1 Petero 1:9 - Eriragano Erihya

⁹ kwa okubha mwanyoora obhutuurya. Obhutuurya bhuyo, mbo ensonga ya eimani yeenyu.

1 Petero 1:9 ပူးပေါင်းရင်းမြစ်များ

Abharuumi 6:22

Nawe bhoono, muheerwe na Waryubha obhwiyagaari, naho mutabha abhagaya bha obhusarya. Kweki, abhakoreri okubha abhagaya bhaaye, na okurekana na gayo, munyooreri obhwera. Obhwera bhuyo, nu-kuraamwa na weeki omwene, na obhuteero bhwa gayo nu-kunyoora obhuhoru bhwa koko.

Abhaebhurania 11:13

Abhantu bhayo bhonsego, bhaakwa bhaana eimani. Bhaakwa bhataanyoora ganú Waryubha yaaringa abharagiri okubhahaana. Nawe, bhaaringa bharagarora kwa ahare, bhakajomerwa. Bhaaringa bhareekirirya ega, m-bageni na abhahiti mukyaro kinu.

Yakobho 1:21

Kwa ego, mutigane na amangʼana gonsego ga okubhakonʼya na obhubhiibhi bhonsego. Mugwate kwa okwisuuhya eringʼana rinú Waryubha yaatuura mumitima gyenyu, kwa okubha riyo ndyo riratura okubhatuurya.

1 Petero 3:20

Emitima giyo, n-gya bhanú bhataamwigwanga Waryubha akare hayo, eribhaga Nuhu yaaringa arakora eryato erinene. Waryubha yeegumirirya obhusarya bhwabho, okuhikira hanú eryato ryahwa, nawe kubhuteero, abhantu munaane abheenego, mbo bhaahona okurwa mumanji.