1 Abhakorinto 9:3 - Eriragano Erihya

³ Abhantu bhanú bharanhakaanʼya oni ega, ntaringi omutumwa, ndabhakeerya ega,

1 Abhakorinto 9:3 ပူးပေါင်းရင်းမြစ်များ

Ruuka 12:11

“Hanú murihirwa mumasinagogi, na embere ya abhakuru, na embere ya abhatungi, mutariija okubha na enkubhi eguru ya amangʼana ganú murigamba, kasi kya ego murikyukya.

Amakorwa ga Abhatumwa 22:1

“Bheenyu abhahiiri bhaani, na bhataata munyitegeerere, nibhagirire embere yeenyu!”

Amakorwa ga Abhatumwa 25:16

Nkabhakyukya ega, kubheetu Abharuumi, tutakubhuturira ekiina omuntu atareebhagirira embere ya abhajongeri bhaaye.

1 Abhakorinto 14:37

Nyoore omuntu areerora ega, yaana ekibharo kya okuruusya obhurooti, kasi ega, yaana ekibharo ekindi kya Omutima Omurabhu, amanye ega, ganú ndabhangʼoorera, m-maragiriryo okurwa ku Mukuru.

1 Abhakorinto 9:2

Kora nyoore abhantu abhandi bhararora ega, oni ntaringi omutumwa, nawe, kubheenyu oni m-mutumwa, kwa okubha eimani yeenyu ku Kiristu n-dubhaaso rwa okoorokya ega, oni naatumwa na Omukuru.

1 Abhakorinto 9:4

bheetu tutakwenderwa okuhaanwa ebhyakurya na ebhya okunywa kurusumo rwa emirimu gyetu gya obhutumwa?

2 Abhakorinto 13:10

Ndabhangʼoorera amangʼana ganu eribhaga nkyari okuuja kubheenyu, naho hanú ndibha kubheenyu, ntariija okubha omururu eguru ya obhutungi bhunú Omukuru yangʼeeri. Ndagamba ego, kwa okubha Omukuru ataangʼaana obhutungi bhwa okubhasarya, nawe, bhwa okubhabheera munage kuimani.

2 Abhakorinto 13:3

Ndikora riyo, kwa okubha mureenda ekimanyiiriryo kya okumanya ega, Kiristu aragamba okuhitira kuoni. Kiristu ataringi omunyooheeru kubheenyu, nawe yaana eginguru gya okukora emirimu gati weenyu.

2 Abhakorinto 13:5

Bhoono, mwirenge bheenyu abheene, naho mumanye ega, muuna eimani. Mwiyikomye bheenyu abheene. Mutamanyiri ega, Yeesu Kiristu aringi munsi weenyu? Nyoore mutamanyiri, hayo murabha mutamirwe okuhikira endengo.

Abhafiripi 1:17

Nawe, bharya abha obhutindi, bhararaarika amangʼana eguru ya Kiristu kwa orwango, kora etaringi kwa omutima gwa heene. Bhareenda okoongerya enyanko yaani mukibhohe.

Abhafiripi 1:7

M-bujomu niganirirye ego eguru yeenyu bhonsego, kwa okubha mbahanjiri bhukongʼu. Murasanga eriruguto rya Waryubha hamwi na oni, hanú ndingi mukibhohe na hanú neebhagiriranga na okukomererya Amangʼana Amajomu kubhurabhu.

2 Timoteo 4:16

Hanú neebhagirira mwibharaja orwa mbere, ataatuuka-ho kora omuntu oumwi unú yeemirira orubhaara rwani, bhonsego bhaantiga. Ndamusabha Waryubha atige okubhabharira obhusarya bhuyo.