhyukya okurwa mubhaku.

1 Timoteo 1:5

Ensonga ya amaragiriryo ganu, niiga, abheekirirya bhahanjane kwa omutima omujomu, ameetegeerero amajomu na eimani ya obhuheene.

1 Timoteo 6:12

Orwane bhujomu eriihe, eguru ya eimani, naho onyoore omutuho gwa obhuhoru bhwa koko. Obhuhoru bhuyo, mbo waabhirikirirwa harya weekirirya eimani yaaho embere ya abheemiririri abhaaru.

Abhaebhurania 10:22

Kwa ego, tubhenga turagya embere ya Waryubha na emitima emijomu, ginú giramwikirirya heene. Ndagamba ego, kwa okubha Waryubha aturaamiri emitima gyetu okurwa kumeetegeerero amabhiibhi, kwa enjira ya amanyinga ga Yeesu. Kweki agiraamiri emibhiri gyetu kwa amanji amajomu.

Abhaebhurania 11:19

Abhurahamu yeekirirya ega, Waryubha yaana obhuturo kora bhwa okumuhyukya Esaaka okurwa mubhaku. Mbe, akahunjukiribhwa Esaaka kya omuntu unú ahyukiibhwe.

Abhaebhurania 13:18

Mugendererye okutusabhira. Bheetu tuuna obhuheene ega, ameetegeerero geetu m-majomu, kwa okubha tureegomba okukora aga heene kubhantu bhonsego.

Abhaebhurania 9:14

Nawe, amanyinga ga Kiristu gaana eginguru bhukongʼu okukira amanyinga ga egintugo giyo! Kwa enjira ya Omutima wa koko, weeki yeeruusya ku Waryubha okubha ekimwenso kinú kikuunaniri. Amanyinga gaaye ngo gararaama ameetegeerero geetu eguru ya amakorwa ganú garareeta oruku, naho tumukorere emirimu Waryubha omuhoru.

Abhaebhurania 9:24

Kiristu ataasoha Ahasi Aharabhu ha Aharabhu hanú hahagaajirwe na abhantu, ahasi hayo n-kirengyo kya ahasi hanú haringi murwire. Nawe, yaasoha Ahasi Aharabhu ha Aharabhu murwire eyo, na kwibhaga rinu aratusabhira embere ya Waryubha.

1 Petero 1:3

Tumugungye Waryubha, Taata wa Omukuru weetu Yeesu Kiristu. Okuringʼaana na ekyabhira kyaye ekyaru, yaatwibhura orwa kabhiri kwa okumuhyukya Yeesu Kiristu, okurwa mubhaku. Kwa ego, tunyooreri obhwisige bhwa obhuheene ega, turabha abhahoru koko.

1 Petero 3:16

Mubhenga na ameetegeerero amajomu, naho nyoore abhantu bharibhahaamirirya eguru ya amangʼana ganú murakora kurusumo rwa Kiristu, bhamaahe eginsoni.