1 Petero 1:20 - Eriragano Erihya

²⁰ Okurwa ekyaro kitarabhumbwa, Waryubha yaaringa amumanyiri kwa ensonga iyo. Nawe, akaganya okuhikira kwibhaga rya obhuteero, nho akamureeta na okumutubhura kubhantu bhonsego mukyaro. Gayo yaagakora kurusumo rwenyu.

1 Petero 1:20 ပူးပေါင်းရင်းမြစ်များ

Mataayo 25:34

“Nho, Omukama aribhakeerya abhantu bhanú bharingi orubhaara rwaye rwa obhuryo ega, ‘Muuje, bheenyu bhanú mwanonkwa na Taata. Mugabhe obhukama bhunú Waryubha yaabhaseemerya okwambira hanú yaabhumba ekyaro,

Amakorwa ga Abhatumwa 2:23

Yeesu unu yaatuurwa mumabhoko geenyu, kya ego Waryubha omwene yaaringa yaamwiri okurwa kubhwambiro. Na bheenyu mukamwitira kumusarabha, kwa enjira ya abhantu abhasarya.

Abharuumi 3:25

Waryubha yaamukora Yeesu abhe ekimwenso kya okwigwanʼya abhantu na Waryubha, naho abhantu bhaabhirwe obhusarya bhwabho, kwa okwikirirya ega, Yeesu yaakwa kurusumo rwabho. Waryubha yaakora ego, naho yoorokye ega, ngʼ-wa obhuheene, kwa okubha yeegumirirya, ataabhajibhya kwa amabhiibhi ganú bhaakora enyuma eyo.

Abharuumi 8:29

Waryubha yaamanya abhantu bhaaye, okurwa ekyaro kitarabhumbwa. Bhayo mbo yaabhasora bhabhe kya ego Omwana waaye, Yeesu Kiristu aringi. Yaakora ego, naho Omwana waaye abhe omutangi gati ya abhahiiri abhaaru.

Abhagaratia 4:4

Nawe, eribhaga rinú ryaringa riseemiibhwe hanú ryahika, Waryubha akamutuma Omwana waaye mukyaro munu. Omwana uyo, yeebhurwa na omukari kya ego na bheetu tweebhurwa, akabha insi wa amaragiriryo.

Abhaefeso 1:10

Ensonga ya Waryubha niiga, hanú eribhaga ryaye rinú yaaseemya ririhika, arikumanʼya hamwi ebhibhumbwa bhyonsego, ebhya murwire na ebhya mukyaro, na okubhikora bhibhe insi ya obhutungi bhwa Kiristu.

Abhaefeso 1:4

Eribhaga Waryubha yaaringa atarabhumba ekyaro, yaatusora tubhe bhaaye kwa enjira ya okugwatana kwetu na Kiristu. Yaakora ego, naho tubhe abhantu abharabhu bha omutima bhanú bhataana amasoro embere yaaye. Na kwa okubha atuhanjiri,

Abhaefeso 3:11

Yaakora ego, okurekana na ensonga yaaye ya koko, inú yaahikya kwa enjira ya Kiristu Yeesu, Omukuru weetu.

Abhaefeso 3:9

Waryubha, Omubhumbi wa ebhintu bhyonsego, yaangʼaana emirimu gya okutondera abhantu bhonsego, bhamanye bhujomu kya ego arahikya ekinyerera kyaye kinú kyaringa kiibhisiri eribhaga ryonsego.

Abhakorosai 1:26

Eringʼana riyo, ndyo ekinyerera kyaye kinú kyaringa kiibhisiri okurwa akare kunyibhuro gyonsego. Nawe bhoono, Waryubha akitubhwiri kubhantu bhaaye.

1 Timoteo 3:16

Obhuheene bhunú Waryubha yaatutubhurira m-bwa okuruguurya, bhunú tureekirirya m-bunu ega, Kiristu yeeyorokya kwa enjira ya omubhiri, akoorokibhwa na Omutima Omurabhu ega, m-muheene, bhamaraika bhakamurora, amangʼana eguru yaaye, gakaraarikwa kubhantu bha ebhyaro bhyonsego, akeekiriribhwa na abhantu bha ebhyaro bhyonsego, na akasakwa okugya eguru mubhukuru.

Abhaebhurania 1:2

Nawe, kuginsiku gya obhuteero ginu, Waryubha ahairi na bheetu okuhitira ku Mwana waaye. Yaamusora Omwana uyo, agabhe ebhintu bhyonsego, kweki okuhitira kuweeki, Waryubha yaabhumba ekyaro.

Abhaebhurania 2:14

Mbe, kwa okubha abhaana bhayo bhaana emibhiri na amanyinga, Yeesu wonse yaaja na omubhiri kya bheetu. Yaakora ego, naho okuhitira okukwa kwaye, ahige eginguru gya Erisambwa rinú riina obhuturo bhwa okukora abhantu bhabhenga bharakwa.

Abhaebhurania 9:26

Nyoore etakaabheeri ego, mbe akaabheeri areenderwa okunyanka mara kaaru okwambira hanú Waryubha yaabhumba ekyaro. Nawe bhoono, kuginsiku gya obhuteero, yaajiri na okwiruusya okubha ekimwenso rumwigo, naho aturuusirye-ho obhusarya bhwetu.

1 Petero 1:2

Akare hayo, Taata Waryubha yaabhamanya na okubhasora kwa Omutima waaye, yaabhakora mubhe abharabhu bha omutima, naho mumwigwe Yeesu Kiristu na okuraamwa na amanyinga gaaye. Ndabhasabhira ku Waryubha abhoongerye eriruguto na omurembe.

1 Yoana 1:2

Obhuhoru bhuyo, bhwamaahikana, na bheetu tukabhurora. Bhoono turabhwimiririra na okubharaarikira bheenyu, eguru ya obhuhoru bhwa koko bhuyo. Bhweki bhwaringa ku Taata Waryubha, bhukamaahikana kubheetu.

1 Yoana 3:5

Mumanyiri ega, Kiristu yaaja mukyaro, naho aruusye-ho obhusarya bhwetu. Kweki weeki ataana obhusarya bhobhonse.

1 Yoana 3:8

Nawe, wowonse unú araagendereryenga okukora obhusarya, m-muntu wa Erisambwa, kwa okubha Erisambwa okurwa kubhwambiro rikyagendereryanga okukora obhusarya. Nawe, Omwana wa Waryubha yaaja mukyaro, naho anyamure emirimu gya Erisambwa.

Obhukundukuri 13:8

Abhantu bhonsego bhanú bhamenyeri mukyaro, bharisyengera ogutyenyi guyo. M-bantu bhonsego bhanú amariina gaabho gataangʼoorwa mukitabho kya obhuhoru bhwa koko eribhaga rinú ekyaro kyabhumbwa. Ekitabho kiyo n-kya Omwana wa Eringʼondi unú yaagoogwa.