1 Petero 1:22 - Eriragano Erihya

²² Kwa okubha mureekara okuringʼaana na ameehigiryo ga obhuheene eguru ya Yeesu, emitima gyenyu girabhiibhwe. Bhoono mukore ekituunyo okuhanja abharikyenyu mutabha na orwambe. Mbe, muhanjane kwa emitima gyenyu gyonsego.

1 Petero 1:22 ပူးပေါင်းရင်းမြစ်များ

Yoana 15:17

Mbe, ndabharagirirya bheenyu ega, muhanjane.”

Yoana 15:3

Bheenyu mwamariri okubha abhajomu, kwa okubha mweekirirya ameehigiryo gaani.

Yoana 17:17

Taata, ndakusabha obhakore okubha abhantu bhaaho kimwi, kubhuheene bhwaho, kwa okubha eringʼana ryaho ndyo obhuheene.

Yoana 17:19

Niruusirye oni omwene kuuwe, kurusumo rwabho, naho bheeruusye kubhuheene bhwaho.

Amakorwa ga Abhatumwa 15:9

Waryubha ataatuura-ho ekisorooro gati yeetu na bheeki, kwa okubha bhonse yaabharaama emitima gyabho, kwa enjira ya okumwikirirya Yeesu.

Amakorwa ga Abhatumwa 6:7

Abheekirirya bhaagendererya okubharaarikira abhantu abhaaru eringʼana rya Waryubha, na erisaabhu ryabho ryagendererya okwaruha bhukongʼu, mumugi gwa Yerusaremu. Kora abhasyengeri abhaaru bhaamwigwa Waryubha kwa okumwikirirya Omukuru Yeesu.

Abharuumi 1:5

N-kuhitira kumwene, Waryubha yaangʼaana eriruguto rya okubha omutumwa waaye, naho abhantu bhonsego bhanú bhataringi Abhayahudi, bhature okumwikirirya na okumwigwa Omukuru Yeesu, na eriina ryaye rigungibhwe.

Abharuumi 2:8

Nawe, aribhajimira na okubhajibhya abha omungʼaho, bhanú bharaanga obhuheene, na bharakora amabhiibhi.

Abharuumi 8:13

Nyoore mureekare kwa okoorokereribhwa na obhusimuka bhwenyu bhwa obhusarya, murikwa. Nawe, mukaanga kimwi kwa eginguru gya Omutima Omurabhu, okukora amangʼana ganú obhusimuka bhwenyu bhwa obhusarya bhureenda mukore, muriikara koko.

2 Abhakorinto 6:6

Kweki turoorokya ega, bheetu m-bakori bha emirimu bha Waryubha kwa omutima omujomu, kwa obhumanyi, kwa obhwigumirirya, kwa obhuserenʼya, kwa enjira ya okoorokereribhwa na Omutima Omurabhu, kwa obhuhanje bhunú bhutaana orwambe,

Abhagaratia 3:1

Bheenyu Abhagaratiya, abhakangi! Niwi yaabharoga? Amangʼana eguru ya okubhambwa kumusarabha kwa Yeesu Kiristu, gaatuurwa kubhurabhu embere ya ameeso geenyu.

Abhagaratia 5:5

Nawe, Omutima Omurabhu aratubheera bheetu okwisiga ega, Waryubha aritubhara okubha abhantu abhaheene, kwa okubha turamwikirirya Yeesu.

Abhagaratia 5:7

Kubhwambiro, mwaringa murakora bhujomu! Bhoono, niwi yaabhangʼeenererye mutagwata ameehigiryo ga obhuheene?

Abhaefeso 4:3

Mukore ekituunyo okwangararira obhumwi bhunú twagwatanibhwa na Omutima Omurabhu, kwa okwikara kwa omurembe.

Abhafiripi 1:9

Amasabho gaani ku Waryubha niiga, obhuhanje bhwenyu bhugendererye okwaruha bhukongʼu, mubhe na obhumanyi na obhungʼeeni bhonsego,

1 Abhatesaronike 3:12

Omukuru abhoongerye obhuhanje, naho muhanjane bhukongʼu na muhanje abhantu bhonsego, kya ego bheetu tubhahanjiri bheenyu.

2 Abhatesaronike 1:3

Abhahiiri bheetu kuimani, tureenderwa okumukumya Waryubha eribhaga ryonsego kurusumo rwenyu, kwa okubha eimani yeenyu eragendererya okwaruha bhukongʼu, na obhuhanje bhwa kira omuntu kumurikyaye bhuragendererya okwaruha.

2 Abhatesaronike 2:13

Nawe bheetu, tureenderwa okumukumya Waryubha eribhaga ryonsego kurusumo rwenyu, bheenyu abhahiiri bheetu kuimani bhanú mwahanjwa na Omukuru Yeesu. Tureenderwa okukora ego, kwa okubha Waryubha yaabhasora okurwa kubhwambiro bhwa obhubhumbi, naho mutuuribhwe. Mutuuriibhwe kwa okuraamwa na Omutima Omurabhu na kwa enjira ya okwikirirya obhuheene.

1 Timoteo 1:3

Eribhaga rinú neemuka okugya mukyaro kya Makedonia, naakukomererya wikare mumugi gwa Efeso. Naakukomererya ego, naho okaanʼye abhantu bhanú bhareehigirya ameehigiryo ga obhubheehi.

1 Timoteo 1:5

Ensonga ya amaragiriryo ganu, niiga, abheekirirya bhahanjane kwa omutima omujomu, ameetegeerero amajomu na eimani ya obhuheene.

1 Timoteo 4:12

Omuntu wowonse atakujeera kwa okubha okyari omumura, nawe, wikare bhwaheene okuhikira abheekirirya bhabhenga bharakuruusirya ekirengyo kubhugambi bhwaho, ebhikorwa bhyaho, obhuhanje bhwaho, eimani yaaho na obhwigwa bhwaho.

1 Timoteo 5:2

abhakungu kya ngʼina weenyu, kora abhahara obhakorere kwa omutima omujomu kya abhahara bheenyu.

2 Timoteo 1:14

Amangʼana Amajomu ganú waahaanwa, ogaangararire kwa eginguru gya Omutima Omurabhu, unú aringi munsi weetu.

Abhaebhurania 11:8

Eimani yaakora Abhurahamu akamwigwa Waryubha, hanú yaamukeerya ega, yeemuke mukyaro kyaye, agye mukyaro kinú amuragiri okumuhaana. Abhurahamu akeemuka mukyaro kyaye, onyoora ataaringa amanyiri enú yaaringa aragya.

Abhaebhurania 13:1

Mugendererye okuhanjana bheenyu abheene kwa abheene, kya ego ereenderwa kubheekirirya.

Abhaebhurania 5:9

Mbe, okurekana na gayo, Waryubha akamukora Yeesu yeenderwe okubha obhusimuka bhwa obhutuurya bhwa koko, kubhantu bhonsego bhanú bharamwigwa.

Abhaebhurania 6:10

Waryubha ngʼ-wa heene, atakutura okurabhirwa amakorwa amajomu ganú mwakora. Kweki atakutura okurabhirwa obhuhanje bhunú moorokya kurusumo rwaye, kwa okubhabheera abheekirirya abharikyenyu okurwa kubhwambiro nawanyareero.

Abhaebhurania 9:14

Nawe, amanyinga ga Kiristu gaana eginguru bhukongʼu okukira amanyinga ga egintugo giyo! Kwa enjira ya Omutima wa koko, weeki yeeruusya ku Waryubha okubha ekimwenso kinú kikuunaniri. Amanyinga gaaye ngo gararaama ameetegeerero geetu eguru ya amakorwa ganú garareeta oruku, naho tumukorere emirimu Waryubha omuhoru.

Yakobho 1:21

Kwa ego, mutigane na amangʼana gonsego ga okubhakonʼya na obhubhiibhi bhonsego. Mugwate kwa okwisuuhya eringʼana rinú Waryubha yaatuura mumitima gyenyu, kwa okubha riyo ndyo riratura okubhatuurya.

Yakobho 4:8

Mumusuntarire Waryubha, nho wonse, araabhasuntarire bheenyu. Bheenyu abha obhusarya, abha ameetegeerero amanga gabhiri, mutige obhusarya bhwenyu, na ameetegeerero geenyu amabhiibhi, mukore amajomu.

1 Petero 1:2

Akare hayo, Taata Waryubha yaabhamanya na okubhasora kwa Omutima waaye, yaabhakora mubhe abharabhu bha omutima, naho mumwigwe Yeesu Kiristu na okuraamwa na amanyinga gaaye. Ndabhasabhira ku Waryubha abhoongerye eriruguto na omurembe.

1 Petero 2:17

Musuuke abhantu bhonsego, na muhanje abheekirirya abharikyenyu. Mumwigwe Waryubha, na musuuke omukama weenyu.

1 Petero 3:1

Egoego, bheenyu abhakari, musuukenga abhasaaja bheenyu, naho nyoore bhariho abhasaaja bhobhonse bhanú bhatakwikirirya amangʼana ga Waryubha, bhature okwikirirya okuhitira kuginteemo gyenyu eginjomu. Ego, bharitura okumwikirirya Waryubha bira okukeeribhwa eringʼana.

1 Petero 3:20

Emitima giyo, n-gya bhanú bhataamwigwanga Waryubha akare hayo, eribhaga Nuhu yaaringa arakora eryato erinene. Waryubha yeegumirirya obhusarya bhwabho, okuhikira hanú eryato ryahwa, nawe kubhuteero, abhantu munaane abheenego, mbo bhaahona okurwa mumanji.

1 Petero 3:8

Kubhuteero ndabhakeerya bhonsego ega, mugwatane, mubhe na ameetegeerero gamwi, muhanjane kihiiri, mwabhirane, na mubhe abheesuuhya.

1 Petero 4:17

Mumanye ega, eribhaga rya okubhutura ekiina rihikiri, na Waryubha aryamba okubhutura ekiina kubhantu bhaaye. Bhoono nyoore okubhutura ekiina kuryambira kubheetu abhantu bhaaye, bhoono eribha egaki kubhanú bhatakwikirirya Amangʼana Amajomu ga Waryubha?

1 Petero 4:8

Okutiga gayo gonsego, muhanjane bhukongʼu, kwa okubha obhuhanje bhurabhisa obhusarya obhwaru.

2 Petero 1:7

Hamwi na okumwigwa Waryubha, muhanjanenga bheenyu abheene kwa abheene, na hanú murahanjana abheene kwa abheene, muhanjenga na abhantu abhandi bhonsego.

1 Yoana 3:11

Rinu ndyo eringʼana rinú mweegwa okurwa hanú mwaamba okumwikirirya Kiristu, ega, tureenderwa okuhanjana bheetu abheene kwa abheene.

1 Yoana 3:23

Rinu ndyo eriragiriryo ryaye ega, twikiriirye eriina rya Omwana waaye, Yeesu Kiristu, na okuhanjana bheetu abheene kwa abheene, kya ego yaaturagirirya.

1 Yoana 4:12

Atariho omuntu wowonse unú yaakamuruuji Waryubha kora rumwi. Nawe, turaahanjane, Waryubha areekara obhumwi na bheetu, na obhuhanje bhwaye bhurakunaana munsi weetu.

1 Yoana 4:20

Nyoore omuntu aragamba ega, aramuhanja Waryubha, enu aramujimira omurikyaye, uyo m-mubheehi. M-mubheehi, kwa okubha nyoore atakuhanja omurikyaye unú aramurora, atakutura okumuhanja Waryubha unú ataakamuruuji.

1 Yoana 4:7

Abhahanje bhaani, tuhanjane, kwa okubha obhuhanje bhurarwa ku Waryubha. Na kira omuntu unú arahanja abharikyaye, uyo m-mwana wa Waryubha, na weeki amumanyiri Waryubha.

Obhukundukuri 2:4

“Nawe, niina eringʼana erimwi rinú rirannyankya, mwatigiri obhuhanje bhwenyu obhwa mbere.