1 Petero 2:7 - Eriragano Erihya

⁷ Kubheenyu bhanú mureekirirya erigina riyo, ni-rya okusuukwa. Nawe, kubhanú bhatakwikirirya, Amangʼoore Amarabhu garagamba ega, “Erigina rinú abhahagaaji bhaangiri, ndyo ryabheeri erigina erikuru rya obhurusa.”

1 Petero 2:7 ပူးပေါင်းရင်းမြစ်များ

Mataayo 21:42

Nho, Yeesu akabhakeerya ega, “Bhoono, mutarasoma ganú gaangʼoorwa mu Mangʼoore Amarabhu? Gaangʼoorwa ega, ‘Erigina rinú abhahagaaji bhaangiri, ndyo ryabheeri erigina erikuru rya obhurusa. Omukuru Waryubha ngʼo akoreri eringʼana riyo, ryonse n-kiruguuro kubheetu.’”

Ruuka 2:32

Obhutuurya bhuyo ni-ndingaasi ya okoorokya enjira yaaho, kubhantu bhanú bhataringi Abhayahudi. Kora abhantu bhaaho bha Isiraeri bhonsego bharitogoonibhwa.”

Ruuka 2:34

Hayo, Simeoni akabhanonka, akamukeerya Mariamu, ngʼina waabho omwana uyo ega, “Omwana unu, asorerwe na Waryubha okusikya Abhaisiraeri abhaaru na okutuurya abhandi abhaaru. Aribha ekimanyiiriryo kya Waryubha, kinú kiryangwa na abhantu.

Ruuka 20:17

Kimwi, Yeesu akabhamaahirira, akabhabhuurya ega, “Mbe, ensonga ya amangʼoore ganu niki? ‘Erigina rinú abhahagaaji bhaangiri, ndyo ryabheeri erigina erikuru rya obhurusa.’

Yoana 4:42

Bhakamukeerya omukari uyo ega, “Obhwa mbere tumwikiriirye omuntu unu, kwa ekisigo kya amangʼana ganú otukeererye uuwe. Nawe bhoono, turamwikirirya kwa okubha twigwiri bheetu abheene ganú aragamba, na tumanyiri ega, heene unu ngʼo Omutuurya wa ekyaro.”

Amakorwa ga Abhatumwa 26:19

“Kwa ego, ee omukama Agiripa, ntaatiga okugwata obhurori bhuyo okurwa murwire.

Abharuumi 10:21

Nawe, eguru ya Abhaisiraeri, Waryubha yaagamba ega, “Orusiku orugima, neendanga okugwatana na abhantu bhaani, nawe, m-bantu bhanú bhataringi abheegwa, kweki m-bantu bhanú bharanjeema.”

Abharuumi 15:31

Munsabhire ega, abhantu bha mukyaro kya Yudea erya, bhanú bhataamwikirirya Yeesu Kiristu, bhatariija okunkorera amabhiibhi. Kweki munsabhire, naho abheekirirya bha Yerusaremu erya, bheekirirye okugega omusororyo gunu.

2 Abhakorinto 2:16

Kubhanú bharabhura, obhurange bhuyo, m-bubhiibhi bhurareeta oruku, nawe, kubhanú bharatuuribhwa, obhurange bhuyo, m-bujomu bhurareeta obhuhoru. Bhoono, niwi aratura okukora emirimu giyo?

Abhakorosai 2:10

Na bheenyu muheerwe obhuhoru bhunú bhukuneeni kwa okugwatana kwenyu na Kiristu. Weeki ngʼo omutwe eguru ya abhakuru na abhatungi bhonsego bha orwire rwa eginkoro.

Tiito 3:3

Akare hayo, bheetu abheene bhonse, eribhaga twaringa tutaramwikirirya Yeesu, twaringa abhakangi, abhajeemi, kweki twaringa tungʼeenerwe. Twaringa abhagaya bha orunamba orubhiibhi rwa amanga amaaru ga ekyaro. Okwikara kwetu kwaringa kwa okukora amabhiibhi na orwango. Abhantu bhaaringa bharatubhihirirwa, na bheetu twaringa turabhabhihirirwa.

Abhaebhurania 11:31

Eimani yaakora Rahabhu unú yaaringa omusimbe, akahona okwitwa hamwi na abhantu bhanú bhaaringa bhatakumwigwa Waryubha. Yaahona, kwa okubha yaabhagenihya Abhaisiraeri abhabhuuririrya kwa omurembe.

Abhaebhurania 4:11

Mbe, tukore ekituunyo okusoha ahasi ha okumuunya hayo, naho omuntu wowonse atatamwa okusoha, kwa ekisigo kya okwanga okumwigwa Waryubha, kya ego bhajaaji weetu bhaakora.

1 Petero 1:8

Bheenyu mumuhanjiri, onyoora mutaakamuruuji, na muramwikirirya onyoora mutakumurora bhoonwego. Kwa ego, muuna obhujomerwa bhunú bhuuna obhukuru bhunú bhutakugambwa,

1 Petero 2:4

Yeesu ngʼo erigina erihoru rya okuhagaajira. Erigina riyo, abhantu bhaaryanga, nawe ndyo Waryubha yaasora, na riina obhwera obhunene kumwene. Mbe, mumuseete Yeesu,

1 Petero 2:8

Kweki, Amangʼoore garagamba ega, “Erigina riyo ni-rigina rya okwikuujura, ni-ritare rya okugwisya abhantu.” Abhantu bhareekuujura kwa okubha bhatakugwata Amangʼana ga Waryubha, na ego niigo bhaaringa bhaseemeriibhwe okurwa akare.