1 Petero 1:1 - Eriragano Erihya

¹ Enyarubha inu, erwiri kuoni Petero, omutumwa wa Yeesu Kiristu. Ndabhangʼoorera bheenyu bhanú musorerwe na Waryubha, bhanú munyarageeni kya abhageni mubhyaro bhya Ponto, Garatia, Kapadokia, Asia na Bhitunia.

1 Petero 1:1 ပူးပေါင်းရင်းမြစ်များ

Mataayo 10:2

Amariina ga abhatumwa ekumi na bhabhiri bhayo n-ganu, Simoni unú Yeesu yaamutoga Petero, na Andurea omumura waabho, Yakobho na Yoana abhamura bha Jebhedayo,

Mataayo 24:22

Nyoore Waryubha atakaasuuhirye eginsiku gya enyanko iyo, mbe, atariho omuntu unú akaatuurikiri. Nawe, Waryubha arisuuhya eginsiku giyo, kurusumo rwa abhasorwa bhaaye.

Mataayo 4:18

Orusiku orumwi hanú Yeesu yaaringa aragenda embarika wa enyanja ya Gariraaya, akarora abhamura bhabhiri, Simoni unú arabhirikirwa Petero, na Andurea, omumura waabho. Bhaaringa bharatega kwa emitego, kwa okubha bhaaringa abhategi.

Ruuka 18:7

Nko okugamba ega, Waryubha atakwimiririra abhasorwa bhaaye? Hanú bharimukuurira obhutiku na omubhasu, aritigita okubheetegeerera?

Yoana 11:52

Etaringi kurusumo rwa ekyaro kiyo ekyenego, nawe, abhakumanʼye abhaana bha Waryubha bhanú bhanyarageeni, bhabhe hamwi.

Yoana 7:35

Nho, Abhayahudi bhakabhuuranʼya ega, “Mbe, omuntu unu arigya-ha enú bheetu tutaritura okumunyoora? Bhoono, areenda okugya ku Bhayahudi bhanú bhanyarageeni mubhyaro ebhindi, na okwihigirya abhantu bhanú bhataringi Abhayahudi?

Amakorwa ga Abhatumwa 18:2

Eyo, akasikana na Omuyahudi umwi. Omuyahudi uyo, yaabhirikirwanga, Akira, omumenyi wa mukyaro kya Ponto. Akira uyo, hamwi na omukari waaye Pirisikira, bhaaringa bharwiri mumugi gwa Ruumi, mukyaro kya Itaaria kuginsiku giyogiyo. Bhaarwa eyo, kwa okubha Kaisari Kiraudio, yaaringa yaamwiri ega, Abhayahudi bhonsego, bharwe mumugi guyo. Ego, Pauro akabhakeeranʼya Akira na omukari waaye Pirisikira.

Amakorwa ga Abhatumwa 18:23

Hanú yaaringa amariri eginsiku nkego, akarwa hayo, akabha arahitira mubhyaro bhya Garatia na Furigia, yaaringa arabhakongʼya abheekirirya bhonsego.

Amakorwa ga Abhatumwa 19:10

Pauro akamara muyo, emyaka ebhiri areehigirya eguru ya Yeesu, okuhikira abhamenyi bhonsego bha mukyaro kya Asia, Abhayahudi na abhantu bhanú bhataringi Abhayahudi, bhakabha bheegwiri eringʼana eguru ya Omukuru Yeesu.

Amakorwa ga Abhatumwa 6:9

Nawe, Abhayahudi abhandi, bhaaringa bharasakya okuhakaananʼya na Sitefano. Abhandi gati yaabho bhaaringa bha erisinagogi rimwi, rinú ryabhirikirwanga ega, Erisinagogi rya Abhantu bha Obhwiyagaari. Bhayo, bhaaringa bharwiri mumigi gya Kirene na Arekisandiria. Abhandi bhaaringa bharwiri mubhyaro bhya Kirikia na Asia.

Amakorwa ga Abhatumwa 8:4

Abheekirirya bhanú bhaanyaragana, bhakabha bhareehigirya abhantu Amangʼana Amajomu ga Yeesu, kira hanú bhaagyanga.

1 Abhakorinto 16:19

Amakanisa ga mukyaro kya Asia, bharabhakeeranʼya. Akira na omukari waaye Pirisikira, hamwi na abheekirirya bhanú bhareekumanʼya iika owaabho, bharabhakeeranʼya bhukongʼu kuriina rya Omukuru.

2 Abhakorinto 1:8

Abhahiiri bheetu kuimani, tureenda mumanye kya ego twanyanka mukyaro kya Asia. Eginyanko ginú gyatunyoora, gyaturitohera bhukongʼu okukira eginguru gyetu, kora tukeeganirirya ega, tukaakwiri.

Abhagaratia 1:2

Oni na abhahiiri bheetu kuimani bhonsego bhanú bharingi hamwi na oni, turabhakeeranʼya bheenyu bhanú muringi mumakanisa ga Waryubha mukyaro kya Garatia.

Abhaefeso 2:12

Muhiituke ega, eribhaga rirya, mutaaringa mumanyiri eguru ya Kiristu. Mwaringa mwahukeeni na abhantu bha Isiraeri, bhanú mutaaringa munyooreri eriragano ryoryonse okurwa kumaragano gaabho. Mutaaringa na obhwisige kya abhantu bhanú bhatamanyiri Waryubha mukyaro.

Abhaefeso 2:19

Mbe, okwambira bhoono, bheenyu mutaringi abhageni kora abhahiti, nawe, mwabheeri abhasimuka hamwi na abhantu bha Waryubha, abhantu abha omuganda gwa Waryubha.

2 Timoteo 1:15

Omanyiri ega, abhantu bhonsego bha mukyaro kya Asia bhantigiri, gati yaabho bharimo Fugero na Herimogene.

Abhaebhurania 11:13

Abhantu bhayo bhonsego, bhaakwa bhaana eimani. Bhaakwa bhataanyoora ganú Waryubha yaaringa abharagiri okubhahaana. Nawe, bhaaringa bharagarora kwa ahare, bhakajomerwa. Bhaaringa bhareekirirya ega, m-bageni na abhahiti mukyaro kinu.

Yakobho 1:1

Enyarubha inu, erwiri kuoni Yakobho, omugaya wa Waryubha na Omukuru Yeesu Kiristu. Ndabhangʼoorera bheenyu, abheekirirya bha amakabhira ekumi na gabhiri, ganú mwanyaragana mubhyaro ebhindi. Ndabhakeeranʼya!

1 Petero 2:11

Abhahanje bhaani, bheenyu muringi abhageni na m-bahiti bha enjira mukyaro hanu. Kwa ego ndabhakomererya ega, muteekirirya orunamba rwa emibhiri gyenyu, runú rurasongana na bheenyu, rubhahige.

2 Petero 1:1

Enyarubha inu, erwiri kuoni Simoni Petero, omugaya na omutumwa wa Yeesu Kiristu. Ndabhangʼoorera bheenyu bhanú muheerwe eimani ya obhwera inú bheetu bhonse tuheerwe. Muheerwe eimani iyo, kwa okubha Waryubha, Omutuurya weetu Yeesu Kiristu, yaakora ganú gareenderwa.

Obhukundukuri 1:11

Eriisi riyo rikankeerya ega, “Ngʼoora mukitabho amangʼana gonsego ganú orarora. Omare okihire mumakanisa muhungati ganú garingi mumigi gya, Efeso, Simurina, Perigamo, Tiatira, Saridi, Firaderifia, na Raodikia.”