1 Abhakorinto 5:3 - Eriragano Erihya

³ Onyoora oni ndingi ahare na bheenyu, nawe omutima gwani guringi hamwi na bheenyu. Mbe bhoono, mmariri okumubhuturira ekiina omuntu uyo, kya ego nkaakoreri hanú nkaabheeri eyo.

1 Abhakorinto 5:3 ပူးပေါင်းရင်းမြစ်များ

1 Abhakorinto 5:12

Mbe bhoono, etakuntunʼya okubhuturira ekiina abhantu bhanú bhataringi abheekirirya. Bhayo, Waryubha omwene ngʼo aribhabhuturira ekiina. Nawe bheenyu mureenderwa okubhuturira ekiina bhanú bharingi mwikanisa, kya ego yaangʼoorwa mu Mangʼoore Amarabhu ega, “Omuntu omusarya gati weenyu mumukenyie.”

2 Abhakorinto 10:1

Mbe, abhandi bharagamba ega, oni m-munyoohu hanú ndingi hamwi na bheenyu, na ega, m-mururu hanú ndingi ahare na bheenyu. Nawe, oni omwene Pauro, ndabhakomererya kwa obhwisuuhya na obhunyoohu bhwa Kiristu.

2 Abhakorinto 10:11

Omuntu unú aragamba amangʼana gayo, amanye ega, amangʼana ganú turabhangʼoorera hanú turingi ahare, ngo gayogayo turikora hanú turibha hamwi na bheenyu.

2 Abhakorinto 13:2

Hanú naaja kubheenyu orwa kabhiri, naabhakeerya bhanú bhaakora obhusarya ega, hanú ndiija kubheenyu kweki, ntaribhaabhira bheeki. Bhoono, ndabhakeerya riyo kweki ega, ntaribhaabhira abhantu bhayo na abhandi bhonsego bhanú bharakora obhusarya.

Abhakorosai 2:5

Onyoora oni omwene ntaringi hamwi na bheenyu, nawe omutima gwani guringi hamwi na bheenyu. Ndajomerwa kwa okubha ndeegwa eguru ya obhumwi bhwenyu, na okunaga kwa eimani yeenyu ku Kiristu.

1 Abhatesaronike 2:17

Abhahiiri bheetu kuimani, okutigana kwetu na bheenyu, kwaringa kwa eribhaga ekego, kweki okutigana kuyo n-kwa ameeso, etaringi kwa emitima. Na kwibhaga riyo ryonsego, twaringa tureegomba bhukongʼu okubharora kweki.