1 Petero 3:16 - Eriragano Erihya

¹⁶ Mubhenga na ameetegeerero amajomu, naho nyoore abhantu bharibhahaamirirya eguru ya amangʼana ganú murakora kurusumo rwa Kiristu, bhamaahe eginsoni.

1 Petero 3:16 ပူးပေါင်းရင်းမြစ်များ

Mataayo 5:11

“Nyakara bheenyu nyoore abhantu bharabhatuka, bharabharaarira na okubhahaamirirya kwa amanga amaaru kurusumo rwani.

Amakorwa ga Abhatumwa 24:16

Kwa ego, eginsiku gyonsego ndakora ekituunyo, okubha na ameetegeerero amajomu embere ya Waryubha na embere ya abhantu.

Amakorwa ga Abhatumwa 28:22

Nawe bheetu, tureenda okwigwa kya ego uuwe oreeganirirya, kwa okubha edini inú oragwata, tumanyiri ega, eragambwa obhubhiibhi kira ahasi.”

Abharuumi 9:1

Kiristu amanyiri ega, ndagamba obhuheene ntakubheeha. Kora ameetegeerero gaani ganú garoorokereribhwa na Omutima Omurabhu garanyimiririra ega, ntakubheeha.

2 Abhakorinto 1:12

Mbe, ekisigo kinú kirakora tureegungya niiga, ameetegeerero geetu garatwimiririra ega, eginteemo gyetu ni-njomu mukyaro hanu, ekinene n-kubhugwatani bhwetu na bheenyu. Twikeeri kwa omutima omujomu na obhuheene bhunú bhurarwa ku Waryubha. Tutaakora ego, kwa egintungwa gyetu abheenego, nawe, eriruguto rya Waryubha, ndyo ryakora tukakora gayo.

2 Abhakorinto 4:2

Bheetu twangiri, tutakukora amangʼana ga ekinyerera na aga eginsoni. Tutakungʼeena abhantu, kora okusanganʼya eringʼana rya Waryubha na obhubheehi. Nawe, tureekomba kwa okugamba obhuheene kubhurabhu, naho abhantu bhonsego bhamanye mumeetegeerero gaabho ega, turingi abhaheene embere ya Waryubha.

1 Timoteo 1:19

Ogwate eimani na obhe wa ameetegeerero amajomu. Abhantu abhandi bhaatiga okukora ganú bhamanyiri ega m-maheene, riyo riraakore bhatige eimani yaabho.

1 Timoteo 1:5

Ensonga ya amaragiriryo ganu, niiga, abheekirirya bhahanjane kwa omutima omujomu, ameetegeerero amajomu na eimani ya obhuheene.

2 Timoteo 1:3

Ndamukumya Waryubha unú ndakorera emirimu kwa ameetegeerero amajomu, kya ego bhajaaji weetu bhaamukoreranga. Eribhaga ryonsego ndakuhiituka mumasabho gaani obhutiku na omubhasu.

Tiito 2:8

Ameehigiryo gaaho, gabhe ga obhuheene ganú gatakuhakaanibhwa na abhantu. Okorenga ego, naho nyoore omuntu areenda okugahakaanʼya, arore eginsoni, kwa okubha ataanyoore eringʼana rya okutugamba obhubhiibhi.

Abhaebhurania 13:18

Mugendererye okutusabhira. Bheetu tuuna obhuheene ega, ameetegeerero geetu m-majomu, kwa okubha tureegomba okukora aga heene kubhantu bhonsego.

Abhaebhurania 9:14

Nawe, amanyinga ga Kiristu gaana eginguru bhukongʼu okukira amanyinga ga egintugo giyo! Kwa enjira ya Omutima wa koko, weeki yeeruusya ku Waryubha okubha ekimwenso kinú kikuunaniri. Amanyinga gaaye ngo gararaama ameetegeerero geetu eguru ya amakorwa ganú garareeta oruku, naho tumukorere emirimu Waryubha omuhoru.

1 Petero 2:12

Mukore amajomu kubhanú bhatamumanyiri Waryubha, naho nyoore bharibhahaamirirya ega, muringi abhabhiibhi, bharore amakorwa geenyu amajomu. Nho, bharimugungya Waryubha kurusumo rwenyu, orusiku rwa okuuja kwaye.

1 Petero 2:15

Obhwendi bhwa Waryubha niiga, mukore amangʼana amajomu, naho mukirye abhakangi bhanú bhatamanyiri amangʼana gaaye.

1 Petero 2:19

Nyoore mureegumirirya enyanko kwa okwihonerwa, Waryubha, aribhanonka.

1 Petero 3:21

Amanji gayo, n-kirengekanʼyo kya obhubhatiijo bhwenyu, kwa okubha hanú murabhatiijwa eroorokya ega, Waryubha arabhatuurya okuhitira obhuhyuki bhwa Yeesu Kiristu. Obhubhatiijo bhuyo, bhutaringi bhwa okuruusya eriiko kumubhiri, nawe n-kubha na ameetegeerero amajomu ku Waryubha.

1 Petero 4:4

Bhoono, abhantu bhanú bhatamanyiri Waryubha, bhararuguura hanú bhararora ega, mutakyagya nabho obhumwi kweki okukora amabhiibhi, kwa ego bharabhatuka.