1 Petero 3:11 - Eriragano Erihya

¹¹ Na atige okukora amabhiibhi, akorenga amajomu. Kweki akore ekituunyo okwikara kwa omurembe na abharikyaye,

1 Petero 3:11 ပူးပေါင်းရင်းမြစ်များ

Mataayo 5:45

Mbe, mukaakora ego, erimaahikana ega, maheene muringi abhaana bha Eseweenyu owa murwire. Weeki ngʼo arabhamirikira eryubha abhantu abhahanje na abhasarya. Kweki, embura erabhatwera abhantu abhaheene hamwi na abhasarya.

Mataayo 5:9

Nyakara bhanú bhareegwanʼya abhantu, kwa okubha bharibhirikirwa ega, abhaana bha Waryubha.

Mataayo 6:13

Otakaatutiga tusohe mumasakyo, nawe, otutuurye na omusarya urya Erisambwa. [Kwa okubha obhukama na eginguru na obhukuru, m-byaho, koko na koko! Amina.]”

Mariko 14:7

Abhatobhu bharingi hamwi na bheenyu eginsiku gyonsego. Muratura okubhabheera kwibhaga ryoryonse rinú mureenda, nawe, oni ntaribha hamwi na bheenyu eginsiku gyonsego.

Ruuka 1:79

na bhurimirikira bhanú bharingi mukisunte, bhanú bharingi munyanko na mungʼanga ya oruku. Aritoorokererya, naho tugendenga kunjira ya omurembe.”

Ruuka 6:35

“Nawe bheenyu, muhanje abhasigu bheenyu, na mubhaserenʼye. Mubhahaane esiiri, mutige okwiganirirya okuhindiribhwa. Waryubha aribhahaana omutuho omunene, na muribha abhaana bha heene kuweeki, Omukuru wa bhyonsego. Kwa okubha, Waryubha araserenʼya kora bhanú bhatakumugungya, na abhakori bha obhusarya.

Ruuka 6:9

Nho, Yeesu akabhabhuurya abhantu bhayo, “Ndabhabhuurya bheenyu, okuringʼaana na amaragiriryo ga Waryubha, n-diiha erijomu orusiku rwa Esabhato, okukora amajomu kasi amabhiibhi? Okutuurya obhuhoru kasi okusikya?”

Yoana 17:15

“Taata, ntakusabha ega, obharuusye mukyaro hanu, nawe ega, obhatuurye na omusarya urya Erisambwa.

Abharuumi 12:18

Mukore ekituunyo kya okubha na omurembe na abhantu bhonsego.

Abharuumi 14:17

Amangʼana ga obhukama bhwa Waryubha, gataringi amangʼana eguru ya okurya kasi okunywa, nawe, m-mangʼana eguru ya okukora obhuheene, okubha na omurembe na okwikara kwa obhujomerwa. Gayo gonsego gararekana na Omutima Omurabhu.

Abharuumi 14:19

Kwa ego mbe, tukore ekituunyo okukora amangʼana ganú garareeta omurembe, na aga okunaganʼya kuimani.

Abharuumi 5:1

Mbe, Waryubha atubhariri okubha abhaheene embere yaaye, okurekana na eimani yeetu. Kwa ego, tuuna omurembe na Waryubha kwa okuhitira ku Mukuru weetu Yeesu Kiristu.

Abharuumi 7:19

Amangʼana amajomu ganú ndeenda okukora, ntakugakora. Nawe, amabhiibhi ganú ntakwenda okukora, ngo ndakora.

Abharuumi 7:21

Mbe, naamanyiri ega, hanú ndeenda okukora amangʼana amajomu, hayo nho oranyoora ndarutwa okukora amangʼana amabhiibhi.

Abharuumi 8:6

Abhantu bhanú bharoorokereribhwa na ameetegeerero ga obhusimuka bhwa okukora obhusarya, bharanyoora oruku rwa koko. Nawe, abhantu bhanú bharoorokereribhwa na ameetegeerero ga Omutima Omurabhu, bharanyoora obhuhoru bhwa koko na omurembe.

Abhagaratia 5:22

Nawe, emisumo gya Omutima Omurabhu, m-buhanje, obhujomerwa, omurembe, obhwigumirirya, obhuserenʼya, obhusambaaruku na eimani,

Abhagaratia 6:10

Mbe, eribhaga ryoryonse hanú turanyoora omweya, tukorere abhantu bhonsego amajomu, nawe, ekinene kubheekirirya abharikyetu.

Abhakorosai 3:15

Omurembe okurwa ku Kiristu gutunge mumitima gyenyu. Bheenyu mubheeri omubhiri gumwi, kwa ego, mubhirikiirwe okwikara kwa omurembe. Kweki mubhe abhantu bha omukumo.

1 Timoteo 6:18

Kweki, obhakeerye bhakore amajomu, naho bhabhe abhaniibhi kwa okukora amajomu, bhabhe abhaserenʼya na bheeseemye okugwatana na abharikyabho kubhintu bhyabho.

Abhaebhurania 12:14

Mbe, mukore ekituunyo okwikara kwa omurembe na abhantu bhonsego. Kweki mukore ekituunyo okubha abharabhu bha emitima mubhuhoru bhwenyu, kwa okubha atariho omuntu unú aratura okumurora Omukuru, nyoore ataringi omurabhu wa omutima.

Abhaebhurania 13:16

Mugendererye okubhabheera abharikyenyu, na okubha na obhumwi nabho kubhintu bhinú muunabhyo. Okukora ego, nkyo ekimwenso kinú kiramungʼarira Waryubha.

Yakobho 4:17

Mbe, kira unú amanyiri okukora amajomu, nawe atakugakora, hayo arakora obhusarya.

1 Petero 3:12

kwa okubha, Omukuru Waryubha ararora bhanú bharakora amajomu, na areegwa amasabho gaabho. Nawe, bhanú bharakora amabhiibhi, arabhahaana enkoono.”

3 Yoana 1:11

Bhoono uuwe Gaayo, omuhanje waani, oteehigira amangʼana amabhiibhi, nawe, wihigire amangʼana amajomu. Wowonse unú arakora amajomu, uyo m-mwana wa Waryubha. Nawe, unú arakora amabhiibhi, uyo atamumanyiri Waryubha.