1 Petero 2:17 - Eriragano Erihya

¹⁷ Musuuke abhantu bhonsego, na muhanje abheekirirya abharikyenyu. Mumwigwe Waryubha, na musuuke omukama weenyu.

1 Petero 2:17 ပူးပေါင်းရင်းမြစ်များ

Mataayo 22:21

Bhakamukyukya ega, “M-bya Kaisari.” Yeesu akabhakeerya ega, “Mbe, mumuhaane Kaisari ebhya Kaisari, na mumuhaane Waryubha ebhya Waryubha.”

Yoana 13:35

Nyoore muraahanjane, mbe abhantu bhonsego bharimanya ega, bheenyu m-beehigira bhaani.”

Abharuumi 12:10

Muhanjane bheenyu abheene kwa abheene kwa obhuhanje bhwa abhahiiri kuimani, na okwiganirirya mbere abhandi kwa obhusuuku.

Abharuumi 13:7

Kwa ego, mubhenga murakora amangʼana ganú abhatungi bhayo, bhareenderwa okukorerwa. Nyoore muratongwa erigooti, mbe murihe erigooti. Na nyoore mureenderwa okusuuka omuntu, mumusuuke.

2 Abhakorinto 7:1

Bhoono, abhahanje bhaani, kwa okubha Waryubha yaaraga gayo gonsego, kwa ego mbe twiraame, tutigane na obhukonu bhonsego, bhwa emibhiri na emitima gyetu. Tubhe abha emitima emirabhu kumangʼana gonsego, kwa enjira ya okumusuuka Waryubha.

Abhaefeso 5:21

Mubhenga murasuukana bheenyu abheene kwa abheene, kwa okubha muramusuuka Kiristu.

Abhafiripi 2:3

Mutakora eringʼana ryoryonse kwa omutima gwa orwango kora kwa ameeheemo. Nawe, mwisuuhye na mubhare abhandi okubha abha obhwera bhukongʼu okukira bheenyu abheene.

1 Timoteo 6:1

Abhagaya bhonsego abheekirirya, bhasuuke abhakuru bhaabho, naho eriina rya Waryubha na ameehigiryo geetu eguru yaaye gatajeerwa.

Abhaebhurania 13:1

Mugendererye okuhanjana bheenyu abheene kwa abheene, kya ego ereenderwa kubheekirirya.

1 Petero 1:22

Kwa okubha mureekara okuringʼaana na ameehigiryo ga obhuheene eguru ya Yeesu, emitima gyenyu girabhiibhwe. Bhoono mukore ekituunyo okuhanja abharikyenyu mutabha na orwambe. Mbe, muhanjane kwa emitima gyenyu gyonsego.

1 Petero 2:13

Mubhenga murasuuka abhatungi bha abhantu, kurusumo rwa okumusuuka Omukuru. Musuuke Kaisari, kwa okubha weeki ngʼo omutungi omukuru wa ekyaro kyenyu.

1 Petero 5:5

Egoego, na bheenyu abhamura, mwitegeererenga abhakangati. Bheenyu bhonsego mureenderwa okubha abheesuuhya na abha okubheera abharikyenyu, kwa okubha, Amangʼoore Amarabhu garagamba ega, “Waryubha arahakaanʼya bhanú bhareerora, nawe, arahaana abheesuuhya eriruguto.”