1 Abhakorinto 4:4 - Eriragano Erihya

⁴ kwa okubha ntakunyahaarika na ryoryonse mumutima gwani. Nawe, riyo ritakunkora mbe ntaana amasoro. Omukuru Yeesu ngʼo arambuturira ekiina.

1 Abhakorinto 4:4 ပူးပေါင်းရင်းမြစ်များ

Yoana 21:17

Akamubhuurya orwa kasatu ega, “Simoni, omwana wa Yoana, bhoono unhanjiri?” Mbe, Petero akasurumbara kwa okubha yaamubhuurya orwa kasatu ega, “Bhoono, unhanjiri?” Akamukyukya ega, “Ee Omukuru, omanyiri gonsego. Omanyiri ega, nkuhanjiri.” Yeesu akamukeerya ega, “Riisya amangʼondi gaani.

Amakorwa ga Abhatumwa 23:1

Pauro akabhamogorera abhachaama bha eribharaja erikuru bhayo, akagamba ega, “Abhahiiri bhaani, naabha ndeekara kwa ameetegeerero amajomu embere ya Waryubha, nawanyareero.”

Abharuumi 2:13

Bharibhuturirwa ekiina, kwa okubha Waryubha atakumubharira obhuheene omuntu unú areetegeerera amaragiriryo gayo okwenego, nawe unú arakora ganú amaragiriryo gareenda akore.

Abharuumi 4:2

Nyoore turaagambe ega, Abhurahamu yaabharwa okubha omuheene embere ya Waryubha, okurekana na amakorwa gaaye amajomu, nho akaabheeri na ekintu ekya okwiheemera. Nawe, obhuheene niiga, ataana kyokyonse kya okwiheemera embere ya Waryubha,

1 Abhakorinto 4:3

Nawe kuoni, ntakurora ega, n-kintu nkaajongerwa na bheenyu, kora nkaabhuturirwa ekiina na eribharaja. Nawe oni omwene ntakwijongera,

1 Abhakorinto 4:5

Mbe bhoono, mutabhuturira ekiina abhantu eribhaga ryabho ritarahika, muganye okuhikira orusiku runú Omukuru ariija. Weeki ngʼo aritubhura ebhintu bhyonsego bhinú bhibhisirwe mukisunte na okoorokya ganú garingi mumitima gya abhantu. Nho kira omuntu arinyoora eginkuma gyaye ginú areenderwa, okurwa ku Waryubha.

2 Abhakorinto 1:12

Mbe, ekisigo kinú kirakora tureegungya niiga, ameetegeerero geetu garatwimiririra ega, eginteemo gyetu ni-njomu mukyaro hanu, ekinene n-kubhugwatani bhwetu na bheenyu. Twikeeri kwa omutima omujomu na obhuheene bhunú bhurarwa ku Waryubha. Tutaakora ego, kwa egintungwa gyetu abheenego, nawe, eriruguto rya Waryubha, ndyo ryakora tukakora gayo.

2 Abhakorinto 5:10

Niigo, kwa okubha bheetu bhonsego turiimirira embere ya ekitumbi kya Kiristu, ekya okubhuturira ekiina, naho kira oumwi ahaanwe amariho okuringʼaana na ganú yaakora kwa omubhiri gunu, gabhe amajomu kasi gabhe amabhiibhi.