1 Petero 2:21 - Eriragano Erihya

²¹ Mureenderwa mwigumiriryenga ego, kwa okubha Kiristu wonse, yaanyankibhwa kurusumo rwenyu. Kweki akabhatigira ekirengekanʼyo, naho mubhenga muramwihigira.

1 Petero 2:21 ပူးပေါင်းရင်းမြစ်များ

Mataayo 10:38

Omuntu wowonse unú atakugega omusarabha gwaye, kurusumo rwani, uyo atakutura okubha omwihigira waani.

Mataayo 11:29

Mwibhohere ejeeki yaani, na mwihigire okurwa kuoni, kwa okubha oni m-munyoohu na omwisuuhya wa omutima, na bheenyu murinyoora obhujomerwa mumitima gyenyu,

Mataayo 16:24

Mbe, Yeesu akabhakeerya abheehigira bhaaye ega, “Omuntu wowonse unú areenda okunsoorana oni, areenderwa yeeyange omwene, na okugega omusarabha gwaye, yansoorane.

Ruuka 24:26

Kasi eteenderwanga Kiristu Omutuurya ahitire enyanko iyo, na asohe ahasi hanú aritogoonibhwa?”

Yoana 13:15

Mboorokeerye ekirengyo, naho na bheenyu bhonse mukorerane kya ego oni mbakoreeri.

Yoana 16:33

Ndabhakeerya amangʼana gayo gonsego, naho mubhe na omurembe mumitima gyenyu, kwa okubha muringi munsi waani. Mukyaro munu murinyoora enyanko enjaru, nawe, mutoobhoha, kwa okubha oni nkihigiri ekyaro.”

Amakorwa ga Abhatumwa 14:22

Bhaaringa bhareemya abheekirirya bha mumigi giyo, na okubhateremya bhagume kuimani. Bhaabhakeeryanga ega, “Bheetu bhonsego tureenderwa tuhitire munyanko enene, naho tusohe mubhukama bhwa Waryubha.”

Amakorwa ga Abhatumwa 17:3

Kiristu Omutuurya yeenderwanga anyankibhwe na okwitwa, na kweki, yeenderwanga ahyuke okurwa mubhaku. Pauro akagendererya okubhakeerya ega, “Kiristu unú ndabhakeerya eguru yaaye, ngʼo Yeesu.”

Amakorwa ga Abhatumwa 9:16

Oni omwene ndaamoorokye, kya ego areenderwa okunyanka bhukongʼu, kurusumo rwa eriina ryani.”

Abharuumi 8:29

Waryubha yaamanya abhantu bhaaye, okurwa ekyaro kitarabhumbwa. Bhayo mbo yaabhasora bhabhe kya ego Omwana waaye, Yeesu Kiristu aringi. Yaakora ego, naho Omwana waaye abhe omutangi gati ya abhahiiri abhaaru.

1 Abhakorinto 11:1

Munyihigire oni, kya ego oni nonse ndamwihigira Kiristu.

Abhaefeso 5:2

Mwikarane kwa obhuhanje, kya ego Kiristu yaabhahanja bheenyu, akeeruusya okukwa kurusumo rwetu, akabha ekimwenso na esadaaka inú erarangasira ku Waryubha.

Abhafiripi 2:5

Ensonga yeenyu ebhe iryairya yaaringa nayo Kiristu Yeesu.

1 Abhatesaronike 3:3

Twakora ego, naho omuntu wowonse atakwa omutima, kwa ekisigo kya eginyanko ginu. Bheenyu abheene mumanyiri ega, tureenderwa okuhitira munyanko.

1 Abhatesaronike 4:2

kwa okubha mumanyiri bhujomu, amaragiriryo ganú twabharagirirya kwa obhutungi bhwa Omukuru Yeesu.

2 Timoteo 3:12

Mbe bhoono, bhonsego bhanú bharamwikirirya Kiristu Yeesu, na bhareenda okwikara kwa okumwigwa Waryubha, bharaabhenga bharanyankibhwa.

Abhaebhurania 2:10

Waryubha ngʼo yaabhumba ebhintu bhyonsego na okubhikora kya ego bhiringi. Yaamungʼarira abhasohye abheekirirya abhaaru mubhukuru bhwaye, kwa ego yaakunaanʼya Yeesu kwa enjira ya okunyankibhwa, naho abhe obhusimuka bhwa obhutuurya.

1 Petero 1:20

Okurwa ekyaro kitarabhumbwa, Waryubha yaaringa amumanyiri kwa ensonga iyo. Nawe, akaganya okuhikira kwibhaga rya obhuteero, nho akamureeta na okumutubhura kubhantu bhonsego mukyaro. Gayo yaagakora kurusumo rwenyu.

1 Petero 2:24

Kiristu omwene yaagega obhusarya bhwetu kumubhiri gwaye, akabhambwa kumusarabha. Yaakora ego, naho bheetu tutatungwa kweki na obhusarya, twikare kwa okumungʼarira Waryubha. Bheenyu mwahonibhwa kwa okuhitira okutemwa kwaye.

1 Petero 3:18

Kiristu omwene yaakwa kurusumo rwa obhusarya bhwenyu, yaakwa rumwigo, ekeesa. Omuheene yaakwa kurusumo rwa abhasarya, naho tugwatane na Waryubha. Yeetwa omubhiri, nawe kwa obhuturo bhwa Omutima Omurabhu, yaanyoora kweki obhuhoru.

1 Petero 3:9

Mutarihya abhantu amabhiibhi kwa amabhiibhi, kasi amatuki kwa amatuki, nawe mubhanonke. Mubhirikiirwe okukora gayo, naho bheenyu bhonse munonkwe,

1 Petero 4:1

Mbe, kwa okubha Kiristu yaanyankibhwa omubhiri gwaye, na bheenyu bhonse mwiseemye okunyankibhwa kya omwene. Ndagamba ego, kwa okubha omuntu unú amariri okunyanka kumubhiri gwaye, atigeeni na obhusarya.

1 Petero 4:13

Nawe, mujomerwe ega, muranyanka, kya ego Kiristu yaanyanka, naho muriija okubha na obhujomerwa deke, eribhaga rinú obhukuru bhwaye bhuryorokibhwa harabhu.

1 Yoana 2:6

Na omuntu unú aragamba ega, agwateeni na Waryubha, areenderwa yeekare kya ego Yeesu yeekara.

1 Yoana 3:16

Kiristu, hanú yaaruusya obhuhoru bhwaye kurusumo rwetu, yaatoorokya obhuhanje bhwa obhuheene. Na bheetu bhonse egoego, tureenderwa kora okuruusya obhuhoru bhwetu kurusumo rwa abharikyetu.

Obhukundukuri 12:11

Abheekirirya abharikyetu bhamuhigiri kwa amanyinga ga Omwana wa Eringʼondi, na kwa obhwimiririri bhunú bhaaruusya. Bhataarora obhwera bhwa obhuhoru bhwabho, bhaaringa bheeseemerye okukwa kurusumo rwa okwikirirya Omwana wa Eringʼondi.