1 Petero 2:22 - Eriragano Erihya

²² Weeki ataakora obhusarya, kora okugamba obhubheehi.

1 Petero 2:22 ပူးပေါင်းရင်းမြစ်များ

Mataayo 27:19

Mbe, Pirato hanú yaaringa yeekeeri kukitumbi kyaye kya okubhuturira ekiina, omukari waaye akamutumira amangʼana ega, “Otaaja omukorere eringʼana eribhiibhi ryoryonse omuntu uyo ataana obhusarya, kwa okubha naanyankiri bhukongʼu obhutiku mukirooto kurusumo rwaye.”

Mataayo 27:4

Akabhakeerya ega, “Nkoreri obhusarya bhwa okumuriira eniku omuntu unú ataana obhusarya bhobhonse.” Nawe, bheeki bhakagamba ega, “Gayo gatakututunʼya bheetu, n-gaaho omwene.”

Ruuka 23:41

Bheetu tubhuturiirwe ekiina kwa obhuheene, ganu ngo endihi ya ganú twakora. Nawe omuntu unu, ataakora obhusarya bhobhonse.”

Ruuka 23:47

Hanú yaamara okugamba gayo, gukahwa-mo. Omukuru wa abhasirikare hanú yaarora ganú gakorekeri, akamugungya Waryubha aragamba ega, “M-buheene ega, omuntu unu yaaringa wa heene!”

Yoana 1:47

Hanú Yeesu yaamurora Natanaeri aramuuja-ko, akagamba eguru yaaye ega, “Mumaahe, omuntu uyo m-Mwisiraeri eritinya, ataana obhungʼeeningʼeeni.”

Yoana 8:46

Niwi gati yeenyu unú aratura okwimiririra ega, oni m-mukori wa obhusarya? Nyoore ndabhakeerya obhuheene, kwaki mutakunyikirirya?

2 Abhakorinto 5:21

Kiristu ataaringa na obhusarya, nawe, Waryubha yaamubharira obhusarya bhwetu bhonsego, naho bheetu tubharwe okubha abhaheene embere ya Waryubha okuhitira kuweeki.

Abhaebhurania 4:15

Omusyengeri Omukuru uyo, ngʼo amanyiri obhunyooheeru bhwetu, kwa okubha wonse yaasakibhwa kwa kira enjira kya bheetu, nawe, weeki ataakora obhusarya.

Abhaebhurania 9:28

Egoego Kiristu yaaruusibhwa okubha ekimwenso rumwigo, naho agege obhusarya bhwa abhantu abhaaru. Kweki Kiristu ariija orwa kabhiri, kwibhaga riyo atariija okuruusya-ho obhusarya. Nawe, ariija okubhahaana obhutuurya abhantu bhanú bharamuganyirira kwa ekituunyo.

1 Yoana 2:1

Abhaana bhaani abhahanje kuimani, ndabhangʼoorera amangʼana gayo, naho mutakora obhusarya. Nawe, nyoore omuntu wowonse araakore obhusarya, tuunawe unú aratusabhira ku Taata Waryubha. Uyo n-Yeesu Kiristu omuheene.

1 Yoana 3:5

Mumanyiri ega, Kiristu yaaja mukyaro, naho aruusye-ho obhusarya bhwetu. Kweki weeki ataana obhusarya bhobhonse.

Obhukundukuri 14:5

Bheeki bhataakagambiri obhubheehi, kora bhataaringa na amasoro gogonse.