1 Abhakorinto 7:7 - Eriragano Erihya

⁷ Bhoono, oni nkaahanjiri abhantu bhonsego bhabhe kya ego ndingi, nawe etaringi ego, kwa okubha kira omuntu Waryubha amuheeri ekibharo kyaye, oundi kinu, oundi kirya.

1 Abhakorinto 7:7 ပူးပေါင်းရင်းမြစ်များ

Amakorwa ga Abhatumwa 26:29

Pauro akamukyukya ega, “Ebhe n-kwa amangʼana amake, kasi kwa amaaru, ndamusabha Waryubha eguru yaaho, na eguru ya abhandi bhonsego bhanú bharanyitegeerera reero ega, mubhe kya ego oni ndingi, nawe bira okubhohwa na eminyororo ginu.”

Abharuumi 12:6

Kwa ego, tuuna ebhibharo amanga amaaru, kya ego Waryubha yaatuhaana kwa eriruguto ryaye. Omuntu unú aheerwe ekibharo kya okuruusya obhurooti, atumire ekibharo kiyo okuringʼaana na eimani yaaye.

1 Abhakorinto 12:11

Emirimu giyo gyonsego, Omutima oumwi uyo, ngʼo arakora. Weeki aramugabhira kira omuntu ekibharo kyaye okuringʼaana na kya ego omwene areenda.

1 Abhakorinto 12:4

Mbe, bhiriho ebhibharo amanga amaaru, nawe unú aragabha ebhibharo bhiyo m-Mutima uyouyo.

1 Abhakorinto 7:8

Nawe, ndabhakeerya ega, gati yeenyu bhanú bhatarateta na abhasino, m-bujomu bhagendererye okwikara abheene, bhatateta kasi okutetwa, kya ego oni ndingi.

1 Abhakorinto 9:15

Nawe oni, ntaakabhatongeri kora ekimwi kubhinú ndeenderwa okuhaanwa. Kweki ntakungʼoora ego, naho nhaanwe bhiyo. Kuoni nyakara okukwa, okukira okubheerwa ebhintu okurwa kubheenyu, kwa okubha ntakwenda omuntu wowonse yaandibhire okwigungya kurusumo rwa okuraarika Amangʼana Amajomu, kwa enjira ya okungʼaana ebhintu.

1 Abhakorinto 9:5

Bhoono, mureeganirirya ega, bheetu tutakwikiriribhwa okugya na abhakari abheekirirya, kurugendo rwa okuraarika amangʼana eguru ya Kiristu, kya ego abhatumwa abhandi, na abhamura bhaabho Omukuru Yeesu bharagenda nabho, na kora Kefa?