1 Petero 3:15 - Eriragano Erihya

¹⁵ Mubhenga mwiseemerye eribhaga ryonsego okukyukya wowonse unú aribhabhuurya kinú mureesiga, nawe mukorenga ego, kwa obhunyoohu na kwa obhusuuku.

1 Petero 3:15 ပူးပေါင်းရင်းမြစ်များ

Abhakorosai 4:6

Amahairo geenyu, gabhe amajomu eginsiku gyonsego na ganú gaana omuta, naho mumanye okumukyukya kira omuntu bhujomu.

Tiito 1:2

na bhurabhahaana obhwisige bhwa obhuhoru bhwa koko. Waryubha yaabharaga obhuhoru bhuyo, kora ekyaro kitarabhumbwa, na weeki atakugamba obhubheehi.

Abhakorosai 1:27

Waryubha yaahanja okubhatubhurira abhantu bhaaye, obhuniibhi na obhukuru bhwa ekinyerera kiyo, kora kurusumo rwa abhantu bhanú bhataringi Abhayahudi. Ekinyerera kiyo, ensonga yaaye niiga, Kiristu aringi munsi weenyu, kweki weeki ngʼo arabhahaana obhwisige ega, murisanga obhukuru bhwa Waryubha.

Abhaebhurania 6:1

Kwa ego, tutatama kuganú tweehigira eguru ya Kiristu kubhwambiro, nawe, tukore ekituunyo okugendererya okwihigira, naho tubhe abheehigira bhanú bhanagiri kuimani. Tutaamba bhuhya okwihigira eguru ya okwihunjura amakorwa ganú garareeta oruku, na okwihigira eguru ya okumwikirirya Waryubha.

Abhakorosai 1:5

Eimani yeenyu na obhuhanje bhwenyu, bhirarekana na obhwisige bhwenyu ega, murihaanwa eginonkwe ginú Waryubha abhatuuriiri murwire. Mwamara okwigwa eguru ya obhwisige bhuyo, eribhaga rinú mweehigiribhwa amangʼana ga obhuheene, na gayo ngo Amangʼana Amajomu.

Abhakorosai 1:23

Nawe, mureenderwa okugendererya okubha na eimani, munage na mubhe na eginguru. Mutakyukibhwa mutige obhwisige bhunú mwanyoora hanú mweegwa Amangʼana Amajomu. Amangʼana Amajomu gayo, gaaraarikwa kubhantu bhonsego bha mukyaro hanu, na oni Pauro, naabha omukori wa emirimu waago.

Abhaebhurania 3:6

Nawe Kiristu, weeki m-Mwana omuheene unú areemiririra abhantu bha enyumba ya Waryubha. Na bheetu mbo abhantu bhayo, nyoore turagendererya okuhikira obhuteero okubha abhahaari na okwirora kuganú tureesigira.

1 Petero 3:4

Nawe, obhujomu bhwenyu bhwambire mumutima, obhujomu bhunú bhutakutura okunyamuka kora okugota. Obhujomu bhuyo, n-kubha na omutima omujomu na omunyoohu, na mbo obhujomu bhunú bhuuna obhwera obhunene ku Waryubha.

1 Petero 1:17

Hanú muratogora Waryubha mumasabho geenyu, muramubhirikira Taata. Weeki atakungʼahirya omuntu wowonse. Aribhuturira ekiina kira omuntu okuringʼaana na kinú okoreri. Kwa ego, mwikare kwa okumwigwa weeki, kwibhaga ryenyu rinú ritamiri mukyaro hanu.

Amakorwa ga Abhatumwa 24:25

Pauro akaamba okubhakeerya gonsego ganú gareenderwa embere ya Waryubha, na okwiribhira okukora amabhiibhi, na kya ego Waryubha aribhuturira ekiina abhantu. Hanú Feriki yeegwa ego, akoobhoha. Akamukeerya Pauro ega, “Kwa bhoonwego, oratura okugya. Nakakubhirikire kweki, hanú nakanyoore omweya.”

Amakorwa ga Abhatumwa 21:39

Pauro akamukyukya ega, “Oni m-Muyahudi, omwibhurwa wa omugi gwa Tarso mukyaro kya Kirikia. Omugi guyo gumanyikeeni bhukongʼu. Ndakusabha unyikiririrye ngambe na abhantu bhanu.”