1 Petero 1:23 - Eriragano Erihya

²³ Mukore ego, kwa okubha mweebhurwa orwa kabhiri. Okwibhurwa kuyo, kutakurekana na bheseweenyu, bheeki bharakwa, nawe bheenyu mutakukwa kwa okubha mweebhurwa kwa eringʼana rya Waryubha erihoru. Na eringʼana ryaye, riraguma koko.

1 Petero 1:23 ပူးပေါင်းရင်းမြစ်များ

Mataayo 24:35

Ekyaro na orwire bhirihita, nawe, amangʼana gaani gariguma koko!

Ruuka 8:11

“Mbe, ensonga ya ekirengyo kiyo niiga, egimbusuro ni-ringʼana rya Waryubha.

Yoana 1:13

Bhayo bhataringi abhaana bha Waryubha, kwa okwibhurwa kwa enjira ya abhantu, kasi kwa orunamba rwa omubhiri, kora kwa obhwendi bhwa omuntu, nawe, n-kwa obhwendi bhwa Waryubha.

Yoana 1:3

Ebhintu bhyonsego bhyabhumbwa okuhitira ku Engʼana uyo. Kitariho kora ekintu ekimwi kinú kyabhumbwa bira weeki.

Yoana 3:3

Yeesu akamukyukya ega, “Ndakukeerya obhuheene ega, atariho omuntu unú aratura okusoha mubhukama bhwa Waryubha nyoore ateebhurwe orwa kabhiri.”

Yoana 3:5

Yeesu akamukyukya ega, “Ndakukeerya obhuheene ega, atariho omuntu unú aratura okusoha mubhukama bhwa Waryubha, nyoore ateebhurwe kwa amanji na kwa Omutima Omurabhu.

Yoana 6:63

Omutima wa Waryubha ngʼo arabhahaana abhantu obhuhoru. Omuntu atakutura okukora kyokyonse kwa eginguru gyaye omwene. Amangʼana ganú mbakeererye n-ga Omutima wa Waryubha, na garareeta obhuhoru bhwa koko.

Abharuumi 1:23

Bhatigiri okumusyengera Waryubha Omurabhu wa koko na koko, bharasyengera ebhisusano, bhinú bhirahunkana na abhantu bhanú bharakwa kya abhantu abhandi, egintyenyi, ebhinyonyi na bhinú bhireengʼuurira enda.

Abhaebhurania 4:12

Eringʼana rya Waryubha ni-rihoru kweki riina eginguru okukira omuhyu gogonse omoogi. Eringʼana riyo, rirabhita omuntu okuhikira kumaguha, riraahukanʼya ebhiroobhero na amaguta ganú garingi munsi wabhyo. Kweki riraanguha okumanya ameetegeerero na kinú omutima gwa omuntu gureenda.

Yakobho 1:18

Kya ego omwene yeenda, yaatukora tubhe abhaana bhaaye, kwa enjira ya amangʼana gaaye ga obhuheene, naho tubhe abha mbere kubhyonsego bhinú yaabhumba.

1 Petero 1:25

nawe, eringʼana rya Omukuru Waryubha riraguma koko.” Eringʼana riyo ndyo Amangʼana Amajomu ganú mwaraarikirwa.

1 Petero 1:3

Tumugungye Waryubha, Taata wa Omukuru weetu Yeesu Kiristu. Okuringʼaana na ekyabhira kyaye ekyaru, yaatwibhura orwa kabhiri kwa okumuhyukya Yeesu Kiristu, okurwa mubhaku. Kwa ego, tunyooreri obhwisige bhwa obhuheene ega, turabha abhahoru koko.

1 Yoana 3:9

Kira omuntu unú abheeri omwana wa Waryubha, atakugendererya okukora obhusarya, kwa okubha yaana enteemo ya Waryubha. Atakutura okugendererya okukora obhusarya, kwa okubha m-mwana wa Waryubha.

1 Yoana 5:18

Tumanyiri ega, kira omuntu unú abheeri omwana wa Waryubha, atakugendererya okukora obhusarya, kwa okubha Yeesu Kiristu Omwana wa Waryubha aramwangararira, na omusarya urya Erisambwa, atakunagya okumukora kyokyonse.