1 Abhakorinto 5:1 - Eriragano Erihya

¹ Maheene amangʼana ganyarageeni ega, gati yeenyu bhurimo obhusimbe. Obhusimbe kya bhuyo, bhutaakeebhukiri kora kubhantu bhanú bhatamumanyiri Waryubha, obhusimbe bhwa omuntu okutaara na omukari wa esewaabho.

1 Abhakorinto 5:1 ပူးပေါင်းရင်းမြစ်များ

Amakorwa ga Abhatumwa 15:20

Nawe, tureenderwa tubhangʼoorere enyarubha ya okubhakeerya ega, bhatarya ebhyakurya bhya omugiro bhinú bhimwenseerwe ebhisusano na bhatigenga okukora obhusimbe. Kweki bhatige okurya enyama ya entugo inú ebhuutirwe na bhatige okurya amanyinga.

Amakorwa ga Abhatumwa 15:29

Mutige okurya ebhyakurya bhinú bhimwenseerwe ebhisusano, mutige okurya amanyinga, kora mutige okurya enyama ya entugo inú ebhuutirwe, na mutige okukora obhusimbe. Nyoore muraatige gayo, nho muraabhe mukoreri bhwaheene. Turabhakeeranʼya.”

1 Abhakorinto 1:11

Abhahiiri bhaani kuimani, abhantu nyabhurebhe bha owa Kiroe, bhankeererye ega, eritoongʼana riringi gati yeenyu.

1 Abhakorinto 5:11

Nawe naabhangʼoorera ega, mutagwatana na abhantu bhanú bhareebhirikira abheekirirya abharikyenyu, enu bharingi abhasimbe, abhantu bha orunamba rwa ebhintu, abhantu bhanú bharasyengera ebhisusano, abhagambi bha abhandi, abhareebhi na bhanú bhararuusya abhantu ebhintu bhyabho kwa eginguru. Abhantu kya bhayo, kora mutige okurya nabho.

1 Abhakorinto 6:13

Abhandi gati yeenyu bharagamba ega, “Hanú tuuna omweko tureenderwa okurya, kwa okubha emibhiri gyetu gireenda ebhyakurya.” Niigo eringi, nawe, riraaja eribhaga rinú Waryubha arihunjura emibhiri gyetu gibhe gitakwenda ebhyakurya. Mutagamba ega, tureenderwa okukora obhusimbe, kya ego tureenderwa okurya ebhyakurya hanú tuuna omweko. Ndagamba ego, kwa okubha Waryubha ataabhumba emibhiri gyetu kurusumo rwa obhusimbe, nawe yaagibhumba kurusumo rwa okumukorera emirimu Omukuru, na Omukuru wonse aragituga bhwaheene.

1 Abhakorinto 6:18

Mwiyangararire mutakora obhusimbe. Obhusarya obhundi bhonsego, omuntu arakora kibhara ya omubhiri gwaye, nawe, omuntu unú arataara kibhara, uyo aragukorera obhusarya omubhiri gwaye omwenego.

1 Abhakorinto 6:9

Kasi mutamanyiri ega, abhakori bha amabhiibhi bhatarisoha mubhukama bhwa Waryubha? Mutangʼeenwa! Abhasimbe, abhantu bhanú bharasyengera ebhisusano, abhasuunu, abhasaaja bhanú bharakora ameega na abhasaaja abharikyabho,

2 Abhakorinto 12:21

Kweki ndoobhoha ega, hanú ndiija kubheenyu, Waryubha waani arikora ndore eginsoni embere yeenyu. Ndisurumbara okurora abhantu abhaaru gati yeenyu bhanú bhaakora obhusarya bhatareehunjura obhusarya bhwabho. Bhakyakoranga amangʼana ga obhusimbe, obhusuunu na amangʼana agandi ga eginsoni ganú bhaaringa nago.

2 Abhakorinto 2:5

Bhoono, omuntu unú akoreri omurikyaye asurumbeeri, atansurumbeerye oni omwenego, abhasurumbeerye na bheenyu bhonsego. Nawe bhoono, ntakwenda nkore eringʼana riyo ribhe erikongʼu bhukongʼu.

2 Abhakorinto 7:12

Ego, onyoora naabhangʼoorera enyarubha irya, ntaangʼoora kurusumo rwa omuntu unú akoreeri oundi amabhiibhi, kasi kurusumo rwa unú akoreerwe amabhiibhi. Nawe, naaringa ndeenda mbatubhurire murore bheenyu abheene embere ya Waryubha, kya ego mureeruusya kurusumo rwetu.

Abhagaratia 5:19

Mbe, amangʼana ganú garakoreka kwa orunamba orubhiibhi rwa omubhiri, gamanyikeeni kubhurabhu, na n-ganu, obhusimbe, obhusuunu, okukora amangʼana ga eginsoni,

Abhaefeso 5:3

Bhoono bheenyu mutakora amangʼana ganú garaakore abhantu bhagambe ega, muringi abhasimbe, abhakonu na abha orunamba rwa ebhintu, kwa okubha ebhikorwa bhya ekabhira iyo, bhitakwenderwa mubharabhu bha omutima.

Abhakorosai 3:5

Mbe bhoono, mutige kimwi amangʼana gonsego ga mukyaro kinu ganú garingi munsi weenyu, kya obhusimbe, obhukonu, orunamba orubhiibhi, ameetegeerero amabhiibhi, na orunamba rwa ebhintu. Okubha na orunamba rwa ebhintu n-kya okusyengera ebhisusano okutiga Waryubha.

1 Abhatesaronike 4:7

Waryubha ataatubhirikira okukora obhusimbe, nawe, yaatubhirikira twikare mubhurabhu.

Obhukundukuri 2:21

Oni naamuhaana omweya naho yeehunjure obhusarya bhwaye, nawe, atakwenda okutigana na obhusimbe bhwaye.

Obhukundukuri 21:8

Nawe, abhantu abhoobha, bhanú bhatakumwikirirya Waryubha, bhanú bharamujimya Waryubha, abheeti, abhasimbe, abhaturutumbi, bhanú bharasyengera ebhisusano, na abhabheehi, bhayo bhonsego bharyeswa munyanja ya omururo omuhaari. Na enyanja ya omururo omuhaari iyo, ngʼyo oruku rwa kabhiri.”