1 Petero 2:16 - Eriragano Erihya

¹⁶ Mwikare kwa okwiyagaara, nawe mutatumira obhwiyagaari bhuyo, okukora amabhiibhi, mumenye kya ego abhagaya bha Waryubha bhareenderwa okumenya.

1 Petero 2:16 ပူးပေါင်းရင်းမြစ်များ

Mataayo 23:13

“Murikirora-ko, bheenyu abheehigirya bha amaragiriryo na bheenyu Abhafarisaayo! Bheenyu m-banyarwambe, kwa okubha murabharibhira abhantu okusoha mubhukama bhwa murwire kwa ameehigiryo geenyu. Bheenyu abheene mutakusoha-mo, kweki mutakubheekiririrya abhantu abhandi bhanú bhareenda okusoha-mo. [

Yoana 15:22

Nyoore ntakaajiri na okuhaira nabho, mbe bhatakaabheeri na obhusarya. Nawe, bhoono, bhatakutura okwibhagirira ega, bhataana obhusarya.

Abharuumi 6:18

Bhoono, Waryubha yaamariri okubhahaana obhwiyagaari, naho mutabha abhagaya bha obhusarya. Yaabhakoreri mubhe abhagaya bhaaye, naho mubhe murakora amangʼana ga obhuheene.

Abharuumi 6:22

Nawe bhoono, muheerwe na Waryubha obhwiyagaari, naho mutabha abhagaya bha obhusarya. Kweki, abhakoreri okubha abhagaya bhaaye, na okurekana na gayo, munyooreri obhwera. Obhwera bhuyo, nu-kuraamwa na weeki omwene, na obhuteero bhwa gayo nu-kunyoora obhuhoru bhwa koko.

1 Abhakorinto 7:22

Ngambiri ega, riyo ritakutunʼya, kwa okubha omuntu unú yaaringa omugaya eribhaga rinú yaabhirikirwa na Omukuru, uyo areeyagaara, embere ya Omukuru. Na unú yaaringa areeyagaara eribhaga rinú yaabhirikirwa, uyo m-mugaya wa Kiristu.

Abhagaratia 5:1

Kiristu atutungwirye okurwa mubhugaya bhwa amaragiriryo, naho twiyagaare. Mbe, munage kuimani, kora kweki muteekirirya okuhunjuka mubhugaya bhwa amaragiriryo.

Abhagaratia 5:13

Abhahiiri bhaani kuimani, Waryubha abhabhirikiiri, naho mwiyagaare. Nawe, obhwiyagaari bhwenyu, bhutabhakora mubhe na omweya gwa okugwata orunamba orubhiibhi rwa omubhiri, nawe, mubheeranenga kwa obhuhanje.

Abhaefeso 6:6

Mukorenga ego, etabha kwibhaga rinú bharabhaangararira eryenego, naho mwikangatirirye kubheene. Nawe, mubheegwenga, kya abhagaya bha Kiristu, enu murakora kwa omutima gumwi, ganú garamujomera Waryubha.

Abhakorosai 3:24

Ndagamba ego, kwa okubha mumanyiri ega, Omukuru aribhahaana omutuho gunú yaabharaga abhantu bhaaye, kwa okubha Kiristu unú murakorera emirimu ngʼo Omukuru wa heene.

1 Abhatesaronike 2:5

Mumanyiri ega, tutaaringa turagamba amangʼana ga okwikomba, kora okugamba amangʼana ganú gataringi ga obhuheene, naho tunyoore obhwera. Waryubha ngʼo amanyiri ega, ganú turagamba n-ga maheene!

Yakobho 1:25

Nawe, omuntu unú areekomya bhujomu amaragiriryo ganú gakuneeni, na okureetera abhantu obhwiyagaari bhwa okurwa mubhusarya, akaagendererya okukora gayo, enu arahiituka ganú yeegwa na okugakorera emirimu, uyo arinonkwa kwa okukora ego.

Yakobho 2:12

Mbe, mubhenga muragamba na okukora amangʼana, enu murahiituka ega, Waryubha aribhabhuturira ekiina okurekana na amaragiriryo ganú garareetera abhantu obhwiyagaari bhwa okurwa mubhusarya.

2 Petero 2:19

Abheehigirya bha obhubheehi bhayo, bhararaga abhantu bhayo ega, hanú bharaabheekiririrye, bhareeyagaara, enu bheeki abheene m-bagaya bha amabhiibhi, kwa okubha, omuntu arabha omugaya wa ekintu kyokyonse kinú kiramutama okwiribhira.

Yuda 1:4

Ndabhangʼoorera enyarubha inu, kwa okubha, abhantu nyabhurebhe bhanú bhatakumwigwa Waryubha, bheesoherye gati yeenyu bhugunyi na okwisanganʼya na bheenyu. Abhantu bhayo, bharagamba ega, eriruguto rya Waryubha weetu rirabheekiririrya okugwata orunamba rwabho orubhiibhi rwa omubhiri. Na bharamwanga Yeesu Kiristu, Omukangatya na Omukuru weetu omumwemwe. Nawe, okwambira akare yaangʼoorwa ega, abhantu bhayo, bharibhuturirwa ekiina kya ego abhandi bhaamara okubhuturirwa ekiina.