1 Petero 1:13 - Eriragano Erihya

¹³ Kwa ego, mwiseemye na mwiyangararire. Mutuure obhwisige bhonsego kwiruguto rinú murihaanwa, hanú Yeesu Kiristu ariija na okwiyorokya kubhurabhu.

1 Petero 1:13 ပူးပေါင်းရင်းမြစ်များ

Mataayo 20:4

Akabhakeerya ega, ‘Na bheenyu mugende mukore emirimu mumugunda gwani gwa emijabhibhu. Nakaabharihe kya ego ereenderwa.’

Ruuka 12:35

“Mubhe mwiseemerye okunkorera emirimu, na egikorobhoi gyenyu, gibhe girooka.

Ruuka 17:30

“Ego niigo eribha, orusiku runú Omwana wa Adamu arihunjuka mukyaro hanu, Waryubha arimukundukura.

Ruuka 17:8

Tiigo-ha. Oraamukeerye ega, ‘Nseemerya ebhyakurya, wiseemye okunkorera emirimu, hanú nakabhe ndarya na okunywa. Hanú nakamare, nho uuwe wonse wakarye na okunywa.’

Abharuumi 13:13

Tubhe na eginteemo eginjomu kya abhantu bhanú bhareekara mundingaasi ya orusiku oruhya. Tutabha abhantu bhanú bharakora eginyangi gya okunywa amarwa na abhareebhi. Tutakora eginteemo gyogyonse gya obhusimbe, kora amangʼana ga eginsoni. Tutabha abhatindi kora abha orwango.

Abharuumi 8:19

Ebhibhumbwa bhyonsego bhinú bhyabhumbwa, bhiraganyirira kwa enamba enene eribhaga rinú Waryubha aryorokya, kya ego bharingi abhaana bhaaye.

1 Abhakorinto 1:7

Bhoono, mutakusuuhirwa kora ekibharo ekimwi kya Omutima Omurabhu, enu muraganyirira kwa enamba okuhunjuka kwa Omukuru weetu Yeesu Kiristu.

1 Abhakorinto 13:13

Mbe bhoono, ebhintu ebhisatu bhinu bhitarihwa, eimani, obhwisige na obhuhanje. Na kubhiyo, eringʼana erikuru okukira gonsego m-buhanje.

Abhaefeso 6:14

Mbe mwiseemye, obhuheene bhubhe kya omuchipi mubhukende, na amakorwa geenyu ga heene gabhe kya engubha ya okuribha kukikubha,

Abhakorosai 3:4

Obhuhoru bhwetu bhurarekana na Kiristu. Eribhaga rinú arimaahikana, nho na bheenyu murisanga hamwi nawe mubhukuru bhwaye.

2 Abhatesaronike 1:7

na aribhamuunyia enyanko bheenyu hamwi na bheetu. Arikora gayo eribhaga rinú Omukuru Yeesu ariija, okurwa murwire na egindimi gya omururo, hamwi na bhamaraika bhaaye bha eginguru.

2 Timoteo 4:5

Nawe uuwe, obhenga oreeswa kumangʼana gonsego, wikongʼererye enyanko, okore emirimu gya okuraarika Amangʼana Amajomu, na okore bhujomu emirimu gya Waryubha gyonsego.

2 Timoteo 4:8

Bhoono, ndaganyirira okuhaanwa eritaaji, kwa okubha neekara kwa obhuheene embere ya Waryubha. Omukuru Yeesu Omubhuturi wa ekiina owa obhuheene, arintuha orusiku runú ariija. Ntaringi oni omwenego, na abhandi bhonsego bhanú bhareegomba, okuhunjuka kwaye.

Abhaebhurania 10:35

Kwa ego, mugendererye okubha na obhuteremu bhuyo, kwa okubha kwa enjira iyo murinyoora omutuho omunene bhukongʼu okurwa ku Waryubha.

Abhaebhurania 3:6

Nawe Kiristu, weeki m-Mwana omuheene unú areemiririra abhantu bha enyumba ya Waryubha. Na bheetu mbo abhantu bhayo, nyoore turagendererya okuhikira obhuteero okubha abhahaari na okwirora kuganú tureesigira.

Abhaebhurania 6:19

Tuuna obhwisige bhuyo mumitima gyetu, na bhweki n-kya enanga, inú eragwatirira eryato ritagegwa na omuyaga. Obhwisige bhuyo n-Yeesu unú aringi Aharabhu ha Aharabhu murwire, okuhitira mushuuka enene.

Abhaebhurania 9:28

Egoego Kiristu yaaruusibhwa okubha ekimwenso rumwigo, naho agege obhusarya bhwa abhantu abhaaru. Kweki Kiristu ariija orwa kabhiri, kwibhaga riyo atariija okuruusya-ho obhusarya. Nawe, ariija okubhahaana obhutuurya abhantu bhanú bharamuganyirira kwa ekituunyo.

1 Petero 1:10

Abharooti bha eriragano rya akare, bhaakora ekituunyo okumanya obhutuurya bhuyo, bhaarootanga eguru ya eriruguto rya Waryubha rinú ribhahikiiri bheenyu.

1 Petero 3:15

Mubhenga mwiseemerye eribhaga ryonsego okukyukya wowonse unú aribhabhuurya kinú mureesiga, nawe mukorenga ego, kwa obhunyoohu na kwa obhusuuku.

1 Petero 4:7

Obhuteero bhwa amangʼana gonsego, bhuringi haangʼi. Kwa ego, mubhenga mureeribhira na okwiyangararira kugonsego, naho muture okutengeeja murasabha.

1 Petero 5:12

Mbangʼooreeri enyarubha enyengʼi inu, kwa obhubheeri bhwa Siriwano. Oni mmumanyiri bhujomu, ega, omuhiiri weetu kuimani uyo, m-muheene. Ensonga yaani, n-kubhateremya na okubhoorokya ega, amangʼana ganu maheene, ni-riruguto rya Waryubha. Okurekana na eriruguto riyo, munage.

1 Petero 5:8

Mutengeejenga, na mubhe ameeso eribhaga ryonsego, kwa okubha omusigu weenyu Erisambwa, rireenaaranaara kya endwi inú eratuna omuntu emurye.

1 Yoana 3:3

Kira omuntu unú areesiga ego, yeeraame, naho abhe omurabhu wa omutima, kya ego Kiristu omwene aringi.