1 Petero 1:4 - Eriragano Erihya

⁴ Bhoono turaganyirira okugabha eginonkwe ginú Waryubha atuuriri murwire kurusumo rwa abhantu bhaaye. Eginonkwe giyo, gitakutura okugunda, okunyamuka kora okuhotoka.

1 Petero 1:4 ပူးပေါင်းရင်းမြစ်များ

Mataayo 25:34

“Nho, Omukama aribhakeerya abhantu bhanú bharingi orubhaara rwaye rwa obhuryo ega, ‘Muuje, bheenyu bhanú mwanonkwa na Taata. Mugabhe obhukama bhunú Waryubha yaabhaseemerya okwambira hanú yaabhumba ekyaro,

Mariko 10:17

Hanú Yeesu na abheehigira bhaaye bhaamba orugendo, omuntu oumwi akamukenyerera kunjira, akatema ebhiru hansi embere yaaye, akamubhuurya ega, “Omwihigirya owa heene, nkore egaki naho nnyoore obhuhoru bhwa koko?”

Amakorwa ga Abhatumwa 20:32

“Bhoono mbe, ndabhatuura mumabhoko ga Waryubha na eringʼana rya eriruguto ryaye. Weeki yaana obhuturo bhwa okubheemya na okubhakora munyoore eriruguto rinú yaabhatuurira abhantu bhaaye bhanú bhaaraamwa.

Amakorwa ga Abhatumwa 26:18

naho obharibhure ameeso, bheehunjure okurwa mukisunte, bhasohe mundingaasi, bharwe mubhutungi bhwa Erisambwa, bhamwihunjurire Waryubha. Kwa okukora ego, nho bharyabhirwa obhusarya bhwabho, bharibha hamwi na abhandi bhonsego, bhanú bhaaraamwa kwa enjira ya okunyikirirya oni.’

Abharuumi 8:17

Mbe, kwa okubha bheetu m-baana bha Waryubha, tubheeri abhagabhi bhaaye. Turinyoora engabho yeetu hamwi na Kiristu. Na kwa okubha turasanga munyanko hamwi na Kiristu, kweki turigungibhwa hamwi nawe.

1 Abhakorinto 9:25

Bhanú bharasongana kumihooyo, bhareeribhira amangʼana amaaru, naho bhanyoore omutuho gwa eribhaga ekego. Nawe bheetu turakora ego, naho tunyoore omutuho gunú guraguma koko.

Abhagaratia 3:18

Ndagamba ego, kwa okubha nyoore abhantu bharagabha okurwa ku Waryubha kwa okugwata amaragiriryo, mbe, engabho iyo etakaaturiri kweki okubhurwa endago ya Waryubha. Nawe, Waryubha kwa eriruguto ryaye, yaamuhaana Abhurahamu engabho ya eriragano kwa okubha niigo yaaringa amuragiri.

Abhaefeso 1:11

Waryubha akoreri amangʼana gonsego okuringʼaana na obhwendi bhwaye. Weeki atusoreri bheetu, okunyoora obhutuurya kya ego yeendanga okurwa akare, kwa ekisigo kya okugwatana kwetu na Kiristu.

Abhaefeso 1:14

Omutima uyo, m-butungurya bhwa okunyoora gonsego ga Waryubha kya ego yaaraga abhantu bhaaye. Na eringʼana rinu riratukomererya ega, Waryubha aribhatuurya abhantu bhaaye bhonsego. Tugungye obhukuru bhwaye.

Abhaefeso 1:18

Ndamusabha Waryubha, atubhure emitima gyenyu, naho mumanye obhwisige bhunú murabha nabho okurekana na okubhirikirwa kwenyu ku Waryubha. Kweki ndamusabha ega, muture okumanya obhuniibhi obhunene bhwa engabho yaaye ya okuruguurya, bhunú yaaraga abhantu bhaaye.

Abhakorosai 1:12

mumukumyenga Taata Waryubha, kwa okubha abhakoreri musange engabho ya abhantu bhaaye, mubhukama bhwa endingaasi.

Abhakorosai 1:5

Eimani yeenyu na obhuhanje bhwenyu, bhirarekana na obhwisige bhwenyu ega, murihaanwa eginonkwe ginú Waryubha abhatuuriiri murwire. Mwamara okwigwa eguru ya obhwisige bhuyo, eribhaga rinú mweehigiribhwa amangʼana ga obhuheene, na gayo ngo Amangʼana Amajomu.

Abhakorosai 3:24

Ndagamba ego, kwa okubha mumanyiri ega, Omukuru aribhahaana omutuho gunú yaabharaga abhantu bhaaye, kwa okubha Kiristu unú murakorera emirimu ngʼo Omukuru wa heene.

2 Timoteo 4:8

Bhoono, ndaganyirira okuhaanwa eritaaji, kwa okubha neekara kwa obhuheene embere ya Waryubha. Omukuru Yeesu Omubhuturi wa ekiina owa obhuheene, arintuha orusiku runú ariija. Ntaringi oni omwenego, na abhandi bhonsego bhanú bhareegomba, okuhunjuka kwaye.

Abhaebhurania 10:34

Kweki mwaringa murabhamaahira ekyabhira abharikyenyu bhanú bhaabhohwa mwigereja. Kweki hanú abhantu bhaabharuusyanga ebhintu bhyenyu, mwaringa murajomerwa, kwa okubha mwaringa mumanyiri ega, mumitima gyenyu muuna ebhintu ebhijomu bhukongʼu bhinú bhitakuhwa kora orusiku rumwi.

Abhaebhurania 9:15

Kwa ekisigo kiyo, Yeesu ngʼo areegwanʼya abhantu na Waryubha kwiragano erihya, naho abhantu bhanú Waryubha abhasoreri, bhanyoore obhuhoru bhwa koko bhunú yaabharaga okubhahaana. Oruku rwa Yeesu ndo ruratuurya abhantu okurwa mubhusarya bhunú bhaakora kwibhaga rya eriragano rya akare rirya.

Yakobho 1:11

Hanú eryubha riratura, omubhasu gurabha omururu kee, guroomya ebhiimerya, amauwa gaabhyo garagwa, na obhujomu bhwago bhonsego bhurasarika. Egoego, omuniibhi wonse, arisika aringi kumirimu gyaye.

1 Petero 3:9

Mutarihya abhantu amabhiibhi kwa amabhiibhi, kasi amatuki kwa amatuki, nawe mubhanonke. Mubhirikiirwe okukora gayo, naho bheenyu bhonse munonkwe,

1 Petero 5:4

Na Omwangarariri Omukuru wa erikanisa hanú aritubhuka, bheenyu murituhwa eritaaji rya obhukuru rinú ritakugunda.

Obhukundukuri 21:27

Na kitarisoha-mo ekintu kyokyonse ekikonu, kora omuntu wowonse unú arakora amangʼana ga okujimya kasi ga obhubheehi. Nawe, abhantu bhanú bharisoha-mo, m-banú amariina gaabho gangʼoorerwe mukitabho kya obhuhoru bhwa koko, ekya Omwana wa Eringʼondi.