1 Petero 2:20 - Eriragano Erihya

²⁰ Nyoore mureegumirirya enyanko inú mureenderwa kwa ekisigo kya obhusarya bhwenyu, mutaringʼarira Waryubha. Nawe, nyoore mureegumirirya enyanko kwa ekisigo kya okukora amajomu, mbe murangʼarira Waryubha.

1 Petero 2:20 ပူးပေါင်းရင်းမြစ်များ

Mataayo 26:67

Nho, bhakaamba okumutuujira amate mubhusu, bhakamutema eginkundi. Na abhandi bhakamutema amakoofi,

Mataayo 5:47

Kweki, nyoore muraakeeranʼye abhahiiri bheenyu abheenego, bhoono, oranyoora mukoreri eringʼana-ki okukira abhandi? Kora abhantu bhanú bhatakumwikirirya Waryubha, bhonse bharakora egoego.

Mariko 14:65

Nho, abhandi bhakaamba okumutuujira amate, bhakamuribha obhusu na okumutema eginkundi. Bhakamukeerya ega, “Rengererya niwi unú akutemeri!” Kora abharindi bhanú bhaaringa harya, bhakamugega, bhakamutema amakoofi.

Ruuka 6:32

“Nyoore muraahanje bhanú bhabhahanjiri bheenyu, murinyoora obhwera-ki? Kora abhasarya bharahanja bhanú bhabhahanjiri!

1 Abhakorinto 4:11

Kora bhoonwego tuuna omweko na enyonta, kweki tutaana emyenda, turatemwa, kora tutaana aha okwikara.

Abhagaratia 4:18

M-bujomu okukora ekituunyo, nawe, ebhe kwa okukora amajomu. Mukorenga ego, eribhaga ryonsego, kora kwa eribhaga rinú ntaringi hamwi na bheenyu.

Abhaefeso 5:10

Mumanyiiriryenga ganú garamujomera Omukuru Yeesu, ngo mukore.

Abhafiripi 4:18

Bhoono, ebhintu bhyonsego bhinú mwatuma Epafurodito yaandeetere, naabhinyooreri. Bhyakuneenʼye obhwendi bhwani bhonsego, kweki m-byaru okukira kya ego neendanga. Ebhintu bhiyo, n-kya ekimwenso kinú kirarangasira, esadaaka inú ereekiriribhwa na okumungʼarira Waryubha.

1 Petero 2:19

Nyoore mureegumirirya enyanko kwa okwihonerwa, Waryubha, aribhanonka.

1 Petero 3:14

Nawe, nyoore muranyanka kwa ekisigo kya okukora amajomu, Waryubha aribhanonka. Kwa ego, mutoobhoha kya ego bharabhakanga, nawe mumugungye Kiristu, weeki ngʼo Omukuru wa obhuhoru bhwenyu.

1 Petero 3:17

Nyakara okunyanka kwa ekisigo kya okukora amajomu, nyoore Waryubha akaahanjiri, okukira okunyanka kwa okukora amabhiibhi.