1 Abhakorinto 4:2 - Eriragano Erihya

² Bhoono, omuntu unú aheerwe emirimu, areenderwa abhe omuheene.

1 Abhakorinto 4:2 ပူးပေါင်းရင်းမြစ်များ

Mataayo 25:21

“Omukuru waaye, akamukeerya ega, ‘Okoreri bhwaheene, omukori wa emirimu wa enkoro enjomu na omuheene. Waabha omuheene kumangʼana amake, kwa ego, ndakutuura okubha omwimiririri wa ebhintu ebhyaru. Njo ojomerwe hamwi na omukuru waaho.’

Mataayo 25:23

“Omukuru waaye, akamukeerya ega, ‘Okoreri bhwaheene, omukori wa emirimu wa enkoro enjomu na omuheene. Waabha omuheene kumangʼana amake, kwa ego, ndakutuura okubha omwimiririri wa ebhintu ebhyaru. Njo ojomerwe hamwi na omukuru waaho.’

Ruuka 12:42

Omukuru Yeesu akamukyukya ega, “Omukori wa emirimu omuheene na wa egintungwa, ngʼ-unú omukuru waaye amuteeri okubha omwimiririri wa abhakori bha emirimu abhandi munyumba yaaye, naho abhe arabhahaana ebhyakurya kwibhaga rinú rireenderwa.

1 Abhakorinto 4:1

Kwa ego, abhantu bhatubhare ega, bheetu m-bakori bha emirimu bha Kiristu, tuheerwe emirimu gya okuraarika amangʼana ga Waryubha ganú gaaringa geebhisiri.

1 Abhakorinto 4:17

Kiyo nkyo kikoreri mmutumiri Timoteo, omwana waani omuhanje kuimani. Weeki m-muheene kumirimu gya Omukuru. Mmutumiri naho abhenga arabhahiitukya ganú oni ndagwata kubhuhoru bhwani na Kiristu, ganú ndeehigirya abhantu kira ahasi mumakanisa gonsego.

1 Abhakorinto 4:3

Nawe kuoni, ntakurora ega, n-kintu nkaajongerwa na bheenyu, kora nkaabhuturirwa ekiina na eribharaja. Nawe oni omwene ntakwijongera,

1 Abhakorinto 7:25

Bhoono, kubhahara bhanú bhataratetwa, ntaana amaragiriryo eguru yaabho, okurwa ku Mukuru Yeesu. Nawe, ndabhatongera kwa ameetegeerero gaani, oni unú ndeekiriribhwa kwa ekisigo kya ekyabhira kya Waryubha.

2 Abhakorinto 2:17

Bheetu tutaringi kya abhantu abhandi abhaaru, bhanú bharakora eringʼana rya Waryubha, kya ekintu kya okugurya, naho bhanyoore obhwera. Nawe, bheetu kwa eginguru gya Kiristu, turaraarika eringʼana rya Waryubha kwa obhuheene bhonsego embere ya Waryubha, kwa okubha weeki ngʼo yaatutuma.

2 Abhakorinto 4:2

Bheetu twangiri, tutakukora amangʼana ga ekinyerera na aga eginsoni. Tutakungʼeena abhantu, kora okusanganʼya eringʼana rya Waryubha na obhubheehi. Nawe, tureekomba kwa okugamba obhuheene kubhurabhu, naho abhantu bhonsego bhamanye mumeetegeerero gaabho ega, turingi abhaheene embere ya Waryubha.

Abhakorosai 1:7

Mweehigiribhwa Amangʼana Amajomu gayo na Epafura. Weeki m-mukori wa emirimu omurikyetu omuhanje, aramukorera emirimu Kiristu kwa obhuheene kurusumo rwenyu.

Abhakorosai 4:17

Mumukeerye Arikipo ega, yaangararire bhujomu emirimu ginú yaahaanwa na Omukuru, naho agikunaanʼye.

Abhakorosai 4:7

Tukiko, omuhiiri weetu omuhanje kuimani, aribhakeerya amangʼana gonsego eguru yaani. Weeki m-mukori wa emirimu omuheene. Turakora nawe hamwi emirimu gya Omukuru Yeesu.