1 Petero 2:15 - Eriragano Erihya

¹⁵ Obhwendi bhwa Waryubha niiga, mukore amangʼana amajomu, naho mukirye abhakangi bhanú bhatamanyiri amangʼana gaaye.

1 Petero 2:15 ပူးပေါင်းရင်းမြစ်များ

Mataayo 25:2

Abhataanu gati yaabho, bhaaringa abhakangi, nawe, abhataanu abhandi bhaaringa abhangʼeeni.

Mataayo 7:26

Nawe, omuntu wowonse unú areegwa amangʼana gaani, na atakugakora, uyo arahunkanibhwa na omuntu omukangi unú yaahagaaja enyumba yaaye kumusenyi.

Abharuumi 1:21

Onyoora bhamumanyiri Waryubha kya ego aringi, nawe, bhatakumugungya kora okumukumya ega, ngʼo Waryubha waabho. Ameetegeerero gaabho gatiyeeni na obhungʼeeni bhwabho bhutaana ekintu, bhwijwiri ekisunte.

Abhagaratia 3:1

Bheenyu Abhagaratiya, abhakangi! Niwi yaabharoga? Amangʼana eguru ya okubhambwa kumusarabha kwa Yeesu Kiristu, gaatuurwa kubhurabhu embere ya ameeso geenyu.

1 Abhatesaronike 4:3

Waryubha areenda mubhe abharabhu bha omutima, mutige okukora obhusimbe.

1 Abhatesaronike 5:18

Mubhenga muramukumya Waryubha kukira ekintu, kwa okubha gayo ngo weeki areenda mubhenga murakora, kya ego Kiristu Yeesu yaatoorokererya.

1 Timoteo 1:13

Na onyoora kubhwambiro hayo, naaringa ndamutuka na okunyankya abhantu bhaaye, na naaringa omukana, nawe weeki yaandorera ekyabhira. Yaakora ego, kwa okubha naaringa ndakora gayo kwa obhukangi na ntaaringa na eimani.

Tiito 2:8

Ameehigiryo gaaho, gabhe ga obhuheene ganú gatakuhakaanibhwa na abhantu. Okorenga ego, naho nyoore omuntu areenda okugahakaanʼya, arore eginsoni, kwa okubha ataanyoore eringʼana rya okutugamba obhubhiibhi.

Tiito 3:3

Akare hayo, bheetu abheene bhonse, eribhaga twaringa tutaramwikirirya Yeesu, twaringa abhakangi, abhajeemi, kweki twaringa tungʼeenerwe. Twaringa abhagaya bha orunamba orubhiibhi rwa amanga amaaru ga ekyaro. Okwikara kwetu kwaringa kwa okukora amabhiibhi na orwango. Abhantu bhaaringa bharatubhihirirwa, na bheetu twaringa turabhabhihirirwa.

1 Petero 2:12

Mukore amajomu kubhanú bhatamumanyiri Waryubha, naho nyoore bharibhahaamirirya ega, muringi abhabhiibhi, bharore amakorwa geenyu amajomu. Nho, bharimugungya Waryubha kurusumo rwenyu, orusiku rwa okuuja kwaye.

1 Petero 3:16

Mubhenga na ameetegeerero amajomu, naho nyoore abhantu bharibhahaamirirya eguru ya amangʼana ganú murakora kurusumo rwa Kiristu, bhamaahe eginsoni.

1 Petero 3:17

Nyakara okunyanka kwa ekisigo kya okukora amajomu, nyoore Waryubha akaahanjiri, okukira okunyanka kwa okukora amabhiibhi.

1 Petero 4:2

Kwa enjira iyo, obhwikari bhwaye bhonsego, areekara okuringʼaana na kya ego Waryubha areenda, etaringi okuringʼaana na orunamba rwa abhantu.

2 Petero 2:12

Abhantu bhayo, bharatuka amangʼana ganú bhatamanyiri. Bheeki n-kya egintyenyi ginú gitaana obhungʼeeni, gyeki gireebhurwa, giramara giragwatwa, na okwitwa! Ego niigo Waryubha aribhasikya abheehigirya bha obhubheehi bhayo.

Yuda 1:10

Nawe, abhantu bhayo bharatuka amangʼana gogonse ganú bhatagamanyiri. Bharisikibhwa kwa amangʼana ganú bhagamanyiri, na bharagakora kya egintyenyi ginú gitaana obhungʼeeni.