1 Abhakorinto 4:7 - Eriragano Erihya

⁷ Bhoono, niwi unú yaabhakora bheenyu okubha abha eguru okukira abhandi? N-kintu-ki kinú muunakyo kinú mutaahaanwa na Waryubha? Nyoore mwahaanwa, kwaki mureegungya muna mutaahaanwa?

1 Abhakorinto 4:7 ပူးပေါင်းရင်းမြစ်များ

Ruuka 19:13

“Hanú yaaringa ataraamba orugendo, akabhabhirikira abhakori bha emirimu bhaaye ekumi, akabhahaana egimbirya eginjaru kira oumwi, akabhakeerya ega, ‘Mukore ebhyasara okuhikira hanú ndihunjuka.’

Yoana 1:16

Okurekana na obhukunaani bhwaye, Waryubha atuheeri bheetu bhonsego eriruguto ryaye, kweki aragendererya okutoongerya eriruguto erindi.

Yoana 3:27

Yoana akabhakyukya ega, “Omuntu atakutura okunyoora ekintu kyokyonse, nyoore Waryubha ataramuhaana.

Abharuumi 1:5

N-kuhitira kumwene, Waryubha yaangʼaana eriruguto rya okubha omutumwa waaye, naho abhantu bhonsego bhanú bhataringi Abhayahudi, bhature okumwikirirya na okumwigwa Omukuru Yeesu, na eriina ryaye rigungibhwe.

Abharuumi 12:3

Bhoono, Kiristu yangʼeeri eriruguto mbe omutumwa waaye. Kwa ego, ndakeerya kira oumwi weenyu ega, ateerora ega, yaana obhwera okukira kya ego aringi, nawe, abhe na egintungwa. Kira omuntu aheerwe endengo yaaye ya eimani na Waryubha.

Abharuumi 12:6

Kwa ego, tuuna ebhibharo amanga amaaru, kya ego Waryubha yaatuhaana kwa eriruguto ryaye. Omuntu unú aheerwe ekibharo kya okuruusya obhurooti, atumire ekibharo kiyo okuringʼaana na eimani yaaye.

1 Abhakorinto 15:10

Nawe, n-kwa eriruguto rya Waryubha nkyo kirakora oni m-mutumwa. Eriruguto ryaye kuoni m-bwera obhunene, kwa okubha okurekana na eriruguto riyo, naakora emirimu okukira abhatumwa bhonsego. Ntaakora gayo kwa eginguru gyani omwene, nawe eriruguto rya Waryubha ndyo ryakora emirimu hamwi na oni.

1 Abhakorinto 3:5

Mbe bhoono, Apooro niwi? Na oni Pauro niwi? Bheetu turingi abhakori bha emirimu bhanú Waryubha yaatutuma okubhabheera bheenyu mumwikirirye. Kira oumwi arakora emirimu kya ego yaahaanwa na Omukuru.

1 Abhakorinto 5:6

Okwigungya kwenyu kutakwenderwa. Mutamanyiri ega, ekimera ekikego, kirabhimbya eriguma erigima?

1 Abhakorinto 7:7

Bhoono, oni nkaahanjiri abhantu bhonsego bhabhe kya ego ndingi, nawe etaringi ego, kwa okubha kira omuntu Waryubha amuheeri ekibharo kyaye, oundi kinu, oundi kirya.

Yakobho 1:17

Kira omutuho omujomu gunú turaruusya na kira ekintu ekijomu kinú turahaanwa, kirarwa murwire ku Waryubha, Omubhumbi wa obhurabhu bhwa eryubha, omweri na eginjota. Waryubha m-muheene eribhaga ryonsego, na atakwikyukyakyukya kya ekiiriiri kinú kirangʼaanyangʼaanya.

1 Petero 4:10

Kira oumwi aheerwe obhuturo bhwaye okurwa ku Waryubha, naho abheere abharikyaye. Ereenderwa abhutumire bhujomu, kya omwimiririri owa heene wa eginonkwe amanga amaaru gya Waryubha.