1 Abhatesaronike 1:3 - Eriragano Erihya

³ Hanú turabhasabhira ku Taata Waryubha, turahiituka embere yaaye, emirimu gyenyu ginú murakora kwa eimani. Turahiituka ekituunyo kyenyu kinú kirarekana na obhuhanje bhwenyu, kweki kya ego mwimiriiri okurekana na obhwisige bhwenyu bhwa okuhunjuka kwa Omukuru weetu Yeesu Kiristu.

1 Abhatesaronike 1:3 ပူးပေါင်းရင်းမြစ်များ

1 Abhakorinto 13:13

Mbe bhoono, ebhintu ebhisatu bhinu bhitarihwa, eimani, obhwisige na obhuhanje. Na kubhiyo, eringʼana erikuru okukira gonsego m-buhanje.

Obhukundukuri 2:19

“Mmanyiri ebhikorwa bhyenyu, obhuhanje bhwenyu, eimani yeenyu, emirimu gyenyu, na obhwigumirirya bhwenyu. Kweki ebhikorwa bhyenyu bhya eginsiku ginu m-bijomu okukira ebhya mbere harya.

Abhagaratia 5:6

Mbe, nyoore twikiriirye okugwatana na Kiristu Yeesu, okusaarwa kasi okutiga okusaarwa kutaana obhwera bhobhonse. Ekintu ekinene kya obhwera, ngʼ-imani yeetu inú erakora emirimu kwa obhuhanje.

2 Abhatesaronike 1:11

Kwa ego, turabhasabhira bheenyu kira orusiku, naho Waryubha weetu abhabhare ega, mureenderwa obhumenyi bhunú yaabhabhirikirira. Kweki turabhasabhira ega, kwa obhuturo bhwaye ahikye amangʼana amajomu ganú mureenda okukora na ahikye emirimu gyenyu gyonsego gya eimani.

1 Yoana 5:3

Okumuhanja Waryubha, nko okugwata amaragiriryo gaaye. Na okugwata amaragiriryo gaaye, kutaringi okukongʼu,

Abhagaratia 6:9

Kwa ego, tutarosa okukora amajomu! Nyoore tureegumirirye kukukora amajomu, turinyoora omugeso omujomu hanú eribhaga rya okugesa ririhika.

Abharuumi 15:13

Waryubha ngʼo tureesigira ega, arikora gonsego ganú yaaraga. Kwa ego, ndabhasabhira ega, abhahaane omurembe bhukongʼu na obhujomerwa obhwaru hanú muragendererya okumwikirirya. Hayo nho muraabhe na obhwisige obhunene, kwa obhuturo bhwa Omutima Omurabhu.

1 Yoana 3:3

Kira omuntu unú areesiga ego, yeeraame, naho abhe omurabhu wa omutima, kya ego Kiristu omwene aringi.

1 Abhatesaronike 3:6

Nawe bhoono, Timoteo yaajiri okurwa kubheenyu, atukeererye amangʼana amajomu eguru ya eimani na obhuhanje bhwenyu. Na atukeererye ega, muratuhiituka bhukongʼu eribhaga ryonsego, na ega, mureegomba okuturora kya ego na bheetu tureegomba okubharora.

1 Yoana 3:18

Abhaana bhaani abhahanje kuimani, tutahanjana kwa amangʼana ageenego, nawe, tuhanjane kwa amakorwa amajomu na obhuheene.

Abhaebhurania 10:36

Mureenderwa mubhenga mureegumirirya, naho mubhe murakora ganú Waryubha areenda. Kwa enjira iyo, murinyoora ganú Waryubha yaabharaga okubhahaana.

1 Abhakorinto 15:58

Mbe, abhahiiri bhaani abhahanje kuimani, mwimirire bhwima na munage, mugendererye okukora emirimu gya Omukuru kwa ekituunyo eginsiku gyonsego, kwa okubha mumanyiri ega, emirimu ginú murakora kurusumo rwa Omukuru, gitaringi gya bhusa.

2 Abhatesaronike 1:3

Abhahiiri bheetu kuimani, tureenderwa okumukumya Waryubha eribhaga ryonsego kurusumo rwenyu, kwa okubha eimani yeenyu eragendererya okwaruha bhukongʼu, na obhuhanje bhwa kira omuntu kumurikyaye bhuragendererya okwaruha.

1 Yoana 3:21

Abhahanje bhaani, nyoore emitima gyetu gitakutubhuturira ekiina, turatura okumusabha Waryubha kwa obhuteremu.

1 Petero 3:4

Nawe, obhujomu bhwenyu bhwambire mumutima, obhujomu bhunú bhutakutura okunyamuka kora okugota. Obhujomu bhuyo, n-kubha na omutima omujomu na omunyoohu, na mbo obhujomu bhunú bhuuna obhwera obhunene ku Waryubha.

Abhaebhurania 11:17

Eimani yaakora Abhurahamu hanú Waryubha yaamusakya, akeekirirya okuruusya omwana waaye Esaaka, abhe ekimwenso ku Waryubha. Abhurahamu ngʼo yaanyoora egindago okurwa ku Waryubha, nawe, akeekirirya okumuruusya omwana waaye omumwemwe,

Abhaebhurania 6:15

Kwa ego, Abhurahamu yaaganya na okwigumirirya okuhikira hanú Waryubha yaamuhaana gonsego ganú yaaringa amuragiri.

1 Timoteo 2:3

Eringʼana rinu ni-rijomu, kweki riramungʼarira Waryubha Omutuurya weetu.

Abhagaratia 5:13

Abhahiiri bhaani kuimani, Waryubha abhabhirikiiri, naho mwiyagaare. Nawe, obhwiyagaari bhwenyu, bhutabhakora mubhe na omweya gwa okugwata orunamba orubhiibhi rwa omubhiri, nawe, mubheeranenga kwa obhuhanje.

Abhagaratia 1:4

Kiristu yeeruusya obhuhoru bhwaye, kurusumo rwa obhusarya bhwetu, naho atutuurye okurwa mumabhiibhi gonsego ga mukyaro kinu. Yaakora ego, okurekana na obhwendi bhwa Taata Waryubha.

Abharuumi 16:6

Munkeeranirye Mariamu unú yaakora ekituunyo bhukongʼu, okukora emirimu kurusumo rwenyu.

Abharuumi 15:4

Gonsego ganú gaangʼoorwa akare, mu Mangʼoore Amarabhu, gaangʼoorwa kurusumo rwa okutwihigirya bheetu. Amangʼoore gayo, garatubheera okwigumirirya muginyanko gyetu na garatuhorisya, naho tubhe na obhwisige.

Abharuumi 12:12

Mujomerwe kuganú Waryubha yaabharaga, mubhenga mureegumirirya muginyanko, na mugume kumasabho.

Abharuumi 2:7

Aribhahaana obhuhoru bhwa koko, abhantu bhanú bhareegumirirya okukora amajomu, kwa okubha bharatuna eginkuma, obhusuuku, na obhuhoru bhunú bhurarwa ku Waryubha.

Amakorwa ga Abhatumwa 10:31

Omuntu uyo, akankeerya ega, ‘Korinerio, Waryubha yeegwiri amasabho gaaho, arahiituka kya ego orabheera abhatobhu.

Amakorwa ga Abhatumwa 3:19

Kwa ego, mumwihunjurire Waryubha okurwa mubhusarya bhwenyu, naho weeki abhaabhire obhusarya bhwenyu. Kwa okukora ego, Omukuru Waryubha aribhamuunyia kwa okubha-ho kwaye,

Yoana 14:15

“Nyoore muraanhanje, muraagwate emigiro gyani.

Abhaebhurania 13:21

Waryubha abhabheere kwa kira eringʼana erijomu, naho muture okukora obhwendi bhwaye. Kweki akore mumitima gyetu ganú garamungʼarira kwa enjira ya Yeesu Kiristu. Weeki agungibhwe koko na koko. Amina.

Abhaebhurania 4:11

Mbe, tukore ekituunyo okusoha ahasi ha okumuunya hayo, naho omuntu wowonse atatamwa okusoha, kwa ekisigo kya okwanga okumwigwa Waryubha, kya ego bhajaaji weetu bhaakora.

2 Abhakorinto 2:17

Bheetu tutaringi kya abhantu abhandi abhaaru, bhanú bharakora eringʼana rya Waryubha, kya ekintu kya okugurya, naho bhanyoore obhwera. Nawe, bheetu kwa eginguru gya Kiristu, turaraarika eringʼana rya Waryubha kwa obhuheene bhonsego embere ya Waryubha, kwa okubha weeki ngʼo yaatutuma.

Abharuumi 16:26

Nawe, bhoono gatubhwirwe, na okuhitira mu Mangʼoore Amarabhu ga abharooti, amangʼana gayo, gamanyikeeni mubhyaro bhyonsego. Waryubha owa koko, ngʼo aragiriirye ega, amangʼana gayo, garaarikwe kubhantu bhonsego, naho bhayo bhonse bhature okumwikirirya na okumwigwa Omukuru Yeesu.

Yoana 15:10

Mukaagwata amaragiriryo gaani, mureekare mubhuhanje bhwani, kya ego oni naagwata amaragiriryo ga Taata na okwikara mubhuhanje bhwaye.

Obhukundukuri 3:10

“Bhoono, kwa okubha mweegumirirya kya ego naabhatongera, ndibhaangararira kwibhaga rya enyanko inú erireetwa okusakya abhantu bhonsego mukyaro.

1 Timoteo 1:14

Omukuru weetu Kiristu Yeesu, yaanhumirira eriruguto ryaye eryaru bhukongʼu, yaangʼaana eimani na obhuhanje, kukugwatana nawe.