1 Abhakorinto 4:8 - Eriragano Erihya

⁸ Bhoono, mureerora mwigutiri! Mureerora muringi abhaniibhi! Mureerora muringi abhakama bira bheetu! Nyakara nyoore mukaabheeri abhakama heene, naho bheetu, tutunge hamwi na bheenyu!

1 Abhakorinto 4:8 ပူးပေါင်းရင်းမြစ်များ

Mataayo 5:1

Mbe, hanú Yeesu yaarora emiganda gya abhantu, akariina munkuku, akeekara. Nho, abheehigira bhaaye bhakamuseeta.

Ruuka 6:25

Murikirora-ko, bheenyu bhanú mureeguta bhoonwego, kwa okubha muribhanga mureegwa omweko. Murikirora-ko, bheenyu bhanú muraseka kwa okujomerwa bhoonwego, kwa okubha murikuura na okufumba.

Amakorwa ga Abhatumwa 26:29

Pauro akamukyukya ega, “Ebhe n-kwa amangʼana amake, kasi kwa amaaru, ndamusabha Waryubha eguru yaaho, na eguru ya abhandi bhonsego bhanú bharanyitegeerera reero ega, mubhe kya ego oni ndingi, nawe bira okubhohwa na eminyororo ginu.”

Abharuumi 12:3

Bhoono, Kiristu yangʼeeri eriruguto mbe omutumwa waaye. Kwa ego, ndakeerya kira oumwi weenyu ega, ateerora ega, yaana obhwera okukira kya ego aringi, nawe, abhe na egintungwa. Kira omuntu aheerwe endengo yaaye ya eimani na Waryubha.

1 Abhakorinto 1:5

Kwa okugwatana kwenyu na Kiristu, muheerwe obhuniibhi bhwa amangʼana gonsego, ekinene kubhugambi bhwenyu bhonsego na obhumanyi bhwenyu bhonsego.

1 Abhakorinto 4:18

Bhoono, abhandi gati yeenyu, bhareeheema, kwa okubha bhareeganirirya ega, ntakyaaja kweki kubheenyu eyo.

1 Abhakorinto 5:6

Okwigungya kwenyu kutakwenderwa. Mutamanyiri ega, ekimera ekikego, kirabhimbya eriguma erigima?

2 Abhakorinto 11:1

Kora nyoore ndagamba kya omukangi, ndasabha munyitegeerere. Mbe, munyitegeerere!

2 Abhakorinto 13:9

Turajomerwa, kwa okubha bheetu turingi abhanyooheeru, nawe, bheenyu muuna eginguru. Turamusabha Waryubha abhabheere mubhe mukuneeni kunteemo yeenyu.

Abhagaratia 6:3

Mbe, omuntu wowonse unú areerora ega, yaana obhwera okukira abharikyaye, enu ataana obhwera bhobhonse, uyo areengʼeena omwene!

Abhafiripi 1:27

Mbe, eginteemo gyenyu giringʼaane na Amangʼana Amajomu eguru ya Kiristu. Nyoore ndiija okubharora kasi ntariija, niigwe ega, muragendererya okunaga na okubha na obhumwi, enu muranyankira kwa omutima gumwi, eimani inú erarekana na Amangʼana Amajomu.

Abhafiripi 2:12

Mbe, abhahanje bhaani, eribhaga naaringa kubheenyu, mwaringa muramwigwa Waryubha eginsiku gyonsego. Egoego, kora bhoono eribhaga ndingi ahare na bheenyu, mutatiga okukora ganú gareenderwa kubhantu bhanú bhaatuuribhwa na Waryubha. Mukore gayo kwa okurigita kunú kurarekana na okumoobhoha Waryubha.

Obhukundukuri 3:17

Muragamba ega, ‘Bheetu m-baniibhi, twiniibhirye bhukongʼu. Tutaana ekintu kinú turasuuhirwa!’ Nawe, mutamanyiri ega, bheenyu m-banyooheeru, mureenderwa okumaahirwa ekyabhira, muringi abhatobhu, abhahoku, kweki muringi kinaabhi.

Obhukundukuri 5:10

Uuwe waakora abhantu bhayo, bhabhe obhukama bhwa Waryubha weetu, na bhabhe abhasyengeri bha okumukorera emirimu, bhonse bharitunga ekyaro.”