1 Petero 1:8 - Eriragano Erihya

⁸ Bheenyu mumuhanjiri, onyoora mutaakamuruuji, na muramwikirirya onyoora mutakumurora bhoonwego. Kwa ego, muuna obhujomerwa bhunú bhuuna obhukuru bhunú bhutakugambwa,

1 Petero 1:8 ပူးပေါင်းရင်းမြစ်များ

Mataayo 10:37

Omuntu wowonse unú ahanjiri esewaabho kasi ngʼina waabho okukira oni, uyo atakutura okubha omwihigira waani. Kora, wowonse unú ahanjiri omumura waaye, kasi omuhara waaye okukira oni, uyo wonse atakutura okubha omwihigira waani.

Yoana 14:15

“Nyoore muraanhanje, muraagwate emigiro gyani.

Yoana 14:21

Omuntu wowonse unú aragwata emigiro gyani, uyo ngʼo yaanhanjiri. Na unú yaanhanjiri, Taata wonse aramuhanja. Na oni ndimuhanja na okwiyorokya kumwene.”

Yoana 14:24

Nawe, omuntu wowonse unú atanhanjiri, atakukora ganú naamukeerya. Kweki, ganú ndabharagirirya gataringi gaani, nawe, gararwa ku Taata unú yaantuma kubheenyu.

Yoana 16:22

Bheenyu bhonse musurumbeeri kwa eribhaga rinu. Nawe, ndiija kweki kubheenyu, mbe, murijomerwa mumitima gyenyu. Atariho omuntu unú ariruusya-ho obhujomerwa bhuyo mumitima gyenyu.

Yoana 20:29

Yeesu akamukyukya ega, “Wikiriirye kwa okubha unduuji. Bhanonkerwe bhanú bhaanyikiriirye, kora nyoore bhatarandora.”

Yoana 8:42

Yeesu akabhakyukya ega, “Nyoore Waryubha akaabheeri Eseweenyu, mukaanhanjiri, kwa okubha naarwa ku Waryubha, na bhoono ndingi hanu. Oni ntaaja kwa obhutungi bhwani, nawe, Waryubha ngʼo yaantuma.

Amakorwa ga Abhatumwa 16:34

Hanú yaamara, akabhahira iika owaaye, akabhakorera ebhyakurya. Akajomerwa bhukongʼu hamwi na abhahiiri bhaaye bhayo bhonsego, kwa okubha amwikiriirye Waryubha.

Abharuumi 14:17

Amangʼana ga obhukama bhwa Waryubha, gataringi amangʼana eguru ya okurya kasi okunywa, nawe, m-mangʼana eguru ya okukora obhuheene, okubha na omurembe na okwikara kwa obhujomerwa. Gayo gonsego gararekana na Omutima Omurabhu.

Abharuumi 15:13

Waryubha ngʼo tureesigira ega, arikora gonsego ganú yaaraga. Kwa ego, ndabhasabhira ega, abhahaane omurembe bhukongʼu na obhujomerwa obhwaru hanú muragendererya okumwikirirya. Hayo nho muraabhe na obhwisige obhunene, kwa obhuturo bhwa Omutima Omurabhu.

1 Abhakorinto 16:22

Omuntu wowonse unú atamuhanjiri Omukuru, yeehiimwe. Omukuru weetu uuje!

2 Abhakorinto 1:22

na okututema orubhaaso rwaye, kwa okutuhaana Omutima Omurabhu mumitima gyetu, naho abhe obhutungurya kugonsego ganú Waryubha arituhaana.

2 Abhakorinto 12:4

yaagegwa okuhikira Paradiso. Eyo akeegwa amangʼana ga okuruguurya bhukongʼu, ganú omuntu atakutura okugamba, kweki atakwenderwa agagambe.

2 Abhakorinto 4:18

Tutakwiganirirya eguru ya ebhintu bhinú bhiramaahikana, kwa okubha bhyeki m-bya eribhaga ekego. Nawe, tureeganirirya eguru ya ebhintu bhinú bhitakumaahikana, kwa okubha bhyeki, m-bya koko.

2 Abhakorinto 5:7

Tureekara okurekana na eimani, etaringi kwa enjira ya bhinú bhiramaahikana.

2 Abhakorinto 9:15

Tubhenga turamukumya Waryubha kwa ekibharo kyaye, kinú tutakutura okukigungya okurekana na obhukuru bhwakyo!

Abhagaratia 5:22

Nawe, emisumo gya Omutima Omurabhu, m-buhanje, obhujomerwa, omurembe, obhwigumirirya, obhuserenʼya, obhusambaaruku na eimani,

Abhagaratia 5:6

Mbe, nyoore twikiriirye okugwatana na Kiristu Yeesu, okusaarwa kasi okutiga okusaarwa kutaana obhwera bhobhonse. Ekintu ekinene kya obhwera, ngʼ-imani yeetu inú erakora emirimu kwa obhuhanje.

Abhaefeso 3:19

Na mumanye kya ego atuhanjiri bhukongʼu, onyoora etakuturika kubheetu okubhumanya bhonsego, okuringʼaana na obhwaru bhwaye. Hanú muraamanye obhuhanje bhwaye, enteemo yeenyu eraatuubhane na enteemo ya Waryubha.

Abhaefeso 6:24

Eriruguto rya Waryubha, ribhe kubhantu bhonsego bhanú bhamuhanjiri Omukuru weetu Yeesu Kiristu, kwa obhuhanje bhunú bhutaana obhuteero. Amina.

Abhafiripi 1:25

Maheene niina obhuheene bhwa eringʼana riyo, kwa ego mmanyiri ega, ndigendererya okutama mukyaro. Kweki ndibha hamwi na bheenyu bhonsego, naho mbabheere munage na okujomerwa kuimani yeenyu.

Abhafiripi 3:3

Bheetu mbo tuuna ensaaro ya maheene. Ensaaro ya maheene n-kubha abhantu bha Waryubha. Turabha ego, kwa okubha Omutima Omurabhu aratubheera okumusyengera Waryubha. Bheetu tureeheema na okwisigira Kiristu Yeesu, tutakwisigira amakorwa ga emibhiri gyetu, okunyoora obhutuurya,

Abhafiripi 4:4

Mujomerwe eginsiku gyonsego kwa okubha muringi abhantu bha Omukuru Yeesu, kweki ndagamba ega, mujomerwe!

Abhaebhurania 11:1

Mbe, eimani nu-kubha na obhuheene bhwa amangʼana ganú tureesigira. Kweki nu-kwikirirya amangʼana ganú gatakumaahikana bhoonwego.

Abhaebhurania 11:27

Eimani yaakora Musa akeemuka mukyaro kya Misiri, atoobhoha okujima kwa omukama wa mukyaro muyo. Weeki yeekongʼererya, kwa okubha yaaringa muna ega, ararora Waryubha unú atakumaahikana.

1 Petero 1:6

Mbe, mujomererwe bhukongʼu kwa amangʼana gayo, onyoora bhoono kwa eribhaga ekego muraasurumbarenga kwa ekisigo kya amasakyo amanga amaaru.

1 Petero 2:7

Kubheenyu bhanú mureekirirya erigina riyo, ni-rya okusuukwa. Nawe, kubhanú bhatakwikirirya, Amangʼoore Amarabhu garagamba ega, “Erigina rinú abhahagaaji bhaangiri, ndyo ryabheeri erigina erikuru rya obhurusa.”

1 Petero 5:4

Na Omwangarariri Omukuru wa erikanisa hanú aritubhuka, bheenyu murituhwa eritaaji rya obhukuru rinú ritakugunda.