1 Abhakorinto 5:7 - Eriragano Erihya

⁷ Ego, mubhenga mureeraama, kwa enjira ya okwahura omuntu omusarya uyo okurwa kubheenyu, kya okuruusya ekimera kya akare. Hayo muribha abhantu bhanú mutaana amasoro, kya eriguma erihya rinú ritaana ekimera. Na ego niigo mwamariri okubha, kwa okubha Kiristu, Omwana wa Eringʼondi weetu wa Epasaka, yaamara okuruusibhwa okubha ekimwenso, naho atutuurye.

1 Abhakorinto 5:7 ပူးပေါင်းရင်းမြစ်များ

Mataayo 13:33

Yeesu akabhakeerya ekirengyo ekindi ega, “Obhukama bhwa murwire bhurahunkana na ekimera, kinú omukari yaagega akasanganʼya mumadebhe gasatu ga obhusye bhwa engano, kikabhimbya obhusye bhonsego.”

Mariko 14:12

Rwaringa orusiku rwa okwamba rwa enyangi ya emikaate ginú gitakutuurwa-mo ekimera. Orusiku ruyo ndo abhantu bhaaringa bharagooga omwana wa eringʼondi wa Epasaka. Abheehigira bhaaye bhakamubhuurya Yeesu ega, “Oreenda tugende tukuseemerye-ha ebhyakurya bhya enyangi ya Epasaka?”

Yoana 1:29

Ejo wendeko, Yoana akamurora Yeesu aramuuja-ko. Akabhakeerya abhantu bhanú bhaaringa hayo ega, “Mumaahe, uyo ngʼo Omwana wa Eringʼondi wa Waryubha, unú aragega obhusarya bhwa abhantu bhonsego bha mukyaro munu!

Yoana 1:36

Nho, akamurora Yeesu aragenda haangʼi nabho, akabhakeerya abheehigira bhaaye ega, “Mumaahe, uyo ngʼo Omwana wa Eringʼondi wa Waryubha!”

Yoana 19:14

Gyaringa muna ensa esansabha kurusiku rwa okwiseemya kurusumo rwa enyangi ya Epasaka. Pirato akakeerya Abhayahudi ega, “Maaha, omukama weenyu ngʼ-unu!”

Abharuumi 3:25

Waryubha yaamukora Yeesu abhe ekimwenso kya okwigwanʼya abhantu na Waryubha, naho abhantu bhaabhirwe obhusarya bhwabho, kwa okwikirirya ega, Yeesu yaakwa kurusumo rwabho. Waryubha yaakora ego, naho yoorokye ega, ngʼ-wa obhuheene, kwa okubha yeegumirirya, ataabhajibhya kwa amabhiibhi ganú bhaakora enyuma eyo.

1 Abhakorinto 10:17

Omukaate guyo turasanga bheetu bhonsego n-gumwi. Kwa ego, bheetu bhonsego m-mubhiri gumwi, onyoora turingi abhaaru.

Abhaefeso 4:22

Mweehigiribhwa ega, mutigane na eginteemo gyenyu egya akare, ginú gyasaribhwa na orunamba rwa obhungʼeenererya,

Obhukundukuri 5:12

enu bhareemba kwa eriisi erinene ega, “Omwana wa Eringʼondi unú yaagoogwa, areenderwa okunyoora obhuturo, obhuniibhi na egintungwa. Eginguru, obhusuuku, obhukuru na eginkuma, n-gyaye!”