1 Petero 2:6 - Eriragano Erihya

⁶ Mbe, Amangʼoore Amarabhu garagamba ega, “Maaha! Ndatuura erigina erikuru rya obhurusa Sayuni, kweki ndyo erigina rya obhwera rinú naasora. Nawe, omuntu wowonse nyoore aramwikirirya unú ni-rigina riyo, atarisuuka kora orusiku rumwi!”

1 Petero 2:6 ပူးပေါင်းရင်းမြစ်များ

Mataayo 12:18

“Maaha, unu ngʼo omukori wa emirimu waani unú mmusoreri. Unu m-muhanje waani unú aransambaarukya omutima gwani. Ndituura Omutima Omurabhu eguru yaaye, wonse aribharaarikira abhantu bha ebhyaro bhyonsego, amangʼana ga obhuheene.

Mariko 12:10

Bhoono, mutarasoma Amangʼoore Amarabhu ganú garagamba ega, ‘Erigina rinú abhahagaaji bhaangiri, ndyo ryabheeri erigina erikuru rya obhurusa.

Ruuka 20:17

Kimwi, Yeesu akabhamaahirira, akabhabhuurya ega, “Mbe, ensonga ya amangʼoore ganu niki? ‘Erigina rinú abhahagaaji bhaangiri, ndyo ryabheeri erigina erikuru rya obhurusa.’

Ruuka 23:35

Abhantu bhaaringa bheemiriiri hayo, bharamaahirira ganú garakoreka. Abhakuru bha Abhayahudi, bhakamujeera bharagamba ega, “Ndeegwa yaatuuryanga abhandi! Mbe, bhoono yeetuurye omwene, nyoore ngʼo Kiristu Omutuurya, omusorwa wa Waryubha.”

Yoana 7:38

Amangʼoore Amarabhu garagamba ega, omuntu wowonse unú aranyikirirya, ‘eginyuji gya amanji ga obhuhoru bhirigera okurwa munsi yaaye.’”

Amakorwa ga Abhatumwa 1:16

“Abhahiiri bhaani kuimani, amangʼana ganú gaangʼoorwa mu Mangʼoore Amarabhu eguru ya Yuda, geenderwanga gakoreke. Amangʼana gayo gaagambwa na Omutima Omurabhu okuhitira kumukama Daudi, eguru ya Yuda unú yaahira abhantu bhanú bhaagwata Yeesu.

Abharuumi 10:11

Amangʼoore Amarabhu garagamba ega, “Omuntu wowonse unú aramwikirirya, atarisuuka.”

Abhaefeso 1:4

Eribhaga Waryubha yaaringa atarabhumba ekyaro, yaatusora tubhe bhaaye kwa enjira ya okugwatana kwetu na Kiristu. Yaakora ego, naho tubhe abhantu abharabhu bha omutima bhanú bhataana amasoro embere yaaye. Na kwa okubha atuhanjiri,

Abhaefeso 2:20

Bheenyu mubheeri kya enyumba inú ehagaajirwe kubhurusa, na obhurusa bhuyo, m-batumwa na abharooti, na Kiristu Yeesu omwene n-kya erigina erikuru rya obhurusa bhuyo.

2 Timoteo 3:16

Amangʼoore Amarabhu gonsego, gangʼoorerwe kwa omwika gwa Waryubha. Gayo, gareenderwa okwihigirya obhuheene, na okukaanʼya abhantu, naho bhatige obhusarya bhwabho. Kweki, garoorokererya abhantu hanú bharasarya, na okoorokererya kira kinú kireenderwa embere ya Waryubha.

1 Petero 2:4

Yeesu ngʼo erigina erihoru rya okuhagaajira. Erigina riyo, abhantu bhaaryanga, nawe ndyo Waryubha yaasora, na riina obhwera obhunene kumwene. Mbe, mumuseete Yeesu,

1 Petero 2:8

Kweki, Amangʼoore garagamba ega, “Erigina riyo ni-rigina rya okwikuujura, ni-ritare rya okugwisya abhantu.” Abhantu bhareekuujura kwa okubha bhatakugwata Amangʼana ga Waryubha, na ego niigo bhaaringa bhaseemeriibhwe okurwa akare.

2 Petero 1:20

Okutiga gayo, mumanye eringʼana rinu mbere ega, bhutariho obhurooti mu Mangʼoore Amarabhu, bhunú omurooti yaaruusya okurekana na ameetegeerero gaaye omwene.

2 Petero 3:16

Muginyarubha gyaye gyonsego, arahairira eguru ya amangʼana gayo. Muginyarubha gyaye giyo, garimo amangʼana agandi amakongʼu okugamanya. Abhantu bhanú bhateehigiribhwa eguru yaago, na bhataranaga kuimani, bharagahabhya kya ego bharahabhya Amangʼoore Amarabhu agandi. Kwa okukora ego, bhareesikya abheene.