1 Abhakorinto 4:5 - Eriragano Erihya

⁵ Mbe bhoono, mutabhuturira ekiina abhantu eribhaga ryabho ritarahika, muganye okuhikira orusiku runú Omukuru ariija. Weeki ngʼo aritubhura ebhintu bhyonsego bhinú bhibhisirwe mukisunte na okoorokya ganú garingi mumitima gya abhantu. Nho kira omuntu arinyoora eginkuma gyaye ginú areenderwa, okurwa ku Waryubha.

1 Abhakorinto 4:5 ပူးပေါင်းရင်းမြစ်များ

Yakobho 5:7

Bhoono, abhahiiri bhaani kuimani, mubhenga mureegumirirya okuhikira eribhaga rinú Omukuru Yeesu arihunjuka. Mumaahe kya ego omurimi araganyirira ebhyakurya ebhijomu bhya obhwera bhya mukyaro munu. Areegumirirya na okuganyirira okuhikira hanú arinyoora embura ya omuubhu na eya omwaka.

2 Abhakorinto 5:10

Niigo, kwa okubha bheetu bhonsego turiimirira embere ya ekitumbi kya Kiristu, ekya okubhuturira ekiina, naho kira oumwi ahaanwe amariho okuringʼaana na ganú yaakora kwa omubhiri gunu, gabhe amajomu kasi gabhe amabhiibhi.

1 Abhakorinto 3:13

Kira omuntu, emirimu gyaye girimaahikana ega, giringi egaki. Orusiku rurya rwa okubhutura ekiina, emirimu gyonsego giribha kubhurabhu, kwa okubha emirimu gya omuntu wowonse, girirengwa kwa omururo gwa okubhuturira ekiina.

Abhaebhurania 4:13

Kweki, kitariho ekibhumbwa kyokyonse kinú kiibhisiri ku Waryubha. Ebhintu bhyonsego bhiringi kubhurabhu embere yaaye, na bheetu tureenderwa okumukeerya amakorwa geetu ega, n-kwaki twagakora.

2 Abhakorinto 10:18

Kwa ego, omuntu wowonse unú areegungya omwene atakwikiriribhwa, nawe, unú aragungibhwa na Omukuru, ngʼo areekiriribhwa.

Abharuumi 2:16

Ego niigo eribha, orusiku rwa obhubhuturi bhwa ekiina. Waryubha aribhuturira ekiina abhantu okuhitira ku Kiristu Yeesu, kora kumeetegeerero gaabho ga ekinyerera. Amangʼana Amajomu ganú ndaraarika niigo garingi.

Abharuumi 2:1

Mbe, uuwe Omuyahudi omurikyani, orabhuturira ekiina abhantu abhandi bhanú bharakora amangʼana gayo. Nawe, kora uuwe omwene otakutura okwibhagirira embere ya Waryubha! Maaha, hanú orabhuturira ekiina abhandi, nho oreebhuturira ekiina uuwe omwene, kwa okubha amangʼana amabhiibhi ganú bharakora, ngo uuwe omwene wonse orakora.

Obhukundukuri 20:12

Nkarora abhaku bhonsego, abhakuru na abhake, bheemiriiri embere ya ekitumbi kya ekikama kirya. Nho, ebhitabho bhinú bhyangʼoorwa-mo amakorwa ga abhantu bhonsego bhikakundukurwa. Na kikakundukurwa ekitabho ekindi, na kiyo kyaringa ekitabho kya obhuhoru bhwa koko. Abhaku bhayo bhakabhuturirwa ekiina, okurekana na amakorwa gaabho ganú gaangʼoorwa mubhitabho muyo.

1 Petero 1:7

Amasakyo gayo, garasakya eimani yeenyu emaahikane ega, ngʼ-ya heene, kya ego egijahaabhu girarengwa kwa okusambwa na omururo. Eimani yeenyu iina obhwera obhunene okukira egijahaabhu. Kwa ego, Yeesu Kiristu aribhahaana eginkuma, obhukuru na obhusuuku hanú ariija na okwiyorokya kubhurabhu.

Abharuumi 2:29

Tiigo-ha kora ahake! Omuyahudi eritinya ngʼ-unú aramwigwa Waryubha kwa omutima gwaye gonsego. Okusaarwa kwa heene, kurakorwa na Omutima Omurabhu, mumutima gwa omuntu, kutaringi kwa okugwata amaragiriryo ga Musa. Omuntu kya uyo, atakunyoora eginkuma okurwa kubhantu, nawe, aragungibhwa na Waryubha omwene.

2 Abhakorinto 4:2

Bheetu twangiri, tutakukora amangʼana ga ekinyerera na aga eginsoni. Tutakungʼeena abhantu, kora okusanganʼya eringʼana rya Waryubha na obhubheehi. Nawe, tureekomba kwa okugamba obhuheene kubhurabhu, naho abhantu bhonsego bhamanye mumeetegeerero gaabho ega, turingi abhaheene embere ya Waryubha.

Abharuumi 14:4

Uuwe otaana obhutungi bhobhonse bhwa okubhuturira ekiina omugaya wa omuntu oundi. Omukuru waaye ngʼo amanyiri, nyoore omugaya waaye areegumirirya kuimani, kasi atakwigumirirya kuimani. Wonse areegumirirya kwa okubha Omukuru Yeesu, aratura okumukora yeegumirirye.

Yoana 5:44

Bheenyu muhanjiri okugungibhwa na abharikyenyu, nawe, mutakutuna eginkuma ginú girarwa ku Waryubha omumwemwe. Bhoono, muratura egaki okunyikirirya oni?

Yakobho 4:11

Abhahiiri bhaani kuimani, mutabhanga murahaamiriranʼya. Kira unú aramuhaamirirya omurikyaye, kasi okumubhuturira ekiina, uyo, arabha ajeereri amaragiriryo ga Waryubha na okugarora ega, m-mabhiibhi. Na hanú oragarora ega m-mabhiibhi, otakutura okugagwata kweki, nawe, orabha wikorerye omubhuturi wa ekiina.

Ruuka 6:37

“Mutabha murabhabhuturira ekiina abhandi, naho Waryubha atariija okubhabhuturira ekiina na bheenyu. Mutagamba ega, abhandi bhabhuturirwe ekiina, nho na bheenyu mutaribhuturirwa ekiina. Mwabhire abhantu bhanú bhabhasariirye, nho na bheenyu muryabhirwa.

Mataayo 24:46

Arinonkwa omukori wa emirimu unú omukuru waaye, hanú arihunjuka okurwa kurugendo, amunyoore arakora kya ego yaamuragirirya.

Obhukundukuri 1:7

Maaha! Yeesu ariijira gatigati ya amasaaru! Abhantu bhonsego bharimurora, kora bhanú bhaamubhita na eritimu. Amakabhira gonsego mukyaro, garifumba oruku, kurusumo rwaye. Maheene, niigo eribha. Amina.

1 Petero 5:4

Na Omwangarariri Omukuru wa erikanisa hanú aritubhuka, bheenyu murituhwa eritaaji rya obhukuru rinú ritakugunda.

1 Abhatesaronike 5:2

kwa okubha bheenyu abheene mumanyiri ega, orusiku rwa okuuja kwa Omukuru, ruriija kya ego omwibhi araaja obhutiku.

Yoana 21:22

Yeesu akamukyukya ega, “Nyoore ndeenda abhe omuhoru okuhikira hanú ndihunjuka, kwaki gayo garakutunʼya? Uuwe unsoorane.”

2 Petero 3:4

Bharibhajeera kwa okugamba ega, “Kiristu yaaraga ega, ariija! Bhoono aringi-ha? Amangʼana ngo ganuganu okwambira bhajaaji weetu bhakwe, amangʼana garingi bhuryabhurya kya ego gaaringa okurwa kubhwambiro bhwa ekyaro!”

Mataayo 25:23

“Omukuru waaye, akamukeerya ega, ‘Okoreri bhwaheene, omukori wa emirimu wa enkoro enjomu na omuheene. Waabha omuheene kumangʼana amake, kwa ego, ndakutuura okubha omwimiririri wa ebhintu ebhyaru. Njo ojomerwe hamwi na omukuru waaho.’

Yuda 1:14

Enoki, omuntu wa orwibhuro rwa muhungati okureka ku Adamu, yaaruusya obhurooti eguru ya abhantu bhayo ega, “Maaha, Omukuru Waryubha araaja hamwi na ebhiku bhya bhamaraika bhaaye abharabhu,

2 Petero 3:12

enu muraganyirira orusiku rwa Waryubha ruyo, na okukomererya ega, ruuje bhwangu. Orusiku ruyo, ndo Waryubha arisamba orwire kwa omururo na okurusikya, na ebhintu bhinú bhirimo, bhirirungura chwe!

1 Abhakorinto 15:23

Nawe, kira omuntu arihyuka kwibhaga ryaye, Kiristu ngʼo owa mbere okuhyuka, eribhaga erindi abhantu bhaaye bharihyukibhwa hanú ariija.

1 Abhakorinto 11:26

Kwa ego, hanú murarya omukaate guyo, na okunywera ekikombe kiyo, murabha muraraarika oruku rwa Omukuru okuhikira hanú ariija.

1 Abhakorinto 1:7

Bhoono, mutakusuuhirwa kora ekibharo ekimwi kya Omutima Omurabhu, enu muraganyirira kwa enamba okuhunjuka kwa Omukuru weetu Yeesu Kiristu.

Abharuumi 2:7

Aribhahaana obhuhoru bhwa koko, abhantu bhanú bhareegumirirya okukora amajomu, kwa okubha bharatuna eginkuma, obhusuuku, na obhuhoru bhunú bhurarwa ku Waryubha.

Mataayo 24:30

“Kwibhaga riyo, ekimanyiiriryo kya Omwana wa Adamu kirimaahikana kurwire eyo, na abhantu bha ebhyaro bhyonsego bharifumba, bhonse bharimurora Omwana wa Adamu araaja kumasaaru okurwa murwire, hamwi na eginguru na obhukuru obhwaru.

1 Abhakorinto 3:8

Unú arahamba egimbusuro na unú areetiriira bhonsego bharingi ekintu kimwi, na Waryubha arimuhaana kira oumwi omutuho gwaye, okuringʼaana na kya ego yaakora emirimu gyaye.

Mataayo 25:21

“Omukuru waaye, akamukeerya ega, ‘Okoreri bhwaheene, omukori wa emirimu wa enkoro enjomu na omuheene. Waabha omuheene kumangʼana amake, kwa ego, ndakutuura okubha omwimiririri wa ebhintu ebhyaru. Njo ojomerwe hamwi na omukuru waaho.’

Mataayo 10:26

“Mbe, mutabhoobhoha abhantu bhayo, kwa okubha ritariho eringʼana rinú riibhisiri, rinú ritaritubhurwa, kora ritariho rinú ribhisirwe, rinú ritarimaahikana.

Yoana 21:23

Mbe, amangʼana gayo gakanyaragana gati ya abharikyaye ega, omwihigira uyo atarikwa. Nawe, Yeesu ataamukeerya omwihigira uyo ega, atarikwa, nawe, yaagamba ega, “Nyoore ndeenda abhe omuhoru okuhikira hanú ndihunjuka, kwaki gayo garakutunʼya?”

1 Abhakorinto 3:14

Nyoore emirimu gya omuntu gitarirungura, omuntu uyo, arinyoora omutuho.

1 Abhakorinto 11:16

Nawe, nyoore omuntu areende okuhakaana eguru ya amangʼana gayo, bheetu tutaana egimiira egindi okukira giyo, kora amakanisa ga Waryubha gonse gataanagyo.

Yakobho 5:9

Abhahiiri bhaani kuimani, muteengʼeheereranʼya mutariija okubhuturirwa ekiina. Maaha! Omubhuturi wa ekiina Yeesu Kiristu, aringi haangʼi okuhunjuka.

2 Abhakorinto 10:9

Ntakwenda mmaahikane kubheenyu ega, ndeenda okubhakangirirya kuginyarubha ginú ndabhangʼoorera.