1 Abhatesaronike 3:3 - Eriragano Erihya

³ Twakora ego, naho omuntu wowonse atakwa omutima, kwa ekisigo kya eginyanko ginu. Bheenyu abheene mumanyiri ega, tureenderwa okuhitira munyanko.

1 Abhatesaronike 3:3 ပူးပေါင်းရင်းမြစ်များ

Amakorwa ga Abhatumwa 14:22

Bhaaringa bhareemya abheekirirya bha mumigi giyo, na okubhateremya bhagume kuimani. Bhaabhakeeryanga ega, “Bheetu bhonsego tureenderwa tuhitire munyanko enene, naho tusohe mubhukama bhwa Waryubha.”

Abharuumi 5:3

Tutakujomerwa kwa gayo ageenego, nawe, turajomerwa kora kuginyanko gyonsego, kwa okubha tumanyiri ega, eginyanko girareeta obhwigumirirya.

Amakorwa ga Abhatumwa 9:16

Oni omwene ndaamoorokye, kya ego areenderwa okunyanka bhukongʼu, kurusumo rwa eriina ryani.”

Yoana 16:33

Ndabhakeerya amangʼana gayo gonsego, naho mubhe na omurembe mumitima gyenyu, kwa okubha muringi munsi waani. Mukyaro munu murinyoora enyanko enjaru, nawe, mutoobhoha, kwa okubha oni nkihigiri ekyaro.”

1 Abhakorinto 15:58

Mbe, abhahiiri bhaani abhahanje kuimani, mwimirire bhwima na munage, mugendererye okukora emirimu gya Omukuru kwa ekituunyo eginsiku gyonsego, kwa okubha mumanyiri ega, emirimu ginú murakora kurusumo rwa Omukuru, gitaringi gya bhusa.

Amakorwa ga Abhatumwa 21:13

Nawe, Pauro akatukyukya ega, “Ndasabha mutige okunkuurira na okunyita omutima. Oni niseemerye okubhohwa kora okukwira Yerusaremu hayo, kurusumo rwa Omukuru Yeesu.”

1 Abhatesaronike 5:9

Waryubha ataatusora bheetu, naho atusikye kwa enkoro yaaye, nawe, yaatusora naho tunyoore obhutuurya okuhitira ku Mukuru weetu Yeesu Kiristu.

1 Abhakorinto 4:9

Nawe, ndeeganirirya ega, Waryubha yaatukora bheetu abhatumwa okubha abhantu bha okujeerwa okukira bhonsego. Turingi kya abhantu bhanú bhaabhuturiirwe ekiina okwitwa. Tukorerwe okubha abhantu bha okusekwa mukyaro, kubhamaraika na kubhantu.

1 Petero 2:21

Mureenderwa mwigumiriryenga ego, kwa okubha Kiristu wonse, yaanyankibhwa kurusumo rwenyu. Kweki akabhatigira ekirengekanʼyo, naho mubhenga muramwihigira.

Abhakorosai 1:23

Nawe, mureenderwa okugendererya okubha na eimani, munage na mubhe na eginguru. Mutakyukibhwa mutige obhwisige bhunú mwanyoora hanú mweegwa Amangʼana Amajomu. Amangʼana Amajomu gayo, gaaraarikwa kubhantu bhonsego bha mukyaro hanu, na oni Pauro, naabha omukori wa emirimu waago.

Abhaefeso 3:13

Kwa ego, ndabhasabha mutakwa omutima, kwa ekisigo kya eginyanko ginú ndanyoora kurusumo rwenyu, egyene girakora musuukwe.

Amakorwa ga Abhatumwa 2:25

Kora omukama Daudi, yaaruusya obhurooti eguru ya Yeesu ega, ‘Naaringa ndamurora Omukuru Waryubha embere waani, eribhaga ryonsego. Na kwa okubha aringi orubhaara rwani rwa obhuryo, ntarisingisibhwa.

Yoana 16:2

Abhantu bharibha bharabhaahura bheenyu mumasinagogi. Ririija eribhaga rinú kira omuntu unú aribheeta, ariiganirirya ega, arakora emirimu gya Waryubha.

Ruuka 21:12

“Nawe, eribhaga gayo gonsego gataratuuka, abhantu bharibhahira kubhakuru bha amasinagogi, naho mubhohwe mwigereja enu muranyankibhwa. Na abhandi murihirwa okubhuturirwa ekiina kubhakama na abhaanangwa kurusumo rwani.

2 Timoteo 1:8

Bhoono, otarora eginsoni okugamba amangʼana eguru ya Omukuru weetu, kasi okurora eginsoni kwa okubha ndingi mukibhohe kurusumo rwaye. Nawe, wikongʼererye enyanko hamwi na oni, kurusumo rwa okuraarika Amangʼana Amajomu eguru yaaye, okuringʼaana na eginguru ginú orahaanwa na Waryubha.

2 Abhatesaronike 1:4

Kwa ego, tureeheema mumakanisa ga Waryubha kwa ekisigo kya okwigumirirya na eimani yeenyu, muginyanko gyonsego ginú muranyoora.

Obhukundukuri 2:13

“Mmanyiri hanú mureekara, m-mubhutungi bhwa Erisambwa. Nawe muragendererya okwikirirya eriina ryani. Kora kwibhaga rirya omwimiririri waani omuheene Antipa yeetwa, mumugi gwenyu gunú Erisambwa rireekara, mutaanyanga.

Obhukundukuri 2:10

Mutoobhoha enyanko inú eribhanyoora. Maaha! Erisambwa riribhasakya kwa okubhatuura abhandi gati yeenyu mwigereja. Na bheenyu murinyoora enyanko eginsiku ekumi. Nawe, mubhe abhaheene kuoni kora okuhikira okukwa, na oni ndibhahaana omutuho gwa obhuhoru bhwa koko.

Abhafiripi 1:28

Kweki niigwenga ega, mutakoobhoha abhasigu bheenyu kora hake. Okukora ego, kuribhoorokya ega, bheeki bharisikibhwa, nawe bheenyu, murituuribhwa. Gayo gonsego m-mirimu gya Waryubha.

Amakorwa ga Abhatumwa 21:11

Agabho uyo, akatuujira akagega omuchipi gwa Pauro, akeebhoha kumaguru na kumabhoko gaaye omwene. Kimwi akagamba ega, “Omutima Omurabhu agambiri ega, ‘Ego niigo Abhayahudi bharimubhoha omwene omuchipi gunu Yerusaremu eyo, na okumugwatya kubhantu bhanú bhataringi Abhayahudi.’”