1 Petero 1:17 - Eriragano Erihya

¹⁷ Hanú muratogora Waryubha mumasabho geenyu, muramubhirikira Taata. Weeki atakungʼahirya omuntu wowonse. Aribhuturira ekiina kira omuntu okuringʼaana na kinú okoreri. Kwa ego, mwikare kwa okumwigwa weeki, kwibhaga ryenyu rinú ritamiri mukyaro hanu.

1 Petero 1:17 ပူးပေါင်းရင်းမြစ်များ

Mataayo 16:27

Ndagamba ego, kwa okubha Omwana wa Adamu ariija hamwi na bhamaraika bhaaye mubhukuru bhwa Taata. Hayo nho, arimuriha kira omuntu okurekana na ebhikorwa bhyaye.

Mataayo 22:16

Kimwi, bhakatuma ku Yeesu abheehigira bhaabho, na abhantu abhandi bhanú bhaaringa abhabheeri bha omukama Herode Antipa. Bhayo bhakamwinogorya ega, “Ee Omwihigirya, tumanyiri ega, uuwe m-muntu wa heene na ega, oreehigirya obhuheene eguru ya amangʼana ga Waryubha. Tumanyiri ega, uuwe otakoobhoha omuntu wowonse, kora akaabha omutungi wa eguru.

Mataayo 6:9

Mbe, bhoono mureenderwa mumusabhe Waryubha ega, Taata weetu owa murwire, eriina ryaho rigungibhwe, obhukama bhwaho bhuuje,

Abharuumi 11:20

Riyo m-maheene. Amasagi gayo gaageejwa kwa okubha gateekirirya, na uuwe oringi kya ego oringi kwa okubha oreekirirya. Kwa ego, wiyangararire, oteeheema, nawe omoobhohe Waryubha.

2 Abhakorinto 1:2

Turabheendera eriruguto na omurembe okurwa ku Taata Waryubha, na ku Mukuru Yeesu Kiristu bhibhe hamwi na bheenyu.

2 Abhakorinto 5:6

Kwa ego, eribhaga ryonsego tuuna obhwisige, onyoora tumanyiri ega, hanú tuuna emibhiri ginu, turingi ahare na Omukuru.

2 Abhakorinto 7:1

Bhoono, abhahanje bhaani, kwa okubha Waryubha yaaraga gayo gonsego, kwa ego mbe twiraame, tutigane na obhukonu bhonsego, bhwa emibhiri na emitima gyetu. Tubhe abha emitima emirabhu kumangʼana gonsego, kwa enjira ya okumusuuka Waryubha.

2 Abhakorinto 7:11

Maaha! Obhusurumbaru bhunú bhurarekana na kya ego Waryubha areenda, bhubhareeteeri obhwera obhunene. Obhusurumbaru bhuyo, bhubhakoreri okubha na enamba enene ya okukora ganú gareenderwa, bhubhakoreri okwibhagirira ega, ganú murakora n-ga maheene. Kweki bhubhakoreri okubhihirirwa obhusarya, okumusuuka Waryubha, okubha na enamba ya okummaaha, na okumaaha ega, unú asarirye, anyooreri amariho gaaye. Kugayo gonsego, muroorokya ega, mutaana amasoro kumangʼana ganu.

Abhagaratia 2:6

Nawe, abhatungi bha erikanisa bharya, bhataaringa na eringʼana ryoryonse erihya rya okunkeerya. M-maheene bhaasuukwanga bhukongʼu, nawe, kuoni riyo ritaana ensonga yoyonse, kwa okubha Waryubha atakumaaha obhutungi bhwa omuntu.

Abhaefeso 1:17

Ndamusabha Waryubha wa Omukuru weetu Yeesu Kiristu, Taata wa obhukuru, abhahaane omutima gwa egintungwa na okubhatubhurira, naho muture okumumanya weeki bhukongʼu.

Abhaefeso 3:14

Mbe, kwa ekisigo kya amangʼana gayo gonsego, ndatemera Taata ebhiru.

Abhaefeso 6:9

Na bheenyu abhakuru, mukorerenga abhagaya bheenyu bhonse, amajomu. Mutabhakanga, mumanye ega, Omukuru waabho na oweenyu ngʼ-umwi, aringi murwire, kora weeki atakungʼahirya omuntu.

Abhafiripi 2:12

Mbe, abhahanje bhaani, eribhaga naaringa kubheenyu, mwaringa muramwigwa Waryubha eginsiku gyonsego. Egoego, kora bhoono eribhaga ndingi ahare na bheenyu, mutatiga okukora ganú gareenderwa kubhantu bhanú bhaatuuribhwa na Waryubha. Mukore gayo kwa okurigita kunú kurarekana na okumoobhoha Waryubha.

Abhakorosai 3:25

Nawe, wowonse unú arakora amabhiibhi, aririhwa okurekana na amabhiibhi gaaye, kwa okubha Waryubha ataana omungʼaho.

Abhaebhurania 12:28

Kwa ego, tubhenga turamukumya Waryubha, kwa okubha tunyooreri obhukama bhunú bhutakusingisa. Tubhenga turamusyengera Waryubha, kwa enjira inú eramungʼarira kwa obhusuuku na kwa obhwisuuhya,

Abhaebhurania 4:1

Mbe, endago ya Waryubha eya okusoha ahasi haaye ha okumuunya ekyari-ho. Kwa ego tubhenga turoobhoha, naho oumwi gati yeenyu atariija okutamwa okusoha ahasi hayo.

1 Petero 2:11

Abhahanje bhaani, bheenyu muringi abhageni na m-bahiti bha enjira mukyaro hanu. Kwa ego ndabhakomererya ega, muteekirirya orunamba rwa emibhiri gyenyu, runú rurasongana na bheenyu, rubhahige.

1 Petero 3:15

Mubhenga mwiseemerye eribhaga ryonsego okukyukya wowonse unú aribhabhuurya kinú mureesiga, nawe mukorenga ego, kwa obhunyoohu na kwa obhusuuku.