1 Petero 2:5 - Eriragano Erihya

⁵ mumanye ega, bheenyu bhonse n-kya amagina amahoru, murahagaajwa na Waryubha mubhe enyumba ya omutima. Kweki arabhakora mubhe abhasyengeri bhanú bhasorerwe okuruusya ebhimwenso kurusumo rwa emitima, bhinú bhiramungʼarira kwa obhuturo bhwa Yeesu Kiristu.

1 Petero 2:5 ပူးပေါင်းရင်းမြစ်များ

Abharuumi 12:1

Bhoono, abhahiiri bhaani kuimani, mumanyiri kya ego Waryubha aratumaahira ekyabhira. Kwa ego mbe, ndabhakomererya ega, mwiruusye obhuhoru bhwenyu ku Waryubha. Mubhe kya ebhimwenso ebhihoru, ebhirabhu, ebhijomu, bhinú bhiramungʼarira Waryubha. Okukora ego, nko enjira ya heene ya okumusyengera Waryubha.

Abharuumi 15:16

naho mbe omukori wa emirimu wa Kiristu Yeesu kubhantu bhanú bhataringi Abhayahudi. Ngʼeerwe emirimu gya omusyengeri wa okubharaarikira Amangʼana Amajomu okurwa ku Waryubha, naho bhabhe kya ekimwenso kinú kyaraamwa na Omutima Omurabhu.

1 Abhakorinto 3:16

Bhoono, mutamanyiri ega, bheenyu ni-risyengerero rya Waryubha, na ega, Omutima wa Waryubha areekara munsi weenyu?

1 Abhakorinto 3:9

Ndagamba ego, kwa okubha bheetu turakora emirimu gya Waryubha. Na bheenyu m-mugunda gwaye, na enyumba yaaye.

1 Abhakorinto 6:19

Mutamanyiri ega, emibhiri gyenyu ni-risyengerero rya Omutima Omurabhu, unú Waryubha yaabhahaana, kweki ega, Omutima Omurabhu areekara munsi weenyu? Bhoono emibhiri giyo gitaringi gyenyu, nawe, n-gya Waryubha,

2 Abhakorinto 6:16

M-meekiriranʼyo-ki gariho gati ya erisyengerero rya Waryubha na ebhisusano? Bheetu ni-risyengerero rya Waryubha omuhoru! N-kya ego Waryubha omwene yaagamba ega, “Ndiikara gati yaabho na okugenda hamwi nabho. Ndibha Waryubha waabho, bhonse bharibha abhantu bhaani.”

Abhagaratia 6:10

Mbe, eribhaga ryoryonse hanú turanyoora omweya, tukorere abhantu bhonsego amajomu, nawe, ekinene kubheekirirya abharikyetu.

Abhafiripi 1:11

Obhwikari bhwenyu, bhuriijura amangʼana ga obhuheene ganú garatuuka kwa enjira ya okumwikirirya Yeesu Kiristu, naho gamutogoonʼye na okumugungya Waryubha.

Abhafiripi 2:17

Kora nyoore amanyinga gaani, gareetirwe kya ekimwenso, hamwi na eimani yeenyu inú eraruusibhwa ekimwenso embere ya Waryubha, oni ndajomerwa. Ndajomerwa hamwi na bheenyu bhonsego.

Abhafiripi 4:18

Bhoono, ebhintu bhyonsego bhinú mwatuma Epafurodito yaandeetere, naabhinyooreri. Bhyakuneenʼye obhwendi bhwani bhonsego, kweki m-byaru okukira kya ego neendanga. Ebhintu bhiyo, n-kya ekimwenso kinú kirarangasira, esadaaka inú ereekiriribhwa na okumungʼarira Waryubha.

Abhakorosai 3:17

Gonsego ganú murakora, ebhe kwa okugamba, kasi kwa ebhikorwa, mugakore kuriina rya Omukuru Yeesu, enu muramukumya Taata Waryubha okuhitira ku Yeesu.

1 Timoteo 3:15

Ndatura okutigita, kwa ego, onyoore omanyiri ganú gareenderwa kubhantu bha Waryubha omuhoru, kwa okubha abhantu bhaaye mbo erikanisa ryaye. Riyo ndyo riragumya obhuheene kwa okubha ndyo entimu na obhurusa bhwaye.

Abhaebhurania 3:6

Nawe Kiristu, weeki m-Mwana omuheene unú areemiririra abhantu bha enyumba ya Waryubha. Na bheetu mbo abhantu bhayo, nyoore turagendererya okuhikira obhuteero okubha abhahaari na okwirora kuganú tureesigira.

1 Petero 2:9

Nawe, bheenyu n-hamati inú yaasorwa, abhasyengeri bha Omukama, abhantu bhanú mwasorwa kurusumo rwaye omwenego, abhantu bhanú Waryubha yeendanga muraarike amakorwa gaaye amakuru. Omwene yaabhabhirikira okurwa mukisunte, okugya mundingaasi yaaye ya okuruguurya.

1 Petero 4:11

Nyoore omuntu yaana amangʼana ga okugamba, agagambe muna gararwa ku Waryubha. Na nyoore omuntu arakorera abharikyaye emirimu, akore kwa obhuturo bhunú bhurarwa ku Waryubha. Kwa enjira inu, Waryubha aragungibhwa kumangʼana gonsego, kwa ekisigo kya Yeesu Kiristu. Omwene yaana obhukuru na eginguru, koko na koko. Amina.

1 Petero 4:17

Mumanye ega, eribhaga rya okubhutura ekiina rihikiri, na Waryubha aryamba okubhutura ekiina kubhantu bhaaye. Bhoono nyoore okubhutura ekiina kuryambira kubheetu abhantu bhaaye, bhoono eribha egaki kubhanú bhatakwikirirya Amangʼana Amajomu ga Waryubha?

Obhukundukuri 1:6

Yaatukora okubha obhukama bhwa abhasyengeri, naho tumukorere emirimu Waryubha, Esewaabho. Yeesu agungibhwe! Weeki yaana eginguru koko na koko! Amina.

Obhukundukuri 20:6

Obhuhyuki bhwa abhaana bha Waryubha bhuyo, mbo bhwabha obhuhyuki bhwa mbere. Bheeki bhaanonkwa na m-bantu abharabhu bha omutima. Oruku rwa kabhiri rutaribha na eginguru kubheene. Bhonse bharibha abhasyengeri bha Waryubha na Kiristu, na bharitunga nawe kwa eribhaga rya emyaka ekiku kimwi.

Obhukundukuri 3:12

“Omuntu unú arihiga, ndimukora abhe kya entimu ya mwisyengerero erikuru rya Waryubha waani, na atarirwa muyo kweki. Oni ndingʼoora eguru yaaye eriina rya Waryubha waani, na eriina rya omugi gwa Waryubha waani. Omugi guyo, n-Yerusaremu enhya, gunú guriituuma okurwa murwire ku Waryubha waani. Kweki ndingʼoora eguru yaaye eriina ryani erihya.

Obhukundukuri 5:10

Uuwe waakora abhantu bhayo, bhabhe obhukama bhwa Waryubha weetu, na bhabhe abhasyengeri bha okumukorera emirimu, bhonse bharitunga ekyaro.”