1 Abhatesaronike 4:3 - Eriragano Erihya

³ Waryubha areenda mubhe abharabhu bha omutima, mutige okukora obhusimbe.

1 Abhatesaronike 4:3 ပူးပေါင်းရင်းမြစ်များ

Mataayo 12:50

Omuntu wowonse unú arakora obhwendi bhwa Taata owa murwire, uyo ngʼo omumura weetu, omuhara weetu na maayi.”

Mataayo 15:19

Ndagamba ego, kwa okubha mumutima gwa omuntu, mmo gararwa ameetegeerero amabhiibhi, obhwiti, obhusimbe, obhusuunu, obhwibhi, obhwimiririri bhwa obhubheehi na amatuki.

Mataayo 5:32

Nawe, oni ndabhakeerya ega, omuntu wowonse unú aramutiga omukari waaye, etaringi kwa okubha amugwatiri ekiroogi, omusaaja uyo aramukora omukari waaye abhe ataariri kibhara. Na omuntu unú araamutete omukari uyo, wonse araabhe akoreri obhusarya ku Waryubha.

Mataayo 7:21

“Etaringi kira omuntu unú arambirikira ega, ‘Ee Omukuru, ee Omukuru,’ arisoha mubhukama bhwa murwire. Nawe, omuntu unú arakora obhwendi bhwa Taata owa murwire, ngʼo arisoha muyo.

Mariko 3:35

Omuntu wowonse unú arakora obhwendi bhwa Waryubha, uyo ngʼo omumura weetu, omuhara weetu na maayi.”

Yoana 4:34

Yeesu akabhakyukya ega, “Ebhyakurya bhyani, n-kukora ganú areenda unú yaantuma, na okukunaanʼya emirimu gyaye.

Yoana 7:17

Omuntu wowonse unú areenda okukora ganú Waryubha areenda, uyo araamanye ega, ameehigiryo gaani garwiri ku Waryubha, na ega, ntakugamba kwa obhutungi bhwani.

Amakorwa ga Abhatumwa 15:20

Nawe, tureenderwa tubhangʼoorere enyarubha ya okubhakeerya ega, bhatarya ebhyakurya bhya omugiro bhinú bhimwenseerwe ebhisusano na bhatigenga okukora obhusimbe. Kweki bhatige okurya enyama ya entugo inú ebhuutirwe na bhatige okurya amanyinga.

Amakorwa ga Abhatumwa 15:29

Mutige okurya ebhyakurya bhinú bhimwenseerwe ebhisusano, mutige okurya amanyinga, kora mutige okurya enyama ya entugo inú ebhuutirwe, na mutige okukora obhusimbe. Nyoore muraatige gayo, nho muraabhe mukoreri bhwaheene. Turabhakeeranʼya.”

Amakorwa ga Abhatumwa 20:32

“Bhoono mbe, ndabhatuura mumabhoko ga Waryubha na eringʼana rya eriruguto ryaye. Weeki yaana obhuturo bhwa okubheemya na okubhakora munyoore eriruguto rinú yaabhatuurira abhantu bhaaye bhanú bhaaraamwa.

Amakorwa ga Abhatumwa 26:18

naho obharibhure ameeso, bheehunjure okurwa mukisunte, bhasohe mundingaasi, bharwe mubhutungi bhwa Erisambwa, bhamwihunjurire Waryubha. Kwa okukora ego, nho bharyabhirwa obhusarya bhwabho, bharibha hamwi na abhandi bhonsego, bhanú bhaaraamwa kwa enjira ya okunyikirirya oni.’

Abharuumi 1:29

M-bakori bha obhusarya bhwa amanga gonsego, amabhiibhi amanga gonsego, kweki bhaana orunamba rwa ebhintu bhyonsego na bhaana orwango. Bhareenda eritoongʼana, obhwiti na obhugwatanʼya. M-babheehi, m-bantu bha ameetegeerero amabhiibhi na m-bagambi bha abhantu,

Abharuumi 12:2

Muteehigira obhusimuka bhwa abhantu bha ekyaro kinu, nawe, mutige Waryubha ahunjure emitima gyenyu, naho mubhe na ameetegeerero amahya. Hayo nho, mureehigire okumanya ganú Waryubha arabheendera. Na hayo nho muraamanye m-mangʼana-ki amajomu, ganú garamungʼarira, kweki ganú gakuneeni.

Abharuumi 6:22

Nawe bhoono, muheerwe na Waryubha obhwiyagaari, naho mutabha abhagaya bha obhusarya. Kweki, abhakoreri okubha abhagaya bhaaye, na okurekana na gayo, munyooreri obhwera. Obhwera bhuyo, nu-kuraamwa na weeki omwene, na obhuteero bhwa gayo nu-kunyoora obhuhoru bhwa koko.

1 Abhakorinto 1:30

Waryubha omwene ngʼo yaabhagwatanʼya bheenyu na Kiristu Yeesu. Weeki yaamukora Kiristu abhe egintungwa gyetu. Ensonga yaaye niiga, kwa enjira ya Yeesu tubheeri abhaheene embere ya Waryubha, tubheeri abhantu bhaaye, kweki tutunguriibhwe.

1 Abhakorinto 7:2

Nawe, kwa ekisigo kya amasakyo ga okukora obhusimbe, kira omusaaja abhe na omukari waaye omwene, na kira omukari abhe na omusaaja waaye omwene.

2 Abhakorinto 12:21

Kweki ndoobhoha ega, hanú ndiija kubheenyu, Waryubha waani arikora ndore eginsoni embere yeenyu. Ndisurumbara okurora abhantu abhaaru gati yeenyu bhanú bhaakora obhusarya bhatareehunjura obhusarya bhwabho. Bhakyakoranga amangʼana ga obhusimbe, obhusuunu na amangʼana agandi ga eginsoni ganú bhaaringa nago.

Abhagaratia 5:19

Mbe, amangʼana ganú garakoreka kwa orunamba orubhiibhi rwa omubhiri, gamanyikeeni kubhurabhu, na n-ganu, obhusimbe, obhusuunu, okukora amangʼana ga eginsoni,

Abhaefeso 5:17

Kwa ego, mutabha abhakangi, nawe, musakye okumanya ganú Omukuru Yeesu areenda.

Abhaefeso 6:6

Mukorenga ego, etabha kwibhaga rinú bharabhaangararira eryenego, naho mwikangatirirye kubheene. Nawe, mubheegwenga, kya abhagaya bha Kiristu, enu murakora kwa omutima gumwi, ganú garamujomera Waryubha.

Abhakorosai 1:9

Kwa ekisigo kiyo, tutaratiga okubhasabhira, okurwa orusiku runú tweegwa amangʼana eguru yeenyu. Turamusabha Waryubha abhahaane okumanya gonsego ganú weeki omwene areenda. Abhahaane egintungwa gyonsego na obhumanyi bhinú bhirarekana na Omutima Omurabhu.

Abhakorosai 3:5

Mbe bhoono, mutige kimwi amangʼana gonsego ga mukyaro kinu ganú garingi munsi weenyu, kya obhusimbe, obhukonu, orunamba orubhiibhi, ameetegeerero amabhiibhi, na orunamba rwa ebhintu. Okubha na orunamba rwa ebhintu n-kya okusyengera ebhisusano okutiga Waryubha.

Abhakorosai 4:12

Epafura, omuntu wa oweenyu eyo, omugaya wa Kiristu Yeesu, arabhakeeranʼya. Arakora ekituunyo okubhasabhira bheenyu eginsiku gyonsego, ega, munage na mubhe mwimiri, na mubhe abhateremu kugonsego ganú Waryubha areenda.

1 Abhatesaronike 4:2

kwa okubha mumanyiri bhujomu, amaragiriryo ganú twabharagirirya kwa obhutungi bhwa Omukuru Yeesu.

1 Abhatesaronike 4:4

Kira oumwi weenyu ahige omubhiri gwaye, mubhurabhu na obhusuuku.

1 Abhatesaronike 5:18

Mubhenga muramukumya Waryubha kukira ekintu, kwa okubha gayo ngo weeki areenda mubhenga murakora, kya ego Kiristu Yeesu yaatoorokererya.

1 Abhatesaronike 5:23

Waryubha omwene unú aratuhaana omurembe, abharaame bhukongʼu. Weeki yaangararire emitima gyenyu na obhuhoru bhwenyu na emibhiri gyenyu, naho mubhe mutaana amasoro kwibhaga rinú Omukuru weetu Yeesu Kiristu ariija.

2 Abhatesaronike 2:13

Nawe bheetu, tureenderwa okumukumya Waryubha eribhaga ryonsego kurusumo rwenyu, bheenyu abhahiiri bheetu kuimani bhanú mwahanjwa na Omukuru Yeesu. Tureenderwa okukora ego, kwa okubha Waryubha yaabhasora okurwa kubhwambiro bhwa obhubhumbi, naho mutuuribhwe. Mutuuriibhwe kwa okuraamwa na Omutima Omurabhu na kwa enjira ya okwikirirya obhuheene.

Tiito 2:14

Yeeruusya omwene okukwa kurusumo rwetu, naho atutuurye okurwa mubhusarya bhonsego. Yeendanga okuturaama, naho maheene tubhe abhantu bhaaye, bhanú twiruusirye okukora amajomu.

Abhaebhurania 10:36

Mureenderwa mubhenga mureegumirirya, naho mubhe murakora ganú Waryubha areenda. Kwa enjira iyo, murinyoora ganú Waryubha yaabharaga okubhahaana.

Abhaebhurania 12:16

Mwiyangararire, naho atariija okubha-ho omusimbe gati yeenyu, kasi unú atakusyengera Waryubha kya Esau. Weeki yaagurya engabho ya obhwibhurwa bhwa mbere kwa ekisigo kya ebhyakurya bhya eribhaga rimwi ego.

Abhaebhurania 13:21

Waryubha abhabheere kwa kira eringʼana erijomu, naho muture okukora obhwendi bhwaye. Kweki akore mumitima gyetu ganú garamungʼarira kwa enjira ya Yeesu Kiristu. Weeki agungibhwe koko na koko. Amina.

Abhaebhurania 13:4

Obhutetani bhureenderwa okusuukwa na abhantu bhonsego, na ahasi ha okuraara hareenderwa habhe ahajomu, kwa okubha Waryubha aribhabhuturira ekiina abhasuunu na abhasimbe.

1 Petero 1:2

Akare hayo, Taata Waryubha yaabhamanya na okubhasora kwa Omutima waaye, yaabhakora mubhe abharabhu bha omutima, naho mumwigwe Yeesu Kiristu na okuraamwa na amanyinga gaaye. Ndabhasabhira ku Waryubha abhoongerye eriruguto na omurembe.

1 Petero 4:2

Kwa enjira iyo, obhwikari bhwaye bhonsego, areekara okuringʼaana na kya ego Waryubha areenda, etaringi okuringʼaana na orunamba rwa abhantu.

1 Yoana 2:17

Ekyaro kinu hamwi na orunamba rwa abhantu, bhirihita. Nawe, omuntu unú arakora ganú garamujomera Waryubha, arabha na obhuhoru bhwa koko.

Obhukundukuri 21:8

Nawe, abhantu abhoobha, bhanú bhatakumwikirirya Waryubha, bhanú bharamujimya Waryubha, abheeti, abhasimbe, abhaturutumbi, bhanú bharasyengera ebhisusano, na abhabheehi, bhayo bhonsego bharyeswa munyanja ya omururo omuhaari. Na enyanja ya omururo omuhaari iyo, ngʼyo oruku rwa kabhiri.”

Obhukundukuri 22:15

Nawe, abhaturutumbi, abhasimbe, abheeti, bhanú bharasyengera ebhisusano na abhandi bhonsego bhanú bharahanja okugamba obhubheehi, bharibha kibhara ya omugi guyo kya egimbwa.