1 Petero 1:12 - Eriragano Erihya

¹² Waryubha yaakeerya abharooti bharya ega, amangʼana ganú bhaaringa bhararoota, gataabhatunʼyanga bheeki abheene, nawe bheenyu. Garya bhaagambanga, ngo mwaraarikirwa na bhanú bhaabhareetera Amangʼana Amajomu eguru ya Yeesu Kiristu. Na bhaabhakeerya amangʼana amajomu gayo, kwa obhuturo bhwa Omutima Omurabhu unú yaaringa atumirwe okurwa murwire. Amangʼana gayo, kora bhamaraika bhareegomba bhukongʼu okumanya.

1 Petero 1:12 ပူးပေါင်းရင်းမြစ်များ

Mataayo 11:25

Eribhaga riyo, Yeesu akagamba ega, “Ee Taata, Omukuru wa orwire na ekyaro, ndakukumya kwa okubha amangʼana ganú obhabhisiri abhangʼeeni na abhasomi, obhatubhuriiri abhantu bhanú bhaana eimani kya abhaana abhake.

Mataayo 11:27

Kimwi Yeesu akagendererya okubhakeerya abhantu ega, “Taata amariri okungʼaana amangʼana gonsego. Atariho omuntu wowonse unú amumanyiri Omwana, nawe, Taata omwenego. Na atariho omuntu wowonse unú amumanyiri Taata, nawe, Omwana omwenego, na omuntu wowonse unú Omwana areende okumutubhurira.

Mataayo 16:17

Yeesu akamukeerya Petero ega, “Waanonkwa uuwe Simoni omwana wa Yoona, kwa okubha atariho omuntu unú yaakutubhurira obhuheene bhuyo, nawe, n-Taata owa murwire.

Mariko 16:15

Nho, akabhakeerya ega, “Mugende mubhyaro bhyonsego, muraarike Amangʼana Amajomu eguru yaani, kubhantu bhonsego.

Ruuka 15:10

“Ndabhakeerya ega, egoego niigo Waryubha arajomerwa embere ya bhamaraika, hanú omusarya umwi araamwihunjurire okurwa mubhusarya bhwaye.”

Ruuka 2:26

Omutima Omurabhu yaaringa amukeererye ega, atarikwa akyari okurora Kiristu Omutuurya okurwa ku Mukuru Waryubha.

Ruuka 9:6

Mbe, bhakagya, bhakeenaara mubhijiji, bhararaarikira abhantu Amangʼana Amajomu ga Waryubha, na okuhwenʼya abharweri bha kira ahasi.

Yoana 15:26

“Ndamutuma kubheenyu Omubheeri, unú m-Mutima Omurabhu, wa okubhatubhurira abhantu bhonsego obhuheene. Ararwa ku Taata, na hanú arihika kubheenyu, aribhatubhurira obhuheene eguru yaani.

Amakorwa ga Abhatumwa 10:44

Petero hanú yaaringa akyahaira amangʼana gayo, Omutima Omurabhu akabheetuumira bhonsego bhanú bhaamwitegeereranga.

Amakorwa ga Abhatumwa 16:10

Mbe, Pauro hanú yaamara okurora obhurori bhuyo, rumwigo, tukeeseemya okugya Makedonia eyo, kwa okubha twarora ega, heene Waryubha atubhirikiiri turaarike Amangʼana Amajomu kubhantu bha eyo.

Amakorwa ga Abhatumwa 2:33

Waryubha yaamwinura na okumuhaana obhukuru, bhoono yeekeeri orubhaara rwa obhuryo rwa Waryubha Esewaabho. Waryubha, yaamuhumirira Omutima Omurabhu waaye, kurusumo rwetu, kya ego yaaringa amuragiri. Ego, Yeesu wonse yaatuhumirira Omutima waaye Omurabhu uyo, kya ego murarora na okwigwa bhoonwego.

Amakorwa ga Abhatumwa 4:31

Hanú bhaamara okumusabha Waryubha, ahasi hayo bhaaringa bheekumeenʼye, hakasingisibhwa. Bhonsego bhakeejuribhwa Omutima Omurabhu, bhakagendererya okwihigirya abhantu eringʼana rya Waryubha kwa obhuteremu.

Amakorwa ga Abhatumwa 4:8

Hayo, Petero enu yeejwiri Omutima Omurabhu, akabhakeerya ega, “Bheenyu abhakuru bha abhantu, na abhakaruka bha ekyaro kya Isiraeri!

Amakorwa ga Abhatumwa 8:25

Petero na Yoana hanú bhaamara okuruusya obhwimiririri eguru ya Omukuru Yeesu, na okwihigirya abhantu bha omugi guyo amangʼana gaaye, bhakaamba orugendo rwa okuhunjuka mumugi gwa Yerusaremu. Eribhaga bhaaringa bharahunjuka, bhaahitiranga mubhijiji ebhyaru bhya Abhasamaria bhararaarikira abhantu Amangʼana Amajomu gayo.

Abharuumi 1:15

Kwa ego, ndeegomba bhukongʼu, niije okubharaarikira Amangʼana Amajomu kora kubheenyu Ruumi eyo.

Abharuumi 1:17

Amangʼana Amajomu gayo, garoorokya kubhurabhu kya ego Waryubha arabhara abhantu okubha abhaheene embere yaaye. Abhantu bharabharwa okubha abhaheene embere ya Waryubha, okurekana na eimani eyenego. N-kya ego Amangʼoore Amarabhu garagamba ega, “Omuheene aribhanga areekara kwa okunyikirirya.”

Abharuumi 10:15

Kweki abhantu bharatura egaki, okugya okuraarika amangʼana gayo, nyoore bhataakatumirwe? N-kya ego Amangʼoore Amarabhu garagamba ega, “Okuhika kwa omuntu unú arareeta Amangʼana Amajomu, kuribha kurajomera abhantu!”

Abharuumi 15:19

Bhaarutwa okumwigwa, kwa okubha okuhitira kuoni, bhaarora eginguru gya Kiristu kubhimanyiiriryo na ebhiruguuryo. Naatura okugakora kwa eginguru gya Omutima wa Waryubha. Kwa enjira iyo, neenaara kira ahasi ndaraarika Amangʼana Amajomu eguru ya Yeesu Kiristu, okwambira mumugi gwa Yerusaremu okuhikira mukyaro kya Iruriko.

1 Abhakorinto 2:10

Nawe bheetu, Waryubha yaatutubhurira gayo, okuhitira ku Mutima Omurabhu, kwa okubha Omutima Omurabhu areekomya gonsego, kora ensonga ya Waryubha inú ebhisirwe.

2 Abhakorinto 1:22

na okututema orubhaaso rwaye, kwa okutuhaana Omutima Omurabhu mumitima gyetu, naho abhe obhutungurya kugonsego ganú Waryubha arituhaana.

2 Abhakorinto 6:6

Kweki turoorokya ega, bheetu m-bakori bha emirimu bha Waryubha kwa omutima omujomu, kwa obhumanyi, kwa obhwigumirirya, kwa obhuserenʼya, kwa enjira ya okoorokereribhwa na Omutima Omurabhu, kwa obhuhanje bhunú bhutaana orwambe,

Abhagaratia 1:12

kwa okubha ntaahaanwa na omuntu kora nteehigiribhwa na omuntu wowonse. Nawe, Yeesu Kiristu omwene, ngʼo yaagantubhurira.

Abhagaratia 1:16

okuntubhurira kya ego Omwana waaye aringi. Yaakora ego, naho ndaarike Amangʼana Amajomu eguru ya Omwana waaye uyo, kubhantu bhanú bhataringi Abhayahudi. Oni ntaatuna omuntu owa okuntongera kinú ndaakore.

Abhaefeso 3:10

Yaakora ego, naho kwibhaga rinu, egintungwa gyaye gya amanga amaaru, gimanyikane kubhakuru na abhatungi bha murwire, kwa enjira ya erikanisa.

1 Abhatesaronike 2:9

Abhahiiri bheetu kuimani, murahiituka ekituunyo kyetu na okunyanka kwetu, kya ego twakoranga emirimu obhutiku na omubhasu. Twakoranga ego, naho eribhaga turaraarika Amangʼana Amajomu okurwa ku Waryubha tutaaja okunyankya omuntu wowonse kubheenyu.

1 Timoteo 3:16

Obhuheene bhunú Waryubha yaatutubhurira m-bwa okuruguurya, bhunú tureekirirya m-bunu ega, Kiristu yeeyorokya kwa enjira ya omubhiri, akoorokibhwa na Omutima Omurabhu ega, m-muheene, bhamaraika bhakamurora, amangʼana eguru yaaye, gakaraarikwa kubhantu bha ebhyaro bhyonsego, akeekiriribhwa na abhantu bha ebhyaro bhyonsego, na akasakwa okugya eguru mubhukuru.

Abhaebhurania 11:13

Abhantu bhayo bhonsego, bhaakwa bhaana eimani. Bhaakwa bhataanyoora ganú Waryubha yaaringa abharagiri okubhahaana. Nawe, bhaaringa bharagarora kwa ahare, bhakajomerwa. Bhaaringa bhareekirirya ega, m-bageni na abhahiti mukyaro kinu.

Abhaebhurania 2:4

Waryubha wonse yaaringa arakomererya obhutuurya bhuyo, kwa okukora ebhimanyiiriryo, ebhiruguuryo na ebhika amanga amaaru. Akabhahaana abhantu ebhibharo bhya Omutima Omurabhu kwa okuringʼaana na obhwendi bhwaye.

Abhaebhurania 4:2

Bheetu twaraarikirwa amangʼana amajomu eguru ya ahasi ha okumuunya, kya ego bhajaaji weetu bhonse bhaaraarikirwa. Nawe, bheeki amangʼana gayo gataabha na obhwera bhobhonse kubheene, kwa okubha bhaageegwa, nawe, bhataageekirirya.

1 Petero 1:25

nawe, eringʼana rya Omukuru Waryubha riraguma koko.” Eringʼana riyo ndyo Amangʼana Amajomu ganú mwaraarikirwa.

1 Petero 4:6

Kiyo nkyo ekisigo, abhantu bhanú bhaakwa, bhaaraarikirwa Amangʼana Amajomu, naho kora nyoore bhaajibhibhwa omubhiri kya abhandi, bhabhe abhahoru kwa obhuturo bhwa Omutima Omurabhu, kya ego Waryubha m-muhoru.

Obhukundukuri 5:11

Kimwi, nkarora na okwigwa eriisi rya bhamaraika abhaaru bhukongʼu, ebhiku na ebhiku, kora bhataaturikanga okubharwa. Bhamaraika bhayo, bhaaringa bheenaariri ekitumbi kya ekikama kirya, na ebhibhumbwa ebhina bhirya, na abhakaruka bharya,