1 Petero 1:10 - Eriragano Erihya

¹⁰ Abharooti bha eriragano rya akare, bhaakora ekituunyo okumanya obhutuurya bhuyo, bhaarootanga eguru ya eriruguto rya Waryubha rinú ribhahikiiri bheenyu.

1 Petero 1:10 ပူးပေါင်းရင်းမြစ်များ

Mataayo 13:17

Ndabhakeerya obhuheene ega, abharooti abhaaru na abha obhuheene bheegombanga okurora ganú bheenyu murarora, nawe, bhataagarora. Kweki bheegombanga okwigwa ganú bheenyu mureegwa, nawe, bhataageegwa.

Mataayo 26:24

Omwana wa Adamu, yaakeetwe kya ego engʼoorerwe mu Mangʼoore Amarabhu. Nawe, arikirora-ko omuntu unú yaakamuriire eniku. Nyakara omuntu uyo atakeebhwirwe!”

Ruuka 10:24

Ndabhakeerya ega, abharooti na abhakama abhaaru, bheegombanga okurora ganú murarora, nawe bhataagarora. Kweki, bheegombanga okwigwa ganú bheenyu mureegwa, nawe bhataageegwa.”

Ruuka 24:44

Hanú yaamara, akabhakeerya ega, “Ganu ngo naabhakeeryanga hanú naaringa hamwi na bheenyu. Naagamba ega, gonsego ganú gaangʼoorwa eguru yaani, gareenderwa gakoreke, ganú garingi mumaragiriryo ga Musa na mumangʼoore ga abharooti na mumangʼoore ga Egijabhuri.”

Yoana 5:39

“Murageekomya Amangʼoore Amarabhu, kwa okubha murakanya ega, muratura okunyoora muyo obhuhoru bhwa koko. Mbe bhoono, Amangʼoore gayo ngo garanyimiririra oni!

Yoana 7:52

Bheeki bhakamukyukya Nikodemasi ega, “Bhoono, na uuwe wonse orarwira Gariraaya? Genda wikomye bhujomu Amangʼoore Amarabhu, na oraamanye ega, atariho omurooti unú ararwira Gariraaya.”

Amakorwa ga Abhatumwa 10:43

Abharooti bhonsego bhaagamba eguru yaaye ega, omuntu wowonse unú arimwikirirya, aryabhirwa obhusarya bhwaye bhonsego, okuhitira kuweeki.”

Amakorwa ga Abhatumwa 17:11

Abhayahudi bha Bheroya hayo, bhaaringa abheegwa okukira abha mumugi gwa Tesaronike. Ego, hanú Pauro yaabharaarikira amangʼana ga Waryubha, bhakagagwata kwa ekituunyo bhukongʼu. Bhakabha bhaareekomya mu Mangʼoore Amarabhu ga Waryubha kira orusiku, naho bharore, nyoore gayo Pauro aragamba, n-ga maheene.

Amakorwa ga Abhatumwa 28:23

Ego, bhakeekiriranʼya na Pauro, orusiku runú bhariikumanʼya. Orusiku ruyo hanú rwahika, bhakaaja abhantu abhaaru, munyumba inú yeekaranga. Pauro akabhatondera na okubhoonjoorera eguru ya obhukama bhwa Waryubha, okwambira nyenkyo okuhikira kumugoroobha, yeendanga ega, bhonse bhamwikirirye Yeesu. Ekakora abheehigirye amangʼana eguru ya Yeesu kwa okutumira amaragiriryo ga Musa, na ebhitabho bhya abharooti.

Amakorwa ga Abhatumwa 7:52

Atariho omurooti kora oumwi unú ataanyankibhwa. Bheeta kora abharooti bha akare bhanú bhaaringa bhararaarika okuuja kwa urya Owa Obhuheene! Na uyo, ngʼo urya bheenyu mwamukorera eniku, mukamwita!

Abhaebhurania 11:13

Abhantu bhayo bhonsego, bhaakwa bhaana eimani. Bhaakwa bhataanyoora ganú Waryubha yaaringa abharagiri okubhahaana. Nawe, bhaaringa bharagarora kwa ahare, bhakajomerwa. Bhaaringa bhareekirirya ega, m-bageni na abhahiti mukyaro kinu.

Abhaebhurania 11:40

Bhataanyoora ganú Waryubha yaabharaga, kwa okubha yaaringa atuseemeerye amangʼana amajomu bhukongʼu, naho bheetu hamwi nabho tunyoore ganú yaaraga okutuhaana.

1 Petero 1:11

Omutima wa Kiristu yaaringa munsi waabho araroota ega, Kiristu arinyanka, na hanú enyanko iyo erihwa, arihaanwa obhukuru. Mbe, bhaatuna bhukongʼu okumanya amangʼana gayo, ega, garibha ruuha na garimunyoora egaki.

1 Petero 1:13

Kwa ego, mwiseemye na mwiyangararire. Mutuure obhwisige bhonsego kwiruguto rinú murihaanwa, hanú Yeesu Kiristu ariija na okwiyorokya kubhurabhu.