1 Abhakorinto 3:3 - Eriragano Erihya

³ kwa okubha mukyoorokereribhwa na amangʼana ga ekyaro. Neegwiri ega, gati yeenyu muuna orwango na eritoongʼana. Bhoono, gayo gatakoorokya ega, mukyoorokereribhwa na amangʼana ga ekyaro na mukyeekara kya abhantu bha ekyaro?

1 Abhakorinto 3:3 ပူးပေါင်းရင်းမြစ်များ

Abharuumi 13:13

Tubhe na eginteemo eginjomu kya abhantu bhanú bhareekara mundingaasi ya orusiku oruhya. Tutabha abhantu bhanú bharakora eginyangi gya okunywa amarwa na abhareebhi. Tutakora eginteemo gyogyonse gya obhusimbe, kora amangʼana ga eginsoni. Tutabha abhatindi kora abha orwango.

1 Abhakorinto 1:10

Mbe bhoono, abhahiiri bhaani kuimani, ndabhakomererya kuriina rya Omukuru weetu Yeesu Kiristu ega, mutabha murahabhana kungamba. Nawe mubhenga mureegwirana, na mubhenga na obhumwi kuganú oranyoora murahairira na kuganú oranyoora mureeganirirya.

1 Abhakorinto 1:11

Abhahiiri bhaani kuimani, abhantu nyabhurebhe bha owa Kiroe, bhankeererye ega, eritoongʼana riringi gati yeenyu.

1 Abhakorinto 11:18

Nigwiri ega, hanú oranyoora mwikumeenʼye hamwi abheekirirya bhonsego mutakwigwana. Kugayo nigwiri, agandi ndeekiriranʼya nago.

1 Abhakorinto 3:4

Ndagamba ego, kwa okubha kira omuntu aragamba bhwaye, oumwi aragamba ega, “Oni ngʼ-wa Pauro,” oundi aragamba ega, “Oni ngʼ-wa Apooro.” Bhoono, gayo gatakoorokya ega, mukyakora kya abhantu bha ekyaro?

2 Abhakorinto 12:20

Ndoobhoha ega, eribhaga rinú ndiija kubheenyu, ndibhanyoora muuna eginteemo ginú gitakunjomera. Riyo ririkora nkore ganú gatakubhajomera bheenyu. Ndoobhoha ega, ndatura okubhanyoora muuna eritoongʼana, orwango, enkoro, eginhaka, obhugambani, obhubheehi, ameeheemo na eriihe.

Abhagaratia 5:15

Nawe, nyoore murarumana na okwirya kya egintyenyi, mwiyangararire, naho mutariija okwisikya bheenyu abheene.

Tiito 3:3

Akare hayo, bheetu abheene bhonse, eribhaga twaringa tutaramwikirirya Yeesu, twaringa abhakangi, abhajeemi, kweki twaringa tungʼeenerwe. Twaringa abhagaya bha orunamba orubhiibhi rwa amanga amaaru ga ekyaro. Okwikara kwetu kwaringa kwa okukora amabhiibhi na orwango. Abhantu bhaaringa bharatubhihirirwa, na bheetu twaringa turabhabhihirirwa.

Yakobho 3:16

Kira ahasi hanú haana orwango na obhutindi, nho eriihe na amabhiibhi agandi gonsego garingi.

1 Petero 4:2

Kwa enjira iyo, obhwikari bhwaye bhonsego, areekara okuringʼaana na kya ego Waryubha areenda, etaringi okuringʼaana na orunamba rwa abhantu.