1 Abhatesaronike 2:3 - Eriragano Erihya

³ Amangʼana ganú turabhakomererya, gataringi ga okubhahabhya, ga omutima omubhiibhi, kora ga okubhangʼeena.

1 Abhatesaronike 2:3 ပူးပေါင်းရင်းမြစ်များ

Amakorwa ga Abhatumwa 13:15

Hanú bhaamara okusoma mubhitabho bhya amaragiriryo ga Musa na mubhitabho bhya abharooti, abhakuru bha mwisinagogi riyo, bhakabhatumira amangʼana ega, “Abhahiiri bheetu, nyoore muuna eringʼana rya okubhateremya abhantu bhanu, turasabha murigambe.”

Amakorwa ga Abhatumwa 4:36

Mbe, yaaringa-ho Omuraawi umwi. Omuraawi uyo, yaabhirikirwanga Yusufu, omwibhurwa wa kwiginga rinú ryabhirikirwanga ega, Kipuro. Abhatumwa bha Yeesu, bhaaringa bhamutogeri ega, Bharinabha, ensonga yaaye niiga, “Owa okubhateremya omutima”.

2 Abhakorinto 11:13

Abhantu kya bhayo m-batumwa bha obhubheehi, bharakora emirimu kwa okungʼeena abhantu, bhareekorya ega, m-batumwa bha Kiristu.

2 Abhakorinto 2:17

Bheetu tutaringi kya abhantu abhandi abhaaru, bhanú bharakora eringʼana rya Waryubha, kya ekintu kya okugurya, naho bhanyoore obhwera. Nawe, bheetu kwa eginguru gya Kiristu, turaraarika eringʼana rya Waryubha kwa obhuheene bhonsego embere ya Waryubha, kwa okubha weeki ngʼo yaatutuma.

2 Abhakorinto 4:2

Bheetu twangiri, tutakukora amangʼana ga ekinyerera na aga eginsoni. Tutakungʼeena abhantu, kora okusanganʼya eringʼana rya Waryubha na obhubheehi. Nawe, tureekomba kwa okugamba obhuheene kubhurabhu, naho abhantu bhonsego bhamanye mumeetegeerero gaabho ega, turingi abhaheene embere ya Waryubha.

2 Abhakorinto 4:5

Bheetu tutakuraarika amangʼana eguru yeetu abheene, nawe, turaraarika ega, Kiristu Yeesu ngʼo Omukuru, na kweki turaraarika ega, bheetu turingi abhagaya bheenyu kwa enjira ya okumukorera emirimu Yeesu.

2 Abhakorinto 6:8

Bheetu twiruusirye, abhantu bhatusuuke kasi bhatujeere, bhatugungye kasi bhatugambe bhubhiibhi. Turamaahikana ega, turingi abhabheehi, nawe, turagamba aga maheene.

2 Abhakorinto 7:2

Mutuhaane omweya mumitima gyenyu, kwa okubha tutaamusarirya omuntu wowonse urya. Tutaamunyahaara omuntu wowonse, kora tutaamuhabhya omuntu wowonse.

1 Abhatesaronike 2:11

Kweki mumanyiri ega, eribhaga twaringa kubheenyu, twaringa turakorera kira oumwi weenyu kya ego taata arakorera abhaana bhaaye omwene. Twaringa turabhateremya emitima gyenyu, na okubhakomererya

1 Abhatesaronike 4:7

Waryubha ataatubhirikira okukora obhusimbe, nawe, yaatubhirikira twikare mubhurabhu.

2 Abhatesaronike 2:11

Kwa ego, Waryubha arabheekiririrya bhatungwe na eginguru gya okubhura, naho bhagendererye okwikirirya obhubheehi.

2 Petero 1:16

Eribhaga twaringa turabheehigirya eguru ya eginguru na okuhunjuka kwa Omukuru weetu Yeesu Kiristu, tutaaringa turabhakeerya amagano ga obhubheehi ganú gaangʼoorwa kwa obhungʼeeni. Nawe bheetu twarora obhukuru bhwaye kwa ameeso geetu abheene.