1 Petero 2:1 - Eriragano Erihya

¹ Mbe, mutige obhubhiibhi bhonsego, obhungʼeenererya bhwa amanga gonsego, orwambe na orwango, kora mutakorerana amasoro kora amake.

1 Petero 2:1 ပူးပေါင်းရင်းမြစ်များ

Mataayo 15:7

Bheenyu bhanyarwambe! Omurooti Isaaya yaaroota bhujomu eguru yeenyu ega,

Mataayo 23:28

Egoego na bheenyu, kwa kibhara muramaahikana kubhantu ega, m-baheene embere ya Waryubha, nawe, obhuheene niiga, emitima gyenyu giijwiri orwambe na obhusarya.

Mataayo 24:51

Nho, omukuru waaye arimujibhya bhururu, amare amutuure hamwi na bhanyarwambe. Eyo ngʼyo abhantu bharakuura na okusya ameeno.”

Mataayo 7:5

Uuwe nyarwambe! Ruusya embere ensonko muriiso ryaho, nho oraature okurora bhujomu na okuruusya ekingʼeningʼeni muriiso rya omurikyaho.

Mariko 12:15

Nawe, Yeesu akamanya orwambe rwabho, akabhakeerya ega, “Kwaki muransakya okuntega? Mundeetere edinari ngʼirore.”

Ruuka 11:44

Murikirora-ko! Kwa okubha bheenyu n-kya abhaku bhanú bhaagunda mugimbihira ginú gitakumaahwa, na abhantu bharahita bharagitaja bira okumanya ega, m-mugiro.”

Ruuka 12:1

Eribhaga riyo, abhantu abhaaru bhaaringa bhareekumanʼya, okuhikira bhakabha bharatajana. Yeesu akaamba okubhakeerya abheehigira bhaaye ega, “Mwiyangararire na orwambe rwa Abhafarisaayo, kwa okubha orwambe ruyo ruranyaragana kya ekimera.

Ruuka 6:42

Kasi, oratura egaki okumukeerya omuhiiri waaho ega, ‘Omuhiiri waani, tiga nkuruusye ekingʼeningʼeni kinú kiringi muriiso ryaho,’ enu uuwe omwene otakurora ensonko inú eringi muriiso ryaho? Uuwe nyarwambe! Iruusya mbere ensonko inú eringi muriiso ryaho. Nho, oraature okurora bhujomu, na okuruusya ekingʼeningʼeni kinú kiringi muriiso rya omuhiiri waaho.

Yoana 1:47

Hanú Yeesu yaamurora Natanaeri aramuuja-ko, akagamba eguru yaaye ega, “Mumaahe, omuntu uyo m-Mwisiraeri eritinya, ataana obhungʼeeningʼeeni.”

Abharuumi 1:29

M-bakori bha obhusarya bhwa amanga gonsego, amabhiibhi amanga gonsego, kweki bhaana orunamba rwa ebhintu bhyonsego na bhaana orwango. Bhareenda eritoongʼana, obhwiti na obhugwatanʼya. M-babheehi, m-bantu bha ameetegeerero amabhiibhi na m-bagambi bha abhantu,

1 Abhakorinto 14:20

Abhahiiri bhaani kuimani, muteeganirirya kya abhaana, nawe mubhenga mureeganirirya kya abhantu abhakuru. Nawe, eguru ya obhubhiibhi, mubhe kya abhaana abharera.

1 Abhakorinto 5:8

Bhoono, tutakora Epasaka kwa ekimera kya akare, yaani kwa obhubhiibhi na obhusarya, nawe tuikore kwa emikaate ginú gitakutuurwa-mo ekimera, yaani kwa omutima omujomu na kwa obhuheene.

2 Abhakorinto 12:20

Ndoobhoha ega, eribhaga rinú ndiija kubheenyu, ndibhanyoora muuna eginteemo ginú gitakunjomera. Riyo ririkora nkore ganú gatakubhajomera bheenyu. Ndoobhoha ega, ndatura okubhanyoora muuna eritoongʼana, orwango, enkoro, eginhaka, obhugambani, obhubheehi, ameeheemo na eriihe.

Abhaefeso 4:31

Mbe, mutigane na obhururu, ekisorooro, enkoro, ekituri, amatuki na obhubhiibhi bhwa amanga gonsego.

1 Abhatesaronike 2:3

Amangʼana ganú turabhakomererya, gataringi ga okubhahabhya, ga omutima omubhiibhi, kora ga okubhangʼeena.

1 Timoteo 3:11

Egoego, abhakari bhaabho bhonse bhabhe na egintungwa ginú gireenderwa, bhatige okubha abhabheehi, bhabhe bhareeribhira, bhabhe abhaheene kumangʼana gonsego.

Tiito 2:3

Egoego, abhakungu bhonse, obheehigirye bhabhe na egintungwa ginú giramugungya Waryubha. Bhatabha abhabheehi, abhareebhi, nawe, bhabhenga bhareehigirya amajomu,

Abhaebhurania 12:1

Mbe, kwa okubha twinaarirwe na omuganda omunene gwa abheemiririri bhayo, turuusye-ho kira eringʼana rinú riraturibhira na okutiga obhusarya bhunú bhuratugwisya. Kweki tukore ekituunyo okukora ganú Waryubha atuuriri embere yeetu, kya omuntu unú arakenya kwa obhwikongʼererya.

Yakobho 1:21

Kwa ego, mutigane na amangʼana gonsego ga okubhakonʼya na obhubhiibhi bhonsego. Mugwate kwa okwisuuhya eringʼana rinú Waryubha yaatuura mumitima gyenyu, kwa okubha riyo ndyo riratura okubhatuurya.

Yakobho 3:14

Nawe, nyoore muuna orwango, obhubhihirirwa na obhutindi mumitima gyenyu, muteegungya ega, muuna egintungwa, kora mutagamba obhubheehi eguru ya obhuheene.

Yakobho 4:11

Abhahiiri bhaani kuimani, mutabhanga murahaamiriranʼya. Kira unú aramuhaamirirya omurikyaye, kasi okumubhuturira ekiina, uyo, arabha ajeereri amaragiriryo ga Waryubha na okugarora ega, m-mabhiibhi. Na hanú oragarora ega m-mabhiibhi, otakutura okugagwata kweki, nawe, orabha wikorerye omubhuturi wa ekiina.

Yakobho 4:5

Mbe, muteeganirirya ega, engʼoorerwe bhusa mu Mangʼoore Amarabhu, hanú garagamba ega, Omutima unú Waryubha yaatuura munsi weetu, aratwigomba bhukongʼu okuhikira okurora orwango.

Yakobho 5:9

Abhahiiri bhaani kuimani, muteengʼeheereranʼya mutariija okubhuturirwa ekiina. Maaha! Omubhuturi wa ekiina Yeesu Kiristu, aringi haangʼi okuhunjuka.

1 Petero 2:16

Mwikare kwa okwiyagaara, nawe mutatumira obhwiyagaari bhuyo, okukora amabhiibhi, mumenye kya ego abhagaya bha Waryubha bhareenderwa okumenya.

1 Petero 2:22

Weeki ataakora obhusarya, kora okugamba obhubheehi.

1 Petero 3:10

kya ego Amangʼoore Amarabhu garagamba ega, “Omuntu areende okwikara bhwaheene na okubha na obhujomerwa, atige okugamba abhandi na okubheeha.

1 Petero 4:2

Kwa enjira iyo, obhwikari bhwaye bhonsego, areekara okuringʼaana na kya ego Waryubha areenda, etaringi okuringʼaana na orunamba rwa abhantu.

1 Petero 4:4

Bhoono, abhantu bhanú bhatamanyiri Waryubha, bhararuguura hanú bhararora ega, mutakyagya nabho obhumwi kweki okukora amabhiibhi, kwa ego bharabhatuka.

Obhukundukuri 14:5

Bheeki bhataakagambiri obhubheehi, kora bhataaringa na amasoro gogonse.