1 Petero 1:5 - Eriragano Erihya

⁵ Waryubha arabhaangararira kwa eginguru gyaye, kwa okubha muramwikirirya Yeesu Kiristu. Aragendererya okubhaangararira okuhikira obhutuurya hanú bhuryorokibhwa kwibhaga rya obhuteero.

1 Petero 1:5 ပူးပေါင်းရင်းမြစ်များ

Yoana 12:48

Omuntu wowonse unú aranyanga oni hamwi na amangʼana gaani, aribhuturirwa ekiina. Amangʼana ganú ndagamba, ngo garimubhuturira ekiina kurusiku rwa obhuteero.

Yoana 17:15

“Taata, ntakusabha ega, obharuusye mukyaro hanu, nawe ega, obhatuurye na omusarya urya Erisambwa.

Yoana 4:14

Nawe, omuntu unú arinywa amanji ganú oni ndimuhaana, atariigwa enyonta koko. Amanji ganú ndimuhaana, garibha muna ekisekaani kya amanji munsi waaye, na garibha gararuusya obhuhoru bhwa koko.”

Yoana 5:24

Ndabhakeerya obhuheene ega, omuntu wowonse unú areegwa amangʼana gaani na okumwikirirya Waryubha unú yaantuma, uyo yaana obhuhoru bhwa koko. Omuntu uyo ataribhuturirwa ekiina, nawe, yaamara okuhita okurwa muruku na okusoha mubhuhoru.

Abharuumi 11:20

Riyo m-maheene. Amasagi gayo gaageejwa kwa okubha gateekirirya, na uuwe oringi kya ego oringi kwa okubha oreekirirya. Kwa ego, wiyangararire, oteeheema, nawe omoobhohe Waryubha.

Abharuumi 8:18

Oni niina obhuheene ega, enyanko yeetu ya eribhaga rinu, etaringi ekintu, nkaairingʼaanʼya na obhukuru bhunú Waryubha arituhaana kwibhaga rinú riraaja.

1 Abhakorinto 1:21

Ndagamba ego, kwa okubha Waryubha, kwa egintungwa gyaye yaamura ega, abhantu bhatakutura okumumanya okurekana na egintungwa gyabho abheene. Nawe, Waryubha yaahanja okubhatuurya bhanú bharamwikirirya kwa enjira ya amangʼana ganú turaraarika. Amangʼana gayo, ngo abhantu bhanú bhatamanyiri Waryubha, bharabhirikira ega, n-ga ekikangi.

2 Abhakorinto 1:24

Etaringi ega, turatunga eimani yeenyu, nawe, bheetu m-bakori bha emirimu hamwi na bheenyu, kurusumo rwa obhujomerwa bhwenyu, kwa okubha eimani yeenyu enagiri.

Abhagaratia 2:20

Obhuhoru bhwani bhwa akare, bhwakwa hamwi na Kiristu hanú yaabhambwa kumusarabha. Bhoono ndingi omuhoru, nawe, etaringi kya ego naaringa akare, kwa okubha n-Kiristu areekara munsi waani. Obhuhoru bhunú niinabho bhoonwego, ndeekara kwa okumwikirirya Omwana wa Waryubha. Weeki yaanhanja na yaaruusya obhuhoru bhwaye, kurusumo rwani, naho yantuurye.

Abhaefeso 2:8

Waryubha yaabhatuurya kwa eriruguto ryaye, kwa okubha mwamwikirirya Yeesu Kiristu. Obhutuurya bhuyo, bhutakurekana na ekituunyo kyenyu abheene, m-mutuho gwenyu okurwa ku Waryubha.

Abhaefeso 3:17

naho Kiristu amenye mumitima gyenyu, kwa okubha muramwikirirya. Kweki ndamusabha mugendererye okubha na obhuhanje. Obhuhanje n-kya emiri, gyeki girakora emiti giranaga, kasi n-kya enyumba inú ehagaajirwe kubhurusa.

Abhafiripi 1:6

Niina obhuheene ega, Waryubha unú yaamba emirimu emijomu mumitima gyenyu, arigigendererya okuhikira gikunaane kurusiku runú Kiristu Yeesu arihunjuka.

Abhafiripi 4:7

Mbe, Waryubha aribhahaana omurembe okukira endengo ya obhumanyi. Omurembe guyo, guryangararira bhujomu emitima gyenyu na obhungʼeeni bhwenyu, kwa okubha bheenyu mwagwatana na Kiristu Yeesu.

2 Timoteo 3:15

Okurwa mubhwana, omanyiri Amangʼoore Amarabhu ganú garakuhaana egintungwa. Amangʼoore gayo, garareeta obhutuurya kwa enjira ya okumwikirirya Kiristu Yeesu.

Tiito 2:13

Tubhenga ego, eribhaga turaganyirira orusiku rwa enonkwe, rurya rwa okuhunjuka kwa Yeesu Kiristu. Orusiku ruyo, arimaahikana mubhukuru bhwaye. Weeki ngʼo Waryubha weetu omukuru, na ngʼo Omutuurya weetu.

Abhaebhurania 6:12

Mutabha abharosu, nawe, mubhe kya abheekirirya bhanú bhareegumirirya, bheeki bharanyoora ganú Waryubha yaabharaga okubhahaana.

Abhaebhurania 9:28

Egoego Kiristu yaaruusibhwa okubha ekimwenso rumwigo, naho agege obhusarya bhwa abhantu abhaaru. Kweki Kiristu ariija orwa kabhiri, kwibhaga riyo atariija okuruusya-ho obhusarya. Nawe, ariija okubhahaana obhutuurya abhantu bhanú bharamuganyirira kwa ekituunyo.

1 Petero 1:13

Kwa ego, mwiseemye na mwiyangararire. Mutuure obhwisige bhonsego kwiruguto rinú murihaanwa, hanú Yeesu Kiristu ariija na okwiyorokya kubhurabhu.

1 Petero 4:13

Nawe, mujomerwe ega, muranyanka, kya ego Kiristu yaanyanka, naho muriija okubha na obhujomerwa deke, eribhaga rinú obhukuru bhwaye bhuryorokibhwa harabhu.

1 Petero 5:1

Bhoono, ndagamba na bheenyu abhakangati bha erikanisa. Oni m-mukangati omurikyenyu, naarora kwa ameeso gaani kya ego Kiristu yaanyankibhwa. Kweki oni m-mugwatani omurikyenyu wa obhukuru bhunú bhuringi haangʼi okumaahikana. Kwa ego, ndabhakomererya bheenyu,

2 Petero 1:3

Waryubha kwa obhuturo bhwaye, yaatuheeri gonsego ganú tureenda, naho twikare obhwikari bhunú bhuramujomera. Weeki yaatuheeri gayo, kwa enjira ya okumumanya. Omwene atubhirikiiri okurekana na obhukuru na obhujomu bhwaye.

1 Yoana 3:2

Abhahanje bhaani, turamanya ega, bhoonwego bheetu m-baana bha Waryubha, nawe, etaramanyikana kya ego turibha. Nawe, tumanyiri ega, eribhaga rinú Kiristu arihunjuka, turituubhana nawe, kwa okubha turimurora kya ego aringi.

Yuda 1:1

Enyarubha inu, erwiri kuoni Yuda, omugaya wa Yeesu Kiristu na omumura waabho Yakobho. Ndabhangʼoorera bheenyu bhanú mwabhirikirwa na Taata Waryubha, bheenyu bhanú mureekara mubhuhanje bhwaye, na okwangararirwa bhwaheene na Yeesu Kiristu.

Yuda 1:24

Waryubha ngʼo yaana obhuturo bhwa okubhaangararira mutabhura, na okubhareeta bheenyu bira amasoro embere ya obhukuru bhwaye, enu murajomerwa bhukongʼu.