1 Abhakorinto 4:1 - Eriragano Erihya

¹ Kwa ego, abhantu bhatubhare ega, bheetu m-bakori bha emirimu bha Kiristu, tuheerwe emirimu gya okuraarika amangʼana ga Waryubha ganú gaaringa geebhisiri.

1 Abhakorinto 4:1 ပူးပေါင်းရင်းမြစ်များ

Mataayo 13:11

Wonse akabhakyukya ega, “Waryubha abhatubhuriiri bheenyu okumanya ekinyerera kya obhukama bhwa murwire, nawe bheeki, atabhatubhuriiri.

Mataayo 24:45

Yeesu akabhakeerya abheehigira bhaaye ega, “Omukori wa emirimu omuheene na wa egintungwa, ngʼ-unú omukuru waaye amuteeri okubha omwimiririri wa abhakori bha emirimu abhandi munyumba yaaye, naho abhe arabhahaana ebhyakurya kwibhaga rinú rireenderwa.

Mariko 4:11

Wonse akabhakyukya ega, “Bheenyu mbo Waryubha abhatubhuriiri okumanya ekinyerera kya obhukama bhwaye. Nawe, abhantu bhanú bhatakunsoorana, ndabhakeerya gonsego kwa ebhirengyo,

Ruuka 1:2

Bhaangʼoora amangʼana ganú twakeeribhwa na bhanú bheerorera amangʼana gayo kwa ameeso gaabho, okurwa kubhwambiro bhwa emirimu gya Yeesu. Bhayo mbo, bhaaringa bharanyaraganʼya amangʼana gayo eguru ya Yeesu.

Ruuka 12:42

Omukuru Yeesu akamukyukya ega, “Omukori wa emirimu omuheene na wa egintungwa, ngʼ-unú omukuru waaye amuteeri okubha omwimiririri wa abhakori bha emirimu abhandi munyumba yaaye, naho abhe arabhahaana ebhyakurya kwibhaga rinú rireenderwa.

Ruuka 8:10

Wonse akabhakyukya ega, “Waryubha abhatubhuriiri bheenyu okumanya ekinyerera kya obhukama bhwaye. Nawe, abhandi oranyoora ndabhakeerya kwa ebhirengyo, kya ego omurooti Isaaya yaangʼoora ega, ‘Bharaamaahe bhatarora, na bhareegwe bhatamanya.’

Abharuumi 11:25

Abhahiiri bhaani kuimani, ndeenda mumanye eguru ya ekinyerera kya Waryubha kinú akare kyaringa kiibhisiri, naho mutariija okwirora muuna obhungʼeeni bhukongʼu. Mumanye ega, m-Baisiraeri nyabhurebhe mbo bhaaringa na emitima emikongʼu, nawe, n-kuhikira eribhaga rinú Waryubha ariikirirya endengo yonsego ya abhantu bhanú bhataringi Abhaisiraeri okunyoora obhutuurya.

Abharuumi 16:25

Bhoono, tumugungye Waryubha! Weeki aratura okubhakora mubhenga muranaga kuimani yeenyu, okuhitira ku Mangʼana Amajomu eguru ya Yeesu Kiristu ganú naaringa ndaraarika kubheenyu. Amangʼana gayo, akare gaaringa ekinyerera kya Waryubha kinú kyaringa kiibhisiri.

1 Abhakorinto 2:7

Egintungwa ginú turaraarika n-kinyerera kya Waryubha, kinú kyaringa kiibhisiri kubhantu. Eribhaga Waryubha yaaringa atarabhumba ekyaro, yaamura okutumira egintungwa giyo, naho okutukorera amajomu.

1 Abhakorinto 3:5

Mbe bhoono, Apooro niwi? Na oni Pauro niwi? Bheetu turingi abhakori bha emirimu bhanú Waryubha yaatutuma okubhabheera bheenyu mumwikirirye. Kira oumwi arakora emirimu kya ego yaahaanwa na Omukuru.

1 Abhakorinto 4:13

Hanú bharatuhaamirirya amabhiibhi, bheetu turabhakyukya bhujomu. Tukorerwe muna obhunyanku bhwa ekyaro okuhikira bhoonwego, kweki tutakwenderwa kuryoryonse.

1 Abhakorinto 4:2

Bhoono, omuntu unú aheerwe emirimu, areenderwa abhe omuheene.

2 Abhakorinto 11:23

Bhoono tiga ngambe muna ndangeeni, ega, nyoore bheeki m-bakori bha emirimu bha Kiristu, oni m-mukori wa emirimu wa Kiristu okubhakira bheeki. Naakora emirimu emikongʼu bhukongʼu, naabhohwa mara kaaru mwigereja, naatemwa bhukongʼu na mara kaaru naaringa mungʼanga ya oruku.

2 Abhakorinto 12:6

Kora nkaabheeri ndeenda okwigungya, ntakaabheeri omukangi, kwa okubha nkaabheeri ndagamba ga heene. Nawe, ndeeribhira okwigungya, naho omuntu wowonse atige okummaaha ega, oni ndeenderwa bhukongʼu okukira ganú bharamaaha na okugeegwa okurwa kuoni.

2 Abhakorinto 4:5

Bheetu tutakuraarika amangʼana eguru yeetu abheene, nawe, turaraarika ega, Kiristu Yeesu ngʼo Omukuru, na kweki turaraarika ega, bheetu turingi abhagaya bheenyu kwa enjira ya okumukorera emirimu Yeesu.

2 Abhakorinto 6:4

Nawe, turoorokya kumangʼana gonsego ega, turingi abhakori bha emirimu bha Waryubha, kwa okubha tureegumirirya bhukongʼu eginyanko, egitaabhu na egintambara.

Abhaefeso 1:9

Atukoreri tumanye ekinyerera kyaye kinú kyaringa kiibhisiri. Yaakora ego, kwa okubha niigo yaamujomera, na yeendanga okuikora okuhitira ku Yeesu Kiristu.

Abhaefeso 6:19

Munsabhirenga na oni, ega, Waryubha yangʼaanenga amangʼana ga okugamba, kira hanú ndahaira, naho ndaarikenga bira obhoobha obhuheene bhunú Waryubha yaatutubhurira mu Mangʼana Amajomu.

Abhakorosai 2:2

Ndakora ego, naho emitima gyenyu giteremibhwe, na okuhanjana kwenyu kubhagwatanʼye. Ndeenda munyoore obhumanyi bhonsego bhunú bhurabhahaana obhuheene. Nho, muraamanye ekinyerera kya Waryubha kinú akare kyaringa kiibhisiri, kiyo nkyo Kiristu omwene.

Abhakorosai 4:3

Mubhenga muratusabhira na bheetu bhonse, naho Waryubha atusiikurire ekiseku kya okuraarika eringʼana ryaye. Eringʼana riyo, ndyo amangʼana eguru ya Kiristu, ganú gaaringa geebhisiri. Na kurusumo rwa okuraarika amangʼana gayo, oni ndingi mukibhohe.

1 Timoteo 3:16

Obhuheene bhunú Waryubha yaatutubhurira m-bwa okuruguurya, bhunú tureekirirya m-bunu ega, Kiristu yeeyorokya kwa enjira ya omubhiri, akoorokibhwa na Omutima Omurabhu ega, m-muheene, bhamaraika bhakamurora, amangʼana eguru yaaye, gakaraarikwa kubhantu bha ebhyaro bhyonsego, akeekiriribhwa na abhantu bha ebhyaro bhyonsego, na akasakwa okugya eguru mubhukuru.

1 Timoteo 3:6

Na atige okubha unú yaamwihunjurira Waryubha bhwangu hanu, ataaja okwiheema. Okwiheema kuyo, kurimukora abhuturirwe ekiina, kya ego Erisambwa ryabhuturirwa ekiina.

1 Timoteo 3:9

Nawe, bhareenderwa bhabhe abhantu bhanú bharagwata kwa ameetegeerero amajomu, obhuheene bhwa eimani yeetu inú Waryubha yaatutubhurira.

Tiito 1:7

Omukangati wa erikanisa, m-mwimiririri unú yaahaanwa emirimu gya Waryubha. Weeki areenderwa abhe omuntu unú atakugambwa obhubhiibhi. Atabha omuntu wa omutwe omukongʼu, atabha na enkoro, atabha omureebhi, atabha omutindi, kweki atabha na orunamba orubhiibhi rwa egimbirya.

1 Petero 4:10

Kira oumwi aheerwe obhuturo bhwaye okurwa ku Waryubha, naho abheere abharikyaye. Ereenderwa abhutumire bhujomu, kya omwimiririri owa heene wa eginonkwe amanga amaaru gya Waryubha.